12
1 Hau: thang: ri Samuela gi Israela byumyu" yiri �Nanu" ngoo ri mho' gu: dangain" koid byid: bye:. Nanu" ri vhoebkhang" wa shid re" khokham dayug we' ngoo nanu" ri byid: bye:.
2 Akhid" nanu" ri vhu" shi: wa shid re" nyang: ri nanu" yoo" bye:. Ngoo koem gi mang: bye: ziyo' vhuloem we' phyu: bye: zi nghoid. Nga" zoo: yi we' nanu" yo' dage" nghoid bye:. Ngoo gi ngi mo nanu" da" vhujhung: koid lid loo bye:.
3 Akhid" ngoo hid: moo nyid da:. Ngoo daja: ja: ri zei: shoid bye: nghoid rigi akhid" Aseing da" shidkhoin" moo nghoid loug we' nyang: khyen: to" da" khokham shidkhoin" moo nghoid loug we' yooboo ri khyoid byid: ge'. Ngoo gi hang" da" nu:- hang" da" myang: ri yu bye: la'- ngoo gi hang" ri doin: zeug wigi mhoug zoo: mhoug shug bye: la'- ngoo hang" jang" mo khougvhoid jhungshug ri yu zoo: bye: la'- ngoo hid: yhang: te" zi daja: ja: ri koid bye: nghoid rigi ngoo yu bye: ziyo' dakhyoo" ti" doem xab byid: wa� ga: tid.
4 Byumyu" yi gi �Nang ngoonu" ri amhoug zoo- adoin: zeig- hang" jang" mo we' nang ci: ayu yu" nghoid� ga: doem phug tid boem.
5 Samuela gi �Ngoo gi nheigloem: phyu: joeb byeung" su: nghoid ziri nanu" myang bye: ziyo' dakhyoo" ti" hau: Aseing yo' nyang: khyen: yu da" khokham gi akhid" nyid" bidnyid moo thang" cab bue" nyid baja"� ga: doem phug tid da:.
Nyangnu" gi �Nghoid bye: Aseing gi ngoonu" da" thang" cab nghoid bye:� ga: doem tid ago".
6 Hau: lho: Samuela gi �Aseing gi Moshe yo' Arun ri khyen: yu wigi nanu" da" phoug" phyid" yiri Egutu mung" mo shu" thu loo su: eig yug nghoid ago".
7 Akhid" nanu" da" nyid joyoo moo yab jo, ge'. Nanu" yo' nanu" da" phoug" phyid" yiri khyoid yu wa shid re" hau: Aseing koid da" gyi: sheung: myhang: thang da" moo" zoo" ri Aseing shidkhoin" moo nanu" ri tid poin" khyo" wigi yooboo foin: wa.
8 Yaku yo' nya: yhoem: byu yi Egutu mung" moo yhe: zhung: nyid uri Egutu byumyu" yi nyangnu" ri doin: zeug khyoo: mo nanu" da" phoug" phyid" yiri Aseing wigi bo pang" wa shid re" yoid mho' nyid boem yoomo nyang: gi Moshe yo' Arun ri nhang: byid: lho: nya: tang: gi Egutu mung" moo nanu" ri shu" thu loo bye: ziyo' he: moug: moo nanu" shoug" nyid boem ago".
9 Nghoid loug we' byumyu" yigi nyangnu" Aseing Mangsoo ri to" myhid pyam boem yoomo nyang: gi Philisti byumyu" yi lo, moo we' Moba khokham da" lo, moo we' Hazora voogung mo da" gyizoug: Sisera lo, moo we' ab byid: pyam wigi nanu" da" phoug" phyid" yiri meing: zain: lho: nyangnu" ri oung: lo" pyam nhang: boem bye:.
10 Hau: thang: nyangnu" ri Aseing wigi bo pang" wa shid re" yoid mho' boem ziyo' ngoonu" gi nang ri nung phug pyam lho: Bala yo' Astarte yu phara" soolhoo: joem ri no' boem bye: yoomo yooboo yo" boem bye:. Ngoonu" da" gyivoo yi da" lo, khoug: mo khyoid yu shi" we' o". Nang ri za: ngoonu" noku boem loo: wa� ga: mho' nyid boem ago".
11 Hougsu" nghoid yoomo Aseing gi Gideon- Barag- Yebtha yo' thang: thang moo gi ngoo ri nhang: byid: bye:. Ngoonu" yugkhang" moo" gi nanu" ri gyivoo yi da" lo, khoug: mo khyoid yu wigi myenjham" za: nyid nhang: bye:.
12 Nghoid loug we' nanu" ri meing: zain: wa ga: soin' nyid da" Amon khokham Nahasha ri myang lang" nanu" da" khokham nghoid da" hau: Aseing ri to" pyam lho: ngoo ri �Nanu" ri vhoebkhang" wa shid re" khokham dayug vho:� ga: tid nyid boem ago".
13 �Akhid" gi nanu" khyen: yu to" da" khokham gi hid: moo nyid nyid bye:. Nanu" nyang: ri mho' ziyo' dakhyoo" ti" akhid" Aseing gi nanu" shid re" nyang: ri byid: bye:.
14 Nanu" we' nanu" da" khokham we' nya: thang: mo cang wigi nanu" da" Aseing Mangso moo" ri voin vu lho: nya: dang: ri gyo: wigi nyang: theung to" da" dang: thang" cab ri cang yhe: wigi nyang: ri coung" nghei boem nghoid rigi nanu" gi khyoo: khaid khang" moo" moo nyid pyoo: yab pyo: lo boem wa zi nghoid.
15 Nghoid loug we' nanu" gi Aseing da" dang: ri atam" gyoo: Aseing theung to" dang: thang" cab ri acang yhe: boem nghoid rigi nanu" ri we' nanu" da" khokham ri we' nyang: gi nung phug pyam khari" wa zi nghoid.
16 Hougsu" nghoid yoomo nanu" nyid nyid da" joyoo moo yab jo, ge'. Houg: Aseing koid shug wa da" moo" zoo" zeing ri nanu" myang wa zi nghoid nyid.
17 He: ayo, gi moug: kyug myid kyug da" ayo, anghoid rhe". Nghoid loug we' Aseing gi moug: goem: goem: wigi moug: voo nhang: we' ein: ngoo akyu" mho' kaid wa zi nghoid. Hau: zi bue" loo lang" nanu" nya: jang" moo khokham mho' da" khyoo: gi Aseing ri nanu" yooboo zeing shoid bye: ein: ziri nanu" nyang: se' lo boem wa zi nghoid.�
18 Hougsu" nghoid yoomo Samuela akyu" mho' ziyo' dakhyoo" ti" hau: nyid" ri nyang: Aseing gi moug: goem: goem: nhang: ziyo' moug: voo nhang: bye:. Hau: thang: ri byumyu" yigi Aseing yo' Samuela ri gyoug lo wigi
19 Nyangnu" gi Samuela ri �Ngoonu" shid: zi ashoug" baja"- re" Aseing Mangso jhang akyu" mho' byid: we'. Khokham mho' yoomo ngoonu" shoid tho' moo agoo" gootu: ngoonu" da" yooboo joem ri we' ngoonu" boin: bye:� ga: tid nyid boem ago".
20 Samuela gi �Agyug goo" hid: yhang: te" da" age moo" zoo" nanu" koid shoid boem bye: nghoid loug we' Aseing jang" mo nung aphug loo" goo". Nanu" da" nheigloem: yoem: so' dangain" yo' nyang: ri loem khau: nyid ge'.
21 Khyoo: vhang: vhang: nhang: da" yu phara" joem jhang khyoo: ayhi: goo". Houg: bang: gi nanu" ri yo" bo pang" wa zi anghoid- houg: bang: gi gyeing" anghoid boem yoomo nanu" ri yo" khyoid yu wa zi we' anghoid.
22 Aseing gi nanu" ri nya: byumyu" koid wa ga: myid phyed to" wigi geing teing da" dangsoo" too" bye: yoomo nanu" ri she: pyam too" wa zi anghoid.
23 Ngoo koem gi nanu" da" shid mo akyu" amho' byid: nyid loo: nghoid yoomo Aseing ri ngoo shoid bye: khyoo: ri Aseing gi khyam" sa: byid: nyid baja". Hau: gungthid nanu" cang yhi: wa shid re" kha: zigi ge ziyo' deingmain" khyoo: nghoid ga: ziri ngoo nanu" ri jhau" byid: wa zi nghoid.
24 Aseing gi nanu" da" Emyed dangain" yo' loem: lug tung" moo" voin tam" gyo: nyid mo, nanu" shid re" nyang: koid shug da" moo" zoo" zeing ri boin: so" nyid boem ge'.
25 Nghoid loug we' nanu" gi yooboo daxo' koid nyid boem nghoid rigi nanu" we' nanu" da" khokham phoo we' doem: lo" byug zi shoug" boem wa nghoid� ga: tid.