1 Houg: lang" mougkhung: seig yo' myidjang seig ri ngoo myang- xangshid" mo mougkhung: yo' xangshid" mo myidjang gi byug loo" khare" lho: nammugdara we' bei: loo: khari" bye:. 2 Hau: lho: gyeungshang: da" voogung seig Yerusalem gi nya: yhoem: seing: phoo' yo' shau" goo" wa shid re"- jen" jen" lhoo, yhoung, to" da" myhiseig yhang: ti" Mangso mougkhung: mougdi mo gyoo" lo ziri ngoo myang. 3 Hau: lho: wigi zhungtang mo thui: zeing dakhoin" tid thu' lo da" zigi Yu" ge"- noku yhoem: gi xangsu:byu yi yo' dage" nghoid bye:- Nyang: gi nyangnu" yo' dage" nyid lho: nyangnu" gi nya: da" byumyu" bue" loo wa Mangsoo gi nya: gung nyang: nyangnu" yo' dage" nyid lho: nyangnu" da" Mangsoo bue" loo wa nghoid. 4 Nyang: gi nyangnu" da" myojid" mo ngoug byid thu' moo thu' ri soid' pyam byid: wa nghoid. Hau: jang" moo gi shid: zi no, zi kougshu: da" khyoo: yo' ngoug myeing" shu: thui: khanham we' ajo, loo . Axau" gu: gi bei: lo" byug bye, ga: tid nyid ziri ngoo shau" gyo.

5 Hau: thang: ri zhungtang tho' moo zhoung: jo, su: dayug gi Ziyoo jo, moojo, dangain" ri ngoo gi Aseig doem koid too" wa,, ga: wigi tid. Nyang: ngoo ri we' tid zigi He: ziri lhid" too" we' he: da" dang: gi deingmain" ziyo' loem ge" da" dang: nghoid. 6 Hau: lho: nyang: doem tid zigi ?Hau: gu: gi bain koid bye: ngoo gi xangshid" mo su: yo' thang: thang mo su:- gam shid" shi: su: yo' gam thang: theing su: we' nghoid- gyid shed' su: ri hau" kangso gyid bug mo shug gyid ri aphoug" amho' loo: za: ngoo byid: wa zi nghoid. 7 Oung: doid loo" su: hang" nghoid loug we' nga" jhang mo he: da" khyoo: ri shau" yu wa zi nghoid. Ngoo gi nya: da"Mangsoo bue" lo lho: nyang: gi nga" zoo: bue" loo wa zi nghoid. 8 Nghoid loug we' gyoug da" nheigloem: boo mo, aloem" jeing" mo, anyhoin: athoung" bang: aved, avhu: yau: shoo: goo: bang: goem, phain" maintain: khyoug" bang: soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigi eig lheung: ein: da" shid: lo" khyoo: nghoid- ga: tid nyid.

9 Hau: thang: ri lo" thang da" shidgyoin noogyoin nyhed' loem: yo' byeung" da" goem, nyhed' loem: ri ci: moug: lagyoo:- nyhed' yug mo dayug nga" jhang moo re" tid zigi ri" we' hau: yang nu" da" yhoem: seing: myhi' ein: da" myiyi: seig gi ngoo nang ri toin" shid ba- ga: tid. 10 Houg: lang" nyang: ngoo ri- gye" myhang: da" boem, phyoo" khyoo: Venyi: khyo" shu" do, lo" lho: Mangso myonhoo: phung" yoeb, doug, bang ziyo' mougkhung: mougdi Mangso shidkhoin" mo ju" gyoo" lo da" gyeungshang: voogung Yerusalem aseig ngoo ri toin" shid. 11 Hau: voogung mo doug, bang zigi kyi: myhoo: lug yhang: ti" gyeung" lho, wigi gye" phau" da" dain: lug lung nyoug, yhang: ti" du nyid. 12 Hau: voogung da" khoem" duang: joem moo moug: lagyoo: daxe: eig yug zung" lhug nyid lho: khoem" daxe: eig duang: bo da" gye" gyi: myhang: da" vang khyam: kyam, lheung: to". Hau" tho' mo gootu:- Israela byumyu" yi daxe: eig koung: bang: da" myeing ri we' hau: khoem" duang: joem da" atho' moo lhid" tab yoin" to". 13 Hau: voogung gi bidthu shoid khyoo:- soem" loem:- mougzhung: shoid khyoo: soem" loem:- moug: thang: shoid khyoo: soem" loem:- bidvang, shoid khyoo: soem" loem: koid wigi dashoid khyoo: khoem" moo" soem" duang: duang: phang to". 14 Hau: voomoo" da" vang khyam: gi apoem: ayang: lug daxe: eig loem: atho' moo zhoug to" wigi houg: bang: da" atho' moo gi Yang nu" da" lagyoo: daxe: eig yug da" myeing- daxe: eig myeing ri we' lhid" tab to". 15 Ngoo yo' dang: tid go" nyid su: gi hau: voogung ri we' voogung khoem" moo" duang: joem ri we' hau: da" vang khyam: ri we' ke' yu" wa shid re" sheing: laki' yang: ri ci: nyid. 16 Hau" voogung gi myid: phang" nghoid wigi sheing: phyang" yo' lam: phyang" dayi" yi nghoid. moug: lagyoo: gi nya: laki' sheing: yang: yo' ke' yu" ri khyoo: main: dakhyeung" wim: shoo: main: sheung: lho: lam: phyang" myhang: phyang" sheing: phyang"- dangain" gi dayi" yi" zheung: nghoid. 17 Moug: lagyoo: gi hau: da" vang ri we' ke' yu" ri byu yi ci: da" laki' yo' dakhyoo" ti" moug: lagyoo: ke' yu" ri 144 dung" nghoid. 18 Hau: voogung da" vang khyam: gi dain: lung' lug nyoug, nghoid lho: wigi hau" voogung gi gyeungshang: da" bangteing yhang: ti" du wigi sheing: gyeing" yo' koid to" zi nghoid. 19 Hau: voogung da" vang khyam: apoem: lug joem: gi phoug" dab da" lug joem: aja: ja: yo' lhoo, yhoung, to". Xang: shed" da" apoem: gi dain: lung lugnyoug- eig loem: ein: da" zigi Nila:- soem" loem: ein: zigi Mahoya:- myid: loem: ein: da" zigi mya,. 20 Wim: loem: ein: da" zigi Jhoug:- khyug loem: ein: zigi Paid' damya"- nyhed loem: ein: zigi lug muid"- shed' loem: ein: zigi Myed yoi" goug: loem: ein: zigi Utaphaya:- daxi: ein: zigi Mahoya: nyoug- daxe: daloem: ein: zigi Vakintu- daxe: eig loem: ein: zigi Thitun Nila nghoid. 21 Hau: voogung mo khoem" daxe: eig duang: we' palhe" daxe: eig loem: nghoid. Voogung khoem" daduang: yo' daduang:- palhe" daloem: loem: nghoid. Hau" voogung da" fu" moo" khyoo: gi bangteing thoem" yhang: ti" gyeung" bang da" sheing: gyeing" nghoid.

22 Hau" voogung khoug: moo gi Noku Yhoem: Moo" ri ngoo amyang- Khasu" wim gari yoem: moo" bo da" Aseing Mangso yo' Yang nu" gi hau" voogung mo Noku Yhoem: Moo" nghoid nyid. 23 Hau" voogung moo doug, bang wa shid re" bid we' lhammoo" we' aca" loo. Khasu" wim gari Mangso da" myonhoo: phung" yoeb, gi hau: voogung ri thoin" pang byid: nyid lho: Yang nu" gi houg: mo myibung: nghoid. 24 Byumyu" yi gi hau: voogung mo bidbang moo yo" so" yen" lho: mougmyid tho' mo Khokham" yi we' hau: voogung khyoo: nyang: nya: da" ziyoo jonu" joem ri ci: vang lo" boem wa zi nghoid. 25 Hau: voomoo" mo khoem" duang: joem ri danyid" goin" phang hain" to"- hau: khoem" joem ri khanham we' myhed" too" wa zi anghoid. Khasu" wim ga: ri hau: voogung moo myen" ga: zi ajo. 26 Byumyu" yi da" ziyoo jonu" yo' bug thu' sheing" jhu" khyoo: ri hau" voogung khyoo: ci: vang lo" boem, wa zi nghoid nyid. 27 Nghoid loug we' anyhoin: athoung" khyoo:- asho' ashid: da" moo" zei: mo, mhoug zoo: fain" zoo: bang: hang" we' hau: voogung khyoo: khanham we' yo" vang loo" goo" wa zi anghoid. Yang nu" da" kangso' mougsoug" pug moo myeing boo mo, za: date: yo" vang loo" wa nghoid.