14
Hau: thang: moo ngoo doem yu" kaid ri Ziun boem tho' moo yang nu" yab, jo, ziri myang Nya: myeing yo' nya: pho da" myeing ri ngeilang: moo lhid" tab ci: da" byu yi 144000 yug bang: gi nyang: yo' dage" nyid boem. Hau: lho: gyid lung" gyoo" thui: yhang: ti" ti" moug: goem: thui: yhang: ti" ti" ga: da" thui: zeing gi mougkhung: mo myeung thu' lo ziri ngoo shug" gyo. Hau" da" thui: gi myheung yhang: da" sarhi' yi nyangnu" da" teing joem ri baid myheung da" thui: yo' du nyid. Hau: da" byu 144000 bang: gi zhungtang shidkhoin" mo gougnyhoug myid: du: yo' sayen" yi da" shidkhoin" moo yab, jo, lho: nyangnu" za: dayo" jhau" yu da" jikhoin" seig ri khoin" nyid boem houg: bang: gi xangsu:byu yi dangain" mo, khyoid khyi: yu zi shau" mo, nghoid. Houg: bang: gi myiyi: yi yo' gungshoo" zoem" go" khyoo: akoid loo: sho' nyang: nya: gung ri zeung: kham nyid mo, zoolu: gyeing" yi zheung: nghoid wigi yang nu" yhe:lo" da" joyoo khang" moo khyoo: yo" bo cang yhi: mo, nghoid- nyangnu" gi deung nyid da" xangsu: byu yi dangain" khoug: mo khyen: khyoid yu zi shau" mo, nghoid boem yoomo Phoo Mangsoo yo' yang nu" shid re" xangshid" xoin" ngei" byid: zi shau" mo, nghoid ago". Nyangnu" gi kha: nham' we' mhau' da" dang: ase' tid- nyangnu" moo ce" yooboo we' adab bang: nghoid.
Hau: thang: ri moug: myid mungdain loem: khang" moo" moo nyid da" myeing" acang: joeb, bang: byumyu" acang: joeb da" bang: ri tid fu" kyoo" wa shid re" apyaid atoo: mo ngeibu: lu dang: gi ri ci: lho: mouglaid moo dang: lheung: nyid da" moug: lagyoo: gootu: ri ngoo myang. Hau" moug: lagyoo: gi Mangsoo dang: phyed wa da" bidnyid ju" loo bye: yoomo Mangsoo ri gyoug, phau" lho: nya: da" gyi: myhang: reung: thang khyoo: re" coung" byid: ge'. Mougkhung: yo' myidjang ri we' panglai: yo' gyid zoo: lang yi we' phain" so: to" Aseing ri phau" myang: vhu" pid pid nyid ge'? ga: thui: moo" zeing yo' nyho: tid nyid.
Hau: thang: ri eig yug ein: da" moug: lagyoo: gi xang: shed" yug thang: moo cang ju" re" lho: ?Babelon voomoo" zeing gi byo, leung, loo" bye:. Nya: aved avhu: koid moo" ein: da" so' thain: da" zabyid yhid: ri byumyu" bain sho' mo, ri shug nhang: abye:? ga: tid nyid.
Hau: soem" yug ein: da" moug: lagyoo: gi xangshid" eig yug ein: da" thang: moo doem cang ju" re" lho: ?Akhyeung" da" gougnyhoug yo' nya: da" soo lhoo: ri phau" myang: vhu" pid pid lho: nyang: nya: da" ngeilang: moo anghoid lang" gi lo, moo hau: gougnyhoug da" laxoem" dazid' ri baid tab ci: mo, hang" we' moug: lagyo: lo, mo da" goem moo Mangso wigi byeung" sho' foid kaid to" da" Mangsoo nheig khoo" yo: da" zabyid yheing ri shau" shug goo" wa zi nghoid. 10 Hau: tho' moo gootu: gyeungshang: da" moug: lagyoo: yi yo' yang nu" da" shidkhoin" mo fang myikhyoem moo shen" yhen zi shau" boem wa nghoid. 11 Nyangnu" ri nghe' shen" yhen nyid da" fang myikhoug" gi pyaid didu moo damung" zeung" to". Hau: akhyeung" da" gougnyhoug yo' nya: soolhoo: ri vhu" pid pid mo, yo' hau: gougnyhoug myeing ri lhid" tab ci: bang: hang" we' nyid" ri myen" ri myen, jham" khyoo: jo, loo: wa zi anghoid? ga: thui: moo" yo' yoid nyho: nyid. 12 He: khyoo: gi Mangso da" amyeung" dang: ri cang lho: Aseing ri loem" jeing" bang: shid re" kham zeung: yoem: kaid wa khyoo: ri bue" loo nhang: nyid.
13 Houg: thang: ri mougkhung: mo da" thui: ri lhid" xoem" too" we' Aseing da" moo" ri voin vu, lho: shid: loo" bang: gi ngi: lho' nyid"- ga: tid thui: ri ngoo shau" gyo:- Houg: lang" Venyi: we' Nghoid gyeing" nyang: nghoid- nyangnu" gi sho" jhin: yaukhi" ziri kham lho: zei: da" moozoo" mo doug, shau" noo: goo" wa", Khasu" wim gari nyangnu" zei: da" moozoo" mo aphoug" gi nyangnu" moo cang loo bye: ga: tid.
14 Ngoo doem yu" kaid ri jhoem: phyu: da thei" ri myang- hau" jhoem: phyu: thei" atho' moo byu yhang: te" zi dayug zhoung: jo. Nya: da" vhuloem moo gi sheing: bidmug, zhoung" ci: lho: nya: lo, moo gi gye" tho' da" gyen: goem dacam" ri zhoeb, ci. 15 Moug: lagyoo: gootu: dayug gi Noku Yhoem: Moo" khoug: mo thu' re" lho: jhoem: phyu: thei" atho' moo zhoung: jo, su: ri Mougmyid tho' moo gug, myeung jo, bye: yoomo gug, yham" yo, ju" bye: re" da" gyen: goem: ri ci: tho:- gug, yham" re,, ga: thui: zeing yo' nyho: kaid. 16 Houg: yoomo jhoem: phyu: thei" atho' moo zhoung: jo, su: gi nya: da" gyen: goem: ri mougmyid tho' khyoo: she: fe: kaid wigi yham" ge" da" mougmyid ri bain yham" yu pyam bye:.
17 Hau: thang: ri moug: lagyoo: gootu: dayug gi mougkhung: Noku Yhoem: Moo" khoug: mo thu' re" lho: hau" yug we' gye" tho' da" gyen: goem: dacam" ri ci: nyid.
18 Hau: thang: ri myi: ri vhoeb da" moug: lagyoo: dayug gi xoin" to' phoin: khoung: mo thu lo. Nyang: gi gye: tho' da" gyen: goem: ri zhoeb, ci: da" moug: lagyoo: ri re" da" gyen: goem: ri ci: lho: ?mougmyid da" zabyid khyam: mo ashi" ri yham" yu re" zabyid shi" joem bain myheung jo, bye"? ga: thui: zeing yo' tid kaid. 19 Houg: su" nghoid yoomo moug: lagyoo: gi nya: da" gyen: goem: ri ci: lho: mougmyid tho' mo zabyid shi" yham" yu bye:. Hau' zabyid shi" joem ri Mangsoo nheig khoo" yo: ein: da" zabyid xoem: zhung: moo foid zei kaid bye:. 20 zabyid shi' joem ri vooyam, gam: moo yhe: pyeug, wigi zabyid xoem: zhung: moo nang: jhoeb, wigi houg: mo suid" lang' yau, lo. Hau: da" suid" lang' gi khyoo: eig shoo: main: sheing: sho' yau, lo" wigi wim: pi: koo: no, jo,.