2
1 Akhid" Naomi da" yhoem: seing: phoo Elimeleg ga: su: da" akung: mo gye" yoo" zo: da" mang: nhung" phoo dayug nyid. Nya: myeing gi Bua ga: zi nghoid.
2 Danyid" da" bidnyid moo Moba myhi' Rutha gi nya: nid Naomi ri ?Ngoo yoo khyoo: yhe: lho: dajhi' loem gi" mo, yoo moo gug gyoo" sho: koid: wa lhe"? ga: tid.
Houg: lang" Naomi we' ?Nga" dumoo" we" yhi: we'? ga: tid kaid bye:.
3 Rutha we' yhe: lo" wigi gug yham" bang: da" thang: moo gug gyoo" cang koid: da:. Nyang: gi Bua da" yoo moo aboin: asoo" zang" yhi: byid:.
4 Houg: lang" Bua gi Bedlehem: voogung khyo" ju" re" wigi gug yham" bang: ri re" shau" da:.
?Aseing gi nanu" yo' dage" danyid nyid baja" o"? ga: tid da:. Nyangnu" we' ?Aseing gi nang ri mainkaid byid: baja" o"? ga: doem tid boem.
5 Hau: thang: ri Bua gi ?He: myiyi: zoo: gi khayo- hang" nghoid lha"? ga: gug yham" bang: da" lagung" phoo ri myid: yu".
6 Lagung" phoo gi ?Moba mung" mo Naomi jang" moo bo cang lo da" tungbau myiyi: zoo: nghoid? ga: tid kyo".
7 Nyang: we' ?Ngoo gi gug yham" bang: da" thang: moo gyo" jo, da" gug gyoo" cang koid: wa lhe"? ga: tid lho: cang koid: yen". Akhanab mo zi akhid" daso' shi" zang moo byam theung: jang" mo ju" sho' koid: abye:? ga: tid.
8 Houg: lang" Bua we' Rutha ri ?Nga" zoo: we" tam" gyoo: we' yoo gookhyang" moo ayhe: koid:. Hid: moo athoid loo: za: nga" dei zoo: myiyi: nu" yi yo' zoem" nyid we'? ga: tid to".
9 ?Nyangnu" yham" lo" da" lo, zoo" ri yu" lho: nyangnu" da" thang: moo cang we' yug gi zoo: yi nang ri zoo: zi" azi" wa shid re" ngoo tid too" bye:. Nang gyid shed lang" gyid yam: moo yug gi zoo: yi kham: to" zi shug we'? ga: nyang: ri tid.
10 Houg: lang" Rutha gi myidjang moo goeb khyo' lho: Bua ri ?Nang ci: yoomo ngoo ri houg: yhi' gyeing" goin coung: lha". Ciyoomo tungbau byumyu" myiyi: zoo: za: date: nghoid ri nang aseing: ngoo ri houg: yhi' gyeung" nheig khyeug shoo" myen: lha"? ga: tid.
11 Houg: lang" Bua gi ?Re" yhoem: seing: phoo shid: thang: ri re" nid ri nang dei zhoo" dei zhug da" khyoo: we' nang gi re" myhi' phoo yo' co' phyid moug: ri too" kho' lho: shid phyang" asi' go" da" byumyu" yi jhang khyoo: ju" re" da" khyoo: we' ngoo ri jid" jid" nug nug zheung: tid kyo" boem bye:.
12 Re" lo, moo" yoomo Aseing gi nang ri mainkaid byid: baja". Coung: goem byid: wa shid re" nang nghe: khoug: vang lo da" Israela Mangsoo gi nang ri myo: tham: da" aphoug" shang" byid: nyid baja" o"? ga: nyang: ri tid.
13 Rutha we' ?Aseing: we" nang gi ngoo ri gye" nheig khyeug shoo" myen: abye: da:. Ngoo gi re" dei zoo: myiyi: nu" yi yo' lang" adu go" ziri aseing: nang gi dang: main dang: coug: yo' ngoo ri nheig teing byid: lho: re" join myhi' ri gau yi nhang: bye:? ga: tid.
14 Hau: lho: voem: zoo: yo, moo Bua gi Rutha ri ?Loo we' voem: lo zoo: we'. He: gyid xoin" jhen: yeing moo zooyho' joem lho: zoo: we'? ga: tid. Houg: lang" gug yham" bang: yo' dage" lo zhung: jo, lho: Bua we' nyang: ri gug gyoo" byid:. Nyang: we' zo: gyi: lho: deing lang" deung ashi".
15-16 Rutha gi gug gyoo" koid: shi" wa ga: to' yhe: lo" uri Bua gi nya: dei zoo: yiri ?Hau: myiyi: zoo: gi gug deing: mo gyo" da" gug gyoo" ri cang koid baja" nyang: ri atoem' goo". Gug gyoo" cang koid wa gug dayham" ri we' nya: shid re" teung too" khoo' byid: ge'. Nyang: ri koid: nhang: ge'? ga: pyeing: to".
17 Rutha we' hau yoo moo myen" thang: ju" sho' cang koid: zi baid yu ri sungsoo: gug dabung koo: su" shau" koid: yu.
18 Hau: ziri voin, lho: voogung khyoo: doem lo". Nyang: shoug" koid: da" gug nya: nid ri ci: shug. Nyang: zo: lho: deung lo da" lazoo: lashug we' lo" byid:.
19 Houg: lang" nya: nid gi ?Akhid" nyid" khayoo: yhe: koid: lha". Khayoo: yhe: zei: lha". Nang ri lhoem: goin coung: beung" se' yu su: gi ngilho' nyid baja" o"? ga: lhoem: tid.
Rutha we' ?Akhanyid" ngoo gug gyoo" yhe: koid: da" yoo seung: myeing gi Bua ga: zi nghoid? ga: nya: khyoo: nya: nid ri tid kyo".
20 Hau: thang: ri Naomi gi ?Aseing gi Bua ri mainkaid byid: baja" O"? ?Dei nyid mo, ri we' shid: jo, mo, ri we' jeju" byid: wa angheung" da" Aseing gi mainkaid byid: nyid baja"? ga: tid. Hau: lho: Naomi gi ?Hau: su: gi nyhang" yo' je" jhang da" byumyu" akung: mo yha" yhoem: dakhyam" bang: nghoid? ga: nyang: ri tid kyo".
21 Rutha doem xo' wigi ?Hau: yug gi gug bain yham" sho' nga" dei zoo: yi yo' zoem" lho: gug gyoo" koid: yu we'? ga: tid? ga: tid kyo".
22 Naomi we' ?Nga" dumoo" we" nang Bua yoo mo myiyi: nu" dei zoo: yi yo' zoem" ri je" ge'. Yoo gookhyang" moo nang yhe: nghoid rigi akung" akeig shoug" wa? ga: dumoo" Rutha ri tid da:.
23 Houg: yoomo nyang: gi gug yo' yoono, ri bain yham" shoung: ayo, ju" sho' Bua da" dei zoo: myiyi: nu" yi yo' zoem" lho: gug gyoo" sho: zoo" ri nya: nid yo' dage" danyid nyid.