14
1 Nanu" gi Mangsoo: ri loem" jeing" yoem: nu" mo ri kham: yu nyid ge'. Nghoid loug we' nya: myid soin: koid lo" khyoo: yo" nyang: yo" angeug goo" goo".
2 loem" jeing" khyoo: geing; teing su: gi ce: ja: zoo: noem ri we' yo" zo: nghoid loug we' loem" jeing" khyoo: ageing: teung su: gi- nghang" pho' nyoug yu: za: zo:.
3 Ce: ja: zoo: noem ri nghoid loug we' se' zoo: su: gi houg; su" ase' zoo: su: ri aphoug" akhyoid akoid'. Nghang" pho' nyoug yu: za: te: se' zoo: su: we' ce: ja: zoo: noem we' se' zoo: su: ri yooboo foin: gei sang: zi akoid'. Khasu" wim ga: ri ce: ja" zoo: noem ri nghoid loug se' zoo: su: ri Mangsoo: kham: yu too" bye: su: nghoid.
4 Nang gi khate" su: nghoid lho: subi" da" deizoo: koid su: ri joeb ca" dang: yo" phyed lha". Hau: da" deizoo: koid moozoo" ge age gi nya: da" yhoem: seing: gi dang: phyed byid: wa. Nyang: oung: doid wa nghoid. Khasu" wim ga: ri Aseing gi nyang: ri yo" pang" thoug su: nghoid.
5 Byu dayham" bang: gi- bidnyid danyid" gi gootu: danyid" tho' moo je ge ga: soin: yu" ago". Gootu: dayham" gi bidnyid dangain" gi dakhyoo" ti" ga: myid ci: ago". Kha: yug gi khasu" soin: ci nghoid loug nyang: myid zi jo ga: loem" jeing" nheig deig ca.
6 Bidnyid je ge ga: soin: ci: su: gi Aseing ri coung" nghi wa shid re" soin: ci baja"- ce: ja" zoo: noem ri se' zoo: su: we' Aseing ri cung" nghei" wa shid re" zo: nyid baja nyang: we' hau: zoo: noem shid re" Mangso da" mainkaid jeju" ri coung" byid:. Zoo: noem daja: ja: ri jang" pyam su: nghoid loug we' Mangso da" myonhoo: phung' yoeb ri coung" byid: wa shid re" jang" pyam" da" khyoo: nghoid . Nyang: we' hougsu" jang" pyam yoomo Mangso da" jeju" ri coung" byid:.
7 Ngoonu" mo khayug we' nya: shid re" za te: dei nyid zi anghoid. Shid: loo" nghoid loug nya: shid re" za: te: shid: lo" zi anghoid.
8 ngoonu" dei nyid zi gi- Aseing shid re" dei nyid lho: shid: loo: nghoid loug we' Aseing shid re" ngoonu" shid: lo. Hougsu" nghoid yoomo ngoonu" gi kangso dei nyid u" ri we' shid: lo" nyid" ri we' Aseing yo' sen: nyid.
9 Khasu" wim ga: ri Khristu gi- shid: loo" mo dei nyid mo da" Aseing bue" loo" wa da" shid re" shid: kham: lho: doem dei to'' loo bye:.
10 Houg: yoomo nanu" gi ciwim wigi re" mangnhung" ri dang: phyed nyid go" lha". Ciwim wigi nyangnu" ri aphoug" akhyoid koid nyid go". Ngoonu" dangain" mo gi tarha" dang: phyed zi kham: wa shid re" Mangso da tarha" zhungtang shidkhoin" moo ju" yab boem wa.
11 Jhoem: mungdang; moo Aseing tid to" zi gi
?Ngoo dei nyid zi yo" dakhyoo" ti" nga" da" shidkhoin" moo
byu dangain" mo, poid' thug thug lho:
yhoo: dab moo dab ngoo Mangsoo: nghoid khyoo: ri
yhen: yu boem wa ga:? tid to".
12 Houg: nghoid yoomo ngoonu" dangain" mo gi nyang: nyang: koid da" moozoo" yo" dakhyoo" ti" Mangsoo: ri shau" tid khyo" da bidnyid ju" loo wa.
13 Houg: yoomo ngoonu" gi nyang: cang" nyang: yooboo foin: go" da" khyoo: akoid' looza: re" mangnhung" phoo' thoem: tho: leung jang: khyoo: kyoo" age koid byid. Houg su" anghoid lang" gi yu" shoid wa da" khyoo: azei: shug wa shid re" myid phyed too" ge.
14 Ce: ja: zoo: noem ri we' phain" to" zi yo" dakhyoo" ti" aco' ajhoid' anghoid da" khyoo: ri ngoonu" gi Khristu yo" dadeing: daloem: nghoid khyo" yo" boem nghoid loug we' zoo: noem daja: ja: gi aco' ajhoid' nghoid ga: myid su: shid re" gi aco' ajhoid' nghoid.
15 Gyeing" nyang: ga ri nang gi nanyang: zo: nyid da" zoo: noem yoomo mangnhung" dayug yug nheigloem: byo loo" nhang: nghoid rigi- hau: yug ri nang ajheddab zi lo" eung:- hau yug shid re" Khristu gi shid: kham: byid: too" bye yoomo zoo: noem daja ja: nanu" zoo: yoomo hau: yug da" akyu" ri aze" jhoem" pyam byid.
16 Nanu" ge ga: myid nyid da" khyoo: gi subi" goo" yug wigi jhuang" yi lho: yooboo foin: jang: abui" nhang: goo".
17 Ngoonu" ri Mangso mungdain: ein: da" zi gi zoo: zoo: shug shug koid khyoo: anghoid loo za: gyeungshang: Venyi: khyo" byid: da: deingbyeing" khyoo:- myenjham" yug yo khyoo: yo" gau yi ngei pyo: khyoo: nghoid nyid.
18 Hid: khyo" wigi Khristu da" moozoo" ri voin vu su: ri Mangso da" jheddab nheig shid: khyoo: yo" xangsu: byu yi da" coung" nghei" byid: khyoo: yo" yu wa.
19 Houg nghoid yoomo ngoonu" dayug yo' dayug myenjham" ngei loug jen" loem" jeing" da" khyoo: bui" nhang: da" zi yo" nyang: dayug wigi dayug ri Venyi: yoem: pyeing so' pyeing byid: da" moozoo" yiri khanham' we yoem: kaid zei: so' nyid boem ca.
20 Zoo: noem yo" Mangso moozoo" ri alhu: phyo. Zoo: noem dangain" gi ge zo: nghoid loug we' nang gi hau: zoo: noem ri zoo yoomo subi dayug yug ri yo" shoid khyoo: vhang: loo" nhang: nghoid rigi nang yooboo yo.
21 Re" mangnhung" ri datu: lheung: wa nghoid rigi- shoo" nghoid loug- yhid: ri nghoid loug goo tu: ce: ja: zoo: noem ri nghoid loug we' jang" pyam wa ge nyid.
22 He: da" khyoo: yo' wigi nang khasu" loem" jeing" kham: yu nyid zigi nang yo' Mangsoo za: dase'. Nanyang: zei: da" moozoo" gi yooboo foin: cang abo lho: young" gyeing" rigi nang ngei lho' wa.
23 Nghoid loug we' nang myid gyam da" nheigloem: yo" zoo: noem daja: ja: zoo: nyid su: nghoid rigi Mangsoo: gi yooboo dam byid: wa zi nghoid. Khasu" wim ga: ri- nang zo: shug khyoo: gi- loem" jeing' nheigloem: moo ayang: aboo yoomo nghoid. Houg: su" loem" jeing" nheig deig khyoo: aboo loo koid da" moozoo" dangain" gi yoo boo nghoid nyid.