16
Nyangnu" gi Dang: Theing Kuid: ri David wigi hau: shid re" koid too" byid: da" Zoem" khyoo: ci: lo" wigi hau: akhau: moo: to" to" da:. Hau: thang: nyangnu" gi xoin" joem yo' Zoem" khau: xoin" joem Mangsoo ri ngei" byid: da:. David gi xoin" joem ri bain ngei" byid: thang: ri Aseing myeing moo: byumyu" yiri mainkaid byid: lho: Nyangnu" dangain" ri zoo: shug gam byid: da:. Nyang: gi Israela mung" mo yuggi myiyi: yugkhang" moo" ri zooyho' dayho' yho'- shoo" kyug dajab, jab, yo' zabyid shi" kyug dajhi' jhi' byid: da:.
David gi Dang: Theing Kuid: shidkhoin" moo: jikhoin" khoin" wigi Israela Aseing Mangsoo ri coung" lho: noku wa jang" moo: vhu" she: wa shid re" Levi byu dayham" ri khyen: sain yoovoin foin: to" da:. Asab ri vhujhung: khyo" Zekharia ri gi nya: pang" thoug vhujhung: khyo" yoovoin foin: to" da:. Yeiela- Shemiramod- Yehiela- Matithia- Eliaba- Benaia- Obed- Edom yo' Yeiela bang: ri teing joem baid nhang: da:. Asab gi jhabceing baid wigi khainjhung phoo eig yug nghoid da" Benaia yo' Yahaziela tang: gi Dang: Theing Kuid: shid vhu" moo: main: main: laboo" mhoid nhang: da:. David gi hougsu" khyoo" Asab yo' gootu: Levi byu yiri Aseing ri jikhoin" yo' coung" wa shid re" xang: shi" yoovoin byid: shid" da:.
(Cng 105.1-15: 96.1-13: 106.1, 47, 48)
Aseing da" jeju" ri coung" byid: ge'-
nya: da" gyi: sheung: nghoid thang khyoo: ri tid fu" byid: nyid ge'-
nyang: zei: bye: da" moo" zoo" jid: zoo" joem byumyu" yiri tid kyoo" we'.
Aseing ri jikhoin" yo' coung" nghei byid: ge'-
nyang: koid shug bye: da- mau pho" moo" zoo" bain sho ri tid we'.
10 Ngoonu" ri nyang: seung: ci: yoomo gau yi nyid ge'-
nyang: ri nau loem khoug: bang- ngei pyo: gau yi nyid goo" baja".
11 Pang" thug baja" ga: mho' wa shid re" Aseing jhang khyoo: yu: zeung yhi: we'.
Yaku amyed ashen yi we' Mangsoo zei: shug bye: da" alho: again joem yo'
nyang: byid: too" bye: da" tarha" dang: kho khyoo: ri boin: so" nyid we'.
12-13 Nya dei zoo: Abraham da- amyed ashen yiri
nyang: khyen: yu bye: da" Yaku amyed ashen yi we'
Mangsoo zei shug bye: da" alhoo: again joem yo'
nyang: byid: too" bye: da" tarha" dang: kho khyoo" ri boin: so" nyid we'.
14 Aseing gi ngoonu" da" Mangsoo nghoid-
nya: amyeing" tarha" gi moug gyab, goin" bang: shid re" nghoid nyid
15 Apyaid ato: shid re" Mangsoo koid to" da"
nya: dang: theing ri khanham we' ato" myhed.
16 Ref 16:16: a Apm 12:7: b Apm 26:3. Nyang: gi Abraham yo' dang: theing koid to" wigi
Isag yo' dangsoo" to" to" da:.
17 Ref 16:17,18: Apm 28:13. Aseing gi Yaku yo' dang: theing go" to" da:.
Hau: zigi apyaid atoo: nghoid wa.
18 ?Ngoo nang ri Khanan mung" byid: wa
hau: ziri nang shau" seing: wa ga:? ga: tid
 
19 Mangso byumyu" yigi nghab, youg khyo" gi dajhi' kyeung zi nghoid.
Nyangnu" gi Khanan mung" moo being" voo khyo" danyid nyid boem.
20 Nyangnu" gi damung" mo zi damung" khyoo: khokham mungdain:
daloem: mo zi daloem khyoo: so" leung: yen" ago".
21 Ref 16:21,22: Apm 20:3-7. Nghoid loug we' Mangsoo gi nyangnu" ri doin: zeig zoo: wa da" akhang
hang" ri we' abyid: nyid nghoid da:.
Nyangnu" ri goem loem byid: lho: khokham yiri sadi byid: to".
22 Hau: sadi byid: da" dang: joem gi
?Ngoo khyen: nyheung to" da" dei zoo: yiri anoo, nhang: goo-
nga" Lapi: yiri azang" thung" goo"? ga: wigi tid to".
 
23 Mougmyid gyab goin" Aseing ri jikhoin khoin" ge'
Nyang: ngoonu" ri khyoid yu bye: khyoo: ngeibu: lu dang: ri
nyid" khang" nyid" tid fu" we'.
24 Byumyu" yiri nya: da" myonhoo: phung" yoeb- byumyu" cang: joeb, bang: ri
Nya: da" gyi: thang moo" zoo" ri kho" kyoo" byid: nyid we'.
25 Aseing gi gyi: sheung: nyid yoomo atho' tid loo: sho coung" nghei moin: su: nghoid nyid
yu phara" joem dangain" tho' moo nyang: ri myonhoo: ngi shab byid: wa zigi ge nyid.
26 Gootu: byumyu" dangain" bang: da" yu phara" joem gi soolhoo: za: date: nghoid nyid.
Nghoid loug we' Aseing gi mougkhung: mougdi ri phain" so: to" abye:.
27 myonhoo: ngi lang: yo' phung" yoeb bugthu sheing" jhu" khyoo: gi
Nyang: ri lheung khoem to" wigi yoem: zeing so, moo" yo'
younglho' da" khyoo: joem gi Nya: da" Noku Yhoem: Moo" moo: dabyeung" jo.
28 Mougmyid gyab, goin" jang" mo byumyu" yi bain sho bang: we"-
Aseing ri coung" nghei nyid ge'-
nya: da" phung" yoeb yo' amyeing" yoem: so' ri coung" byid: nyid we'.
29 Phung bo da" Aseing myeing ri coung" we'.
Xoin" alu ri nya: Noku Yhoem: Moo" khyoo: ci: ri" we'.
Nyang: thu re" uri gyeung" shang: su: nyang: dayug ri khyeing" goeb pid we'.
30 Mougmyid dangain" gi nya: shidkhoin" moo: nain" nyid.
Mougmyid gi joyoo moo geing: geing: teing teing jo, jo, wigi hau: zigi ayo" dei loeb nghoid da:.
31 Mougkhung: yo' myidjang we"- gau yi nyid we'.
Aseing gi khokham nghoid khyoo: ri byumyu" mungdain: yiri tid kyoo" we'.
32 Panglai: yo' hau: akhoug: mo dei noem khang" moo" myeing nyid da:.
Mougmyid yo' hougmoo: jo, da" ja: khang" moo" gau yi nyid we'.
33 Aseing gi mougmyid ri re" vhoeb uri
siyoo khoug: mo seiggam joem pyoo: yoomo nyho: nyid boem wa.
 
34 Ref 16:34: 2 km 5:13: 7:3: Ezr 3:11: Cng 100:5: 106:1: 107:1: 118:1: 136:1: Yer 33:11. Aseing gi ge nyid yoomo nyang: ri jeju" boin: nyid we'.
nya: da" jheddab myid gi apyaid atoo: jo, jo, da:.
35 Nyang: ri ?O" ngoonu" khyoid yu Aseing Mangsoo we"- ngoonu" ri khyoid yu la.
Ngoonu" ri byumyu" yi mo khyoid yu lho: dage" zheing" foem: too" we'.
Houg: lang" ngoonu" gi nang ri jeju" yo" boin: lho:
re" gyeung" shang: myeing ri yo" coung" wa zi nghoid? ein: tid we'.
36 Israela Aseing Mangsoo ri coung" we'.
Nyang: ri akhid" yo' apyaid atoo: moo: coung" we'.
 
Hau: thang: byumyu" dangain" bang: gi ?Amen? ein: tid lho: Aseing ri coung" we'.
37 Khokham David gi Dang: Theing Kuid: to" da" joyoo moo: koid da" noku coung" moo" moo: Asab yo' nya: Levi mang: nhung" yiri yoo, byeung" moo" voin wa shid re" moo" foin: to" da:. Nyangnu" gi nyangnu" moo" ri nyid" khang" nyid" hougmoo: zei: boem ago". 38 Yeduthun da" yuggi zoo: Obed Edom yo' nya: akung: ako' mo byu khyug xe shed yug gi houg: bang: ri pang" byid: ago". Hosa yo' Obed Edom tang: gi khoem" duang: ri lhoug zung" moo" moo: yoovoin yu bang: nghoid.
39 Khainjung Zadog yo' nya: khainjung byencang" yigi Gibeon mung" mo noku coung" joyoo moo: Aseing ri noku coung" moo" moo: yoovoin yu boem ago". 40 Nyangnu" gi Aseing wigi Israela byumyu" yiri byid: to" da" tarha" moo: lhid" to" ziri cang wigi nyid" khang" nyid" nab soin:- myen" thang: khang" moo" xoin" joem ri phoin: dang moo gung goin" nghe' ngei" byid: boem ago". 41 Hougmoo: houg: bang: yo' dage" Heman- Yeduthun yo' gootu: bang: gi Aseing da" apyaid ato: jheddab myid ri coung" nghei jikhoin" khoin" wa shid re" khyen: yu zi shau" boem ago". 42 Heman yo' Yeduthun eig tang: gi laboo" moid- jhabceing baid- gootu: coung" nghei zi joem ri coung" nghei jikhoin" khoin" ure baid myheing jang" moo: we' yoovoin foin: too" shau" ago"- Yeduthun da" akung: ako' yigi khoem" duang: lhoug zung" jang" moo: yoovoin yu boem ago".
43 Ref 16:43: 2Sa 6:19,20. Hau: thang: yugkhang" moo" yhoem: khyoo: lo" boem ago". David we' nya: yhoem: byu yi yo' dayo, zoo: lo" nyid wa shid re" yhoem: khyoo: lo" da:.