13
(2 Sam 6:1-11)
1 Khokham Sholu gi dakhyeing" vhoeb da" gyizoug:- dashoo: vhoeb da" gyizoug: dangain" bang: yo' byen phyoo" sham: go" da:.
2 Hau: thang: nyang: gi Israela byu dangain" ri tid fu" zigi ?Nanu" myid veing" lho: nyha" Aseing Mangso da" myid vho: khyoo: nghoid rigi nyangnu" voogung cang nyid boem da" ngoonu" da" deing nyid shi" da" mang: nhung" yi khainjung yi Levi byu yi jhang lagyoo: yiri nhang: kaid lho: hid: ngoonu" jhang zheing: foem: boem shang ein: tid nhang: boem shang.
3 Hau: thang: Sholu khokham bue" nyid uri cishu: anhang: da" Mangso Dang: Theing Kuid: ri ngoonu" yhe: wigi thoid shu" yu wa bye:? ga: pyeung: kaid da:.
4 Byumyu" yigi hau: phajhi" byed: dang: ri gyo: myid vho: wigi hau: khyoo: ri myid veing" boem.
5 Ref 13:5 1Sa 7:1,2. Houg: yoomo David khokham gi Dang: Theing Kuid: ri Kiriad Yearim mo Yerusalem khyoo: thoid dang yu wa shid re" mougpyi: shoid Egutu mung" mougkyoo" mo zi mougzhung: shoid Hamad boem koo' lhang moo: ju" sho' mo Israela byumyu" yi dangain" khe: zheing" yu da:.
6 Ref 13:6 Thu 25:22. David yo' byumyu" yigi Dung dab dei noem atho' mo: zhung: da" Aseing myeing voin da" Mangso Dang: Theing Kuid: ri thoid shu" yu wa shid re" Yuda moug: mo Kiriad Yearim ga: da" Bala voomoo" khyoo: yhe: lo" ago".
7 Nyangnu" gi Dang: Theing Kuid: ri Abinadab da" yhoem: mo dang thu lho: rheing" aseig daloem moo: kaid boem. Uza yo' Ahio tang: gi hau: rheing" ri shu" vhu" she: da:.
8 Hau: uri David yo' byumyu" yi dangain" bang: gi Mangsoo ri ngi: shab byid: khyo" nyangnu" yo" go" yhi' go" boem ago". Nyangnu" gi jikhoin" khoin"-teing joem baid- zeing joem baid- jhabceing joem baid- laboo" joem moid boem ago".
9 Nyangnu" gi Khidon da" gug nang: jang: khyoo: ju" lo uri nu: loo tang: khyid thoem: tho: loo" yoomo Uza gi nya: lo, ri yhoin" kaid lho: Dang: Theing Kuid: ri yhe: zei: kaid da:.
10 Dalheing: dam Aseing gi Uza ri nheig yo: lho: Kuid: ri zei: da" gang mo nyang: ri said pyam da:. Nyang: gi hau: joyoo Aseing shidkhoin" moo: shid: lo" da:.
11 Houg: yoomo hau: joyoo ri hau: bidnyid mo Pereza Uza ga: myheing ago". Aseing nheig yoo: yoomo Uza ri yooboo dam byid: da" gang mo David gi nheig joem: yo: da:.
12 Ref 13.12:\xdc 2Ma 7.19.\xdc*\x* Hau: thang: David gi Mangsoo ri gyoug ziyo' ?Akhid" ngoo khasu" koid lho: Dang: Theing Kuid: ri ngoo yo' dage" yo" ci: loo" wa la".? ga: tid da:.
13 Houg: yoomo David gi Yerusalem khyoo: nyang: yo' dage" hau: ziri aci: loo" nghoid da:. Hau: gungthid- Gad voomoo" mo voobyu Obed- Edom ga: su: da" yhoem: moo: hau: ziri to" too" kho' da:.
14 Ref 13:14: 1Km 26:4,5. Hau: zi hougmoo: lhammoo" soem" khyab jo, jo, wigi Aseing gi Obed Edom da" yhoemkhung: ri yo' nyang: seing: da" ja: dangain" ziri mainkaid byid: da:.