COUNG" NGHEI 98
1 Aseing ri jikhoin" dang: seig yo' khoin" nyid ge'-
nyang: gi mau" pho" moo" zeing ri zei: too" bye:.
Nya: da" zoug: myeing" yo' gyeung" shang: da" yoem moo" yoomo
nyang: gi oung: doid lo" ziri yo" kham: yu bye:.
2 Aseing gi nya: da" oung: doid lo" khyoo: ri tid fu" kaid-
nya: da" khyoid yu yoem so, ri
nya: byumyu" yiri: si' nhang: bye:.
3 Nyang: gi nheigloem: zung" ziyo' geung: teung jhed khyeing: kang: khyeing: yo' wigi
Israela byumyu" yiri nyang: byid: to" da" dangsoo" khoin" ri zoem ci: su: nghoid.
Joyoo khyi khang" moo" mo byumyu" yi dangain" bang: gi
Nyangnu" da" Mangsoo oung: doid lo" khyoo: ri shau" myang boem bye:.
4 Moug gyab, goin- Aseing ri: gau yi ziyo' jihkoin" khoin" we'.
Nyang: ri: jihkoin" yo' coung" nghei lho: gau yi nyho: phau: nyid we'.
5 Jihkoin" yo' Aseing ri coung" byid: ge teing joem ri gyo: pyo: tung" baid myheung kaid we'.
6 Laboo" joem yo' nukhyoug: joem ri: moid lho: ngoonu" da" khokham Aseing ri
ngei pyo: gau yi nyho: nyid we'.
7 Nammugdara yo' hougmoo: loung" jo, da- gougnyhoug dangain" bang: we' myeung fu" tu" too" we'.
Mougmyid yo' hougmoo: nyid nyid mo dangain" bang: we' jihkoin" khoin" we'.
8 Gyid lang joem we' nanu" we' lo, baid baid nyid ge'. Boem joem lang joem we'
Aseing da" shidkhoin" moo gau yi tung za: dage" jihkoin" khoin" nyid we'.
9 Khasu" wim ga: ri nyang: gi byumyu" dangain" bang: ri nyeung veung" ziyo'
gam mi gam shoo" yi vhoebkhang" nyid wa zi nghoid.