COUNG" NGHEI 93
1 Aseing gi khokham nghoid.
Nyang: gi zoug: myeing" yo' yoem vhoo" ri void ci: su" nghoid.
Moug gyab, ri geing: geing: teing teing zhoug to" wigi
hau: zigi ayo" loeb ayo" dei loo.
2 Aseing we" re" da" zhungtang gi xang: shed" mo nyang:
geung: teung jo, bye: ziyo'
nang gi ayo, akhyeing: ga: zi ajo, shi" mo nyang: nyid nyid su: nghoid bye:.
3 Aseing gi Nammugdara thui: joem gi dei, ga: myeung tei" to"
houg: bang: thui: gi dei, ga: damyeung tei" to".
4 Aseing gi Nammugdara da" thui: su" myeung tei" to" ziyo'
Panglai: being: mhoid joem tho' moo: lang"
je yoem: moo" so, moo" bo ziyo'
Mougkhung: mougdi moo je" myhang: thang khokham khyo" vhoebkhang" nyid.
5 Aseing we" re" da" tarha" joem gi apyaid atoo: moo: dageung: jo, ziyo'
Re" da" Noku Yhoem: Moo" we' pyaid moo: too: moo
gyeing" nyang: gyeung" shang: nyid.