COUNG" NGHEI 88
1 Ngoo ri: khyoid yu Aseing Mangsoo we"-
dangain" goin" ngoo nang ri yoid mho' nyid wigi
myen" ri we' re" shidkhoin" moo: yu: re".
2 Nga" da" akyu" mho' thui: ri shoug" gyoo: byid: we'
pang" thoug yu wa shid re" nga" mho' yoid thui: ri gyoo: byid: we'.
3 Ngoo gi yau: khe" khyoo: myoo" sho' shoug" zo: nyid yoomo
shid: lo" gam: nhoid moo: ju" yhe: loo" bye:.
4 Kang: gyo" lo" nyid da" gootu: byu yi yhang: ti" ngoo moo: bue" nyid ziyo'
nga" yoem so, dangain" we' thang loo" bye:.
5 Ngoo gi shid: zoug: da" shid moo du" zei, to" zi shoug" nyid bye:.
Nang to" myhed pyam wigi re" da" pang" thoug khyoo: yo' ve: gang: jo, da-
mi: shid: shid: lho: loeb duang: khoug: moo: leung jo, mo, yhang: ti"
ngoo moo: bue" nyid bye:.
6 Nang gi ngoo ri moug: coid thu: thang ziyo'
no, thang duang: khuang" ein: da- no thang loeb duang: khoug: khyoo: du" zei, kaid bye:.
7 Nang nheigloem: nge" loung nyid da" khyoo: gi nga" atho' moo: gye" lid sho' nhe, zeug to" wigi
hau: nheigloem: nge" loung da" beung: mhoid khoug: moo
ngoo gi abyi asain" nyang: nghoid bye:.
8 Nga" byencang" yigi ngoo ri she: pyam too" sho' nang koid bye:.
Nang gi ngoo ri nyangnu" da" shidkhoin" moo aco' ajhoid koid pyam abye:.
Ngoo gi myheig lhoung pyam zi shoug" zi
yo' loid byoin, thu loo" wa khyoo: amyang loo.
9 Kyi" khyeug kyi" khyeug zi thoung" shoug" nyid yoomo
nga" myojid" mhau: lo" nyid bye:-
Aseing we" ngoo gi nang ri nyid" khang" moo" yoid, khe" nyid ziyo'
nga" lo, ri tu: wigi re" jang" moo: akyu" damho' nyid.
10 Nang gi shid: loo" bye: bang: shid re"
alhoo: again' joem ri toin" shed nyid la".
Nyangnu" doem to' lo lho: nang ri yo" coung" nghei nyid goo" la".
11 Loeb duang: khuang" khoug: moo re" da"
jhed khyeing" kang: khyeing: ri yo" tid fu" nyid loo go" la".
Ngarai" mung" moo: re" da" nheigloem: zung" khyoo: ri
nyangnu" yo" kho" kyoo" loo go" la".
12 Hau: da" moug: coid khoug: moo re" da"
mau" pho" alhoo: again' joem ri yo" myang nyid lo: la".
Anghoid lang" to" myhed pyam bye: da" moug: moo
re" da" je, nghoid khyoo: ri yo" myang loo: wa la".
13 Aseing we" pang" yu wa shid re" ngoo nang ri yoid nyid.
Nab khang" moo" ngoo nang ri akyu" mho' nyid.
14 Aseing we" nang ngoo ri cikoid ein:- she: pyam, to" lha".
Nang gi nga" jang" mo ciwim wigi lheung: lo" byoug lha".
15 Ngoo ngi, shi" apyaid mo wigi
yau: khe" kyi" khyeug khyoo: kham' zo: zigi alug lug shid sho' nghoid bye:.
Re" da" yooboo dam kaid khyoo: joem yoomo
ngoo myoung: dau zi shoug" nyid.
16 Re" da" nheigloem: nge" loung khyoo: gi
ngoo ri nhe, khyoeb, mhoin pyam wigi
re" da" gyoug pho" thougtheung khyoo: gi
ngoo ri byo, yoin" loo" nhang: nyid.
17 Nyangnu" gi ngoo ri tigyid su" shi, lho:
danyid" goin" lheung khoem to" wigi
ngoo ri shoid khang" moo" khyo" khoem lheung ci: boem.
18 Nga" da" jhang thang bidnoem yi lang-
ngoo ri she: pyam boem sho' nang koid abye:.
Akhid" gi moug: coid zi: nga" byencang" dabue" nyid lo.