COUNG" NGHEI 79
1 Mangsoo we"- tungbau byumyu" yi re" mungdain: ri re" vang zain: boem wigi
re" da" gyeung" shang: Noku Yhoem: Moo" ri
nyangnu" aco' ajhoid koid pyam nyid boem ziyo' Yerusalem voomoo" ri we'
lhu: phyo' lhu: shoin' too" khare" boem bye:.
2 Nyangnu" gi re" byumyu" yi da" shid: mang joem ri join yu joem shid re" yo'
re" lang: jhang joem da" shid: mang joem ri zeigni gougnyhoug joem
phyo' zoo: wa shid re" she: pyam to" ago".
3 Nyangnu" gi re" byumyu" yi da" suid" ri
Yerusalem joyoo khyi khang" moo" moo
gyid su" yau, nyid nhang: lho shid: da" byu yi
mang myhoeb shoung: wa byu dayug we' aboo loo.
4 Bid noem mungdain: mo byumyu" yigi ngoonu" ri aphoug" akhyoid koid pyam boem ziyo'
Nyangnu" gi ngoonu" ri juang" yi lho: yu" nge pyam nyid boem ago".
5 Aseing we" nang gi ngoonu" ri apyaid atoo: moo: ju" sho'
nheig dajha" yo: nyid wa ein: la". re" da" nheigloem: loung nyid zigi
myi: yhang: ti" khanham we' dajha" nge" nyid wa ein: la".
6 Nang ri anoku loem khau: myid abo bang: yo'
nang ri akyu" amho' bang: da" tho' moo
re" da" nheigloem: nge" loung zi foid shoin" kaid we'.
7 Khasu" wim ga: ri nyangnu" ri re" da" byumyu" yiri said pyam byid: ziyo'
re" da" mungdain: ri we' nyangnu" lhu: phyo' lhu: shoin pyam byid: abye: go.
8 Nyangnu" da" nya: phoug" nya: phyid" be" yooboo yoomo
nyangnu" ri yooboo abyid: nyid loo.
Nyangnu" da" nheug byu jang: dangain" ci: phyug pyam bye: yoomo
akhid" nyang:- ngoonu" ri neig khyeug yu shi" we' o".
9 Mangsoo we"- ngoonu" ri pang" thoug yu lho: khyoid yu shi" we'.
Re" da" myonhoo: phung" yoeb shid mo
ngoonu" ri lhoid pyoin yu wigi ngoonu" da"
yooboo joem ri khyoid pyam byid: we'.
10 Re" da" Mangsoo khayoo: nyid la". gootu: byumyu" yi ciwim gi
ngoonu" ri hougsu" myid: wa joyoo boo nhang: nyid la".
Re" deizoo yi da" suid" ri ein: foid pyam byid: nyid da" byumyu" yiri
nang shen" yhen dam kaid nyid da" khyoo: ngoonu" ri: myang nhang: we'.
11 Thung: loung" jo, bang: da- nookyeing" thui: ri tam" gyoo: byid: we'.
said pyam wa shid re" dang: phyed shoug" jo, mo, ri
re" da" gyi: thang yoem moo yo' loid byoin loo" nhang: kaid we'.
12 Aseing we" tungbau mungdain: yi da- shid moo: sho' thu nhang: lho:
Nyangnu" gi nang ri rue" nyid yoomo nyangnu" ri
nyhed zhang ju" sho' latoo: doem phug byid: we'.
13 Houg: lang" gi re" mung" byu yi ein: da"
re" yang phung: mo yang joem ngoonu" gi nang ri apyaid atoo: moo
jeju" daboin: nyid boem wa ziyo'
doem ju" loo wa bidnyid ayo, dangain" moo: we'
nang ri coung" byid: nyid boem wam: bye: o".