COUNG" NGHEI 6
1 O" Aseing we" ngoo ri nheug
yo: lho: ajhau" mho' nyid loo.
Nang nheug yo: ziyo' ngoo ri yooboo dam akaid nyid.
2 O" Aseing ngoo gi myoung: dau yoem: nu: su: nghoid nyid wigi
ngoo ri nheig khyeug shoomyen: shi" we'.
Yoem: dajhi' we' aboo loo: yoomo ngoo ri yoem: byid: shi" we'.
3 Ngoo gi nga" da" gung goin" moo atho' tid loo sho
yau: khi" kyi" khyeug nyid bye:.
O" Aseing we" nang ngoo ri pang" yu wa ziri
khanham ju" sho' lang" nyid wa lha".
4 Aseing we" ju" gyo" lo lho: ngoo ri khyoid yu we'
re" da" jheddab nheug khyeug ziyo'
ngoo ri shid: gyoin mo khyoid khyu: yu we'.
5 Moovo moug: moo: gi nang ri myid boin: bang: hang" we anyid.
Hau" joyoo moo: hang" we' nang ri ayo" coung" nghei loo.
6 Ngoo gi myid myoo: ung: loug kyi" khyeug nyid yoomo
myen khang" myen ngoo ngau wigi nga" yhoeb yoo deug bye:.
Nga" ngoug byid wigi vhu" khug yoem: bye:.
7 Gyivoo joem koid yoomo ngoo ngau wigi
nga" myojid" yam: bu" jo, lho: yu" ri we'
myo, thoeb byug bye:.
8 Akhyeung" bang: nanu" nga" jang" mo thu loo" ge'.
Aseing gi nga" ngougmyeing" shoo" thui: ri tam" gyo: nyid.
9 Pang" thug byid: wa shid re"
ngoo mho' yoid thui: ri shoug" gyoo: byid: yoomo nga" akyu" mho' dang: ri nyang: tam: gyoo: byid:.
10 Nga" da" gyivoo dangain" bang: gi
soem" joem: gyo" lo" boem bye: yoomo sho' gye" thu boem wam: bye:.
Nyangnu" gi dalheung: dam, abyoo asain"
koin" thu pyam zi shau" boem wa nghoid.