COUNG" NGHEI 47
1 Byumyu" bain sho' bang: we' gau, yi ziyo' lo, baid baid nyid we'.
2 Myhang: thang da" Aseing gi gyoug pho" su: nghoid-
nyang: gi mougmyid gyab, dangain" ziri vhoeb ci: da" gyi: thang khokham zeing nghoid.
3 Nyang: gi nyhang" ri mung" byu yi da" tho' moo oung: doid lo" khyoo: ri phang byid: lho:
nyang: gi ngoonu" ri byumyu" yi da" atho' moo vhoebkhang" nhang: nyid bye:.
4 Aseing gi ngoonu" nghe: khau: nyid da" mungdain: ri
ngoonu" shid re khyen: byid: lho: hau: mungdain: gi
nyang: jheddab da" nya: byumyu" yiri
myonhoo: sho: phau: khuang ge da jonu" nghoid.
5 Mangsoo gi nya: zhungtang khyoo: do, loo" bye:- hau" Aseing do, lo" uri
gau yi nyho: phau: ziyo' laboo" moid da" thui: ri houg: moo shau" gyo: nyid.
6 Mangsoo ri jikhoin" lho: coung" nghei nyid we'.
Ngoonu" da" khokham phoo ri jikhoin" yo' coung" byid: we'.
7 Mangsoo gi moug: gyab, dangain" ri vhoeb da" khokham nghoid wigi
jikhoin" dang: joem yo' nyang: ri coung" nghei nyid we'.
8 Mangsoo gi nya: da" gyeung" shang:- zhungtang tho' moo: zhoung: jo, wigi
byumyu" yi bain sho ri nyang: vhoebkhang" nyid bye:.
9 Byumyu" yi bain sho' mo, da" zoug: ludaid yigi
Abraham da" Mangso byumyu" yi yo' dage- phoung: foem: nyid boem.
Gyizoo: joem dangain" tho' moo yoem: vhoo" nyang: je bo nyid zi nghoid wigi
nyang: gi je" myhang: thang khyo" vhoebkhang" nyid su: nghoid bye:.