COUNG" NGHEI 43
1 Mangsoo we"- ngoo ri yooboo adab, su: nghoid ein: tid fu" byid: lho:
Mangsoo aboo mo, jang" mo nga" sei: ri: goem loem byid: we'-
mhau, fain" voo mo, yo' akhyeing" ashoeb da" byu yi lo, mo
ngoo ri khyoid khyu: yu byid: we'.
2 Nang gi nga" goem loem byid: nyid su: nghoid.
Nang gi ngoo ri ciyoomo she: pyam to" lha"
Ngoo ri: nga" gyivoo joem da- athoug" akhyoug: koid nyid jang" mo
ngoo ri cikoid wigi xo' phu" zoo: ca" wa la".
3 Re" bidbang yo' re" da" deingmain" khyoo: byid: kaid we'.
Hau: zigi ngoo ri shu" vhu" she: lo" lho: re" da" gyeung" shang: Ziun boem yo'
nang nyid da" re" yhoem: moo" khyoo: shu" loo" we'.
4 Houg: lang" gi Mangsoo we"- re" da" phoin: khyoo: ngoo yo" yhe: loo" wa zi nghoid.
Nang gi nga" ngei pyo: khyo: da" jhung: shoem: nghoid nyid.
Mangsoo we"- nga" Mangsoo we"- nga" teung ri baid lho:
ngoo nang ri coung" nghei jikhoin" khoin" nyid wa zi nghoid.
5 Ngoo gi ci yoomo hid: yhi' kougshu: nyid lha".
Ngoo gi ci: yoomo hid: yhi' kyi" khyeug nyid lha".
Ngoo gi Mangsoo moo: myid byu nyid lho:
nga" khyoid yu Aseing yo' nga" Mangsoo ri ngoo dalheung: doem coung" nghei wa.