COUNG" NGHEI 4
Ngoo ri goem loem byid: nyid da" Mangsoo we"-
nga" akyu" mho' dang: ri tam" gyoo: byid: we'.
Ngoo yau: khi" zi shoug" nyid uri nang ngoo ri pang" thoug byid: bye:.
Ngoo ri akhid" nyang: nheugkhyeug ziyo'
nga" akyu" mho' dang: ri shoug" gyoo: byid: we' o".
Byumyu" yi khanham ju' sho' ngoo ri aphoug" akhyoid koid nyid boem wa la".
Akyu" abo khyoo: ri nanu" vho: nyid boem wigi
shoid vhang: lo" khyoo: moo khamyhang ju" sho' cang loo" wa ein: go" la".
Aseing gi deungmain" da" byu yiri nya: shid re" khyen: to" ziri myid boin: ge'.
Nyang: ri yoid mho' da" bidnyid ri
nyang: gi ngoo ri tam" gyoo: byid: nyid.
Gyoug nain" ziyo' yooboo koid da" khyoo: ri to" pyam loo ge'.
Nanu" da" yhoeb cuang tho' moo sam" zoo: jhang" jo, uri
hau: khyoo: ri no" no, myid yu" nyid ge'.
Aseing ri ce: noo dam abo da" xoin" ri to' byid: lho:
nyang: ri loem khau: nyid ge'.
?Aseing we" ngoo ri jeju" je" wigi byid: nyid we'.
Nheig khyeug shoomyen: ziyo'
ngoonu" ri goem byid: coung: byid: we'? ga:
byu yi myoo" sho' mo, akyu" mho' nyid boem.
Nghoid loug we' nang ngoo ri byid: da"
gau yi ngei pyo: khyoo: gi nyangnu" yo" yu boem wa zi nghoid.
Nyangnu" da" gugzoo meiloem: joem yo' zabyid moin" joem we'
dangain" tho moo: je" ge byid:.
Ngoo jhang" jo, uri ngei pyo: ziyo' ngoo yo" yhoeb lo.
Aseing we"- nanyang: za: ngoo ri
joeb joeb byeung" byeung" gau: yi joyoo moo: nyhid: too" bye:.