COUNG" NGHEI 34
Ngoo gi khanham we' Aseing da" jeju" ri boin: so" nyid wa.
Ngoo gi nyang: ri coung" nghei khyoo: khanham we' anoo: wa.
Ngoo gi nyang: koid bye: da" moo" zoo" yoomo nyang: ri coung" nghei nyid wa.
Shen" yen bang: dangain" mo, shau" gyo: lho: gau yi nyid goo" baja".
Ngoo yo' dage- Aseing da" nghoid thang khyoo: ri tid fu" shang.
Nya: da" myeing khyang" ri nyhangnu" dangain" coung" nghei shang.
Ngoo gi Aseing ri mho' yoid lang- nyang: ngoo ri tu" byid: wigi
nyang: gi gyoug ci khyoo: dangain" jang" mo ngoo ri loid byoin loo" nhang: bye:.
Doin: zeug zi shoug" nyid mo, gi nyang: ri yu" lho: gau yi ngeibu nyid ago".
Nyangnu" gi khanham we' yoem: shoin: zi shoug" wa zi anghoid.
Pang" thoug khyoo: ayoo" mo, gi nyang: ri yoid lang" nyang: tu" byid: nyang: ri
Nyangnu" da" yau: khe" khyoo: dangain" jang" mo khoid yu bye:.
Nya: moug" lagyoo: yigi Aseing ri gyoug phoug" bang: ri lhoug zung" lho:
gyoug pho" khyoo: moo nyangnu" ri khyoid yu.
Aseing gi khayhi' gyeing" ge ziri nanyang: ca: yu" lho: si' we'.
Nyang: moo: nghe: khoug: jang: myang mo, gi ngilho' nyid boem.
Nya: byu phung: yi dangain" bang: we' Aseing ri phoug" tab, ngi: shab byid: we'.
Nyang: ri tam" gyo: nyid mo, gi nyangnu" ca" nyid khyoo: joem dangain" ri yo" yu nyid boem.
10 Khang khyi joem gi zoo: noem ayoo" yoomo zooyoid nyid.
Nghoid loug we' Aseing ri tam" gyo: nyid mo, gi ge zi daja" we' amyung nghoid ago".
11 Ri" ge'- nga" byencang" nu" yi we' nga" dang: ri tam" gyoo: we'.
Aseing ri gyoug phoug" wa shid re" nanu" ri ngoo jhau" byid: ba.
12 nang gi ngei pyo: kang: dei khyoo: ri vho: ngei la".
Kang: sheung: lho: gau yi ngei pyo: nyid nau la".
13 Hougsu" nghoid rigi akhyeung" dang: tid khyoo: yo'
mhau, fain" dang: tid ziri to" pyam we'.
14 Akhyeung" khyoo: mo gang: lo" lho: ge da" moo" ri zei: we'.
Myenjham" khyoo: ri re" nheigloem: emyed bain sho' yo' shoo: we'.
15 Aseing gi deing byeung" mo, tho' moo: yu" nyid wigi
Nyangnu" da" ngoug thui: joem ri tam" gyo: nyid.
16 Nghoid loug we' nyang: gi akhyeing" ashoeb moo" zei: mo, ri thougtheung nyid.
Hougsu" koid da" khyoo: gi mougmyid moo: nyangnu" shid: lo" uri
nyangnu" gi houg: lang" to" myhed pyam zi ashoug" wa shid re" nghoid.
17 Deing: byeung" mo, Aseing ri yoid, lang" nyang: gi tam" gyoo: byid: nyid.
Nyang: gi nyangnu" da" kyi" khyeug khyoo: dangain" jang" mo nyangnu" ri khyoid yu bye:.
18 Aseing gi yoem: gyoug: mo, nam, moo: nyid wigi
nheig byu jang: dangain" ci: phyug pyam mo, ri khyoid yu nyid.
19 Byu yigi yau: khe" khyoo: myoo" sho' shoug" nyid
nghoid loug we' Aseing gi houg: yhang: te" khyoo: dangain" jang" mo nyangnu" ri khyoid yu nyid.
20 Aseing gi nyang: ri goolhoo: yu" coung: byid: nyid yoomo
nya: da" shooyoug: joem dakhaid we' gyau: zi shoug wa anghoid.
21 Akhyeung" da" khyoo: gi nheigloem: ge da" su: ri said pyam wa.
deing byeing su:- ngheing" bang: gi yooboo dam kaid zi shau" boem wa.
22 Aseing gi nya: byumyu" yiri khyoid yu loo wa nghoid.
Coung: goem yu wa shid re" nya: jang" moo: tain" yhi: mo, dangain" gi
loid byoin lo" zi shau" boem wa nghoid.