COUNG" NGHEI 26
Aseing we"- ngoo gi jo da" khyoo: ri koid lho: Aseing ri bain" bain loem khoug: su: nghoid yoomo
ngoo ri ce" yooboo we' adab, su: nghoid ein: tid fu" byid: nyid we'.
Aseing we"- ngoo ri ca: yu" we' kyeung yu" we'
nga" ung: khoug: mo vho: ngei khyoo: yo' myid soin: khyoo: ri dang: phyed byid: we'.
Re" da" geung: teung jhed khyeing: kang: khyeing: gi ngoo ri khyoo: shed byid: nyid.
Re" da" nheigloem: zung" khyoo: gi ngoo ri vhu" shi: byid: nyid.
Ngoo gi ce: phoug" adab, da" byu yi yo' azoem"-
deingmain" goin' koid mo, yo" we' ngoo khanham azoem.
Akhyeing" ashoeb mo, da" zoem" khau: khyoo: ri ngoo ngheung" lho:
nheigloem: guid" mo, ri ngoo jang" pyam nyid.
Aseing we" ngoo gi ce" yooboo adab, khyoo: ri toin" shed wa shid re"
Ngoo gi ngoo: nya: lo, ri ced" pyam lho:
re" da" xoin" ngei" phoin: loem: lheing khab, moo: lo coung" nghei.
Ngoo gi jeju" boin: coung" nghei byid: da- jikhoin" ri khoin" wigi
re" da" mau" pho" moo" zoo" joem dangain" ri tid kyoo" bye:.
O" Aseing we" re" phung" yoeb jo, da" yhoem:
nang nyid da" yhoem: ri ngoo jheddab nyid.
Yooboo yoo" mo, yo' dage ngoo ri amhoin pyam nyid.
Byu said mo, da" yooboo dam ri ngoo moo: abo kham' zoo: nhang:.
10 Houg: bang: gi age da" khyoo: ri khanham we' dakoid nyid boem wigi
khougvhoid jhungshug yu zoo: wa shid re"
khanham we' jen" jen" dalang" nyid boem mo, nghoid.
11 Ngoo koem gi jo ziri koid nyid yoomo ngoo ri nheug khyeug ziyo' khyoid yu shi" we'.
12 Ngoo gi gyoug dain khyoo: dangain" jang" mo gau: nyu: nyid.
Nya: byumyu" yi da" mo, phung: gung moo ngoo Aseing ri coung" nghei nyid.