COUNG" NGHEI 2
1 Byumyu" yi ciyoomo tu: lhoin" wa soin' nyid go" lha".
Byumyu" yigi: nyangnu" shid re" ce" akyu" we'
abo da" gau" koid moo" ri cikoid soin' nyid go" lha".
2 Aseing ri nyangnu" da" khokham yi tu: lhoin" lo wigi
mung" zoug: yi we' lhoem: thougtheung wa shid re"
zheung: gau" sham: go" nyid boem lho:
nyang: khyen: soin' to" da" khokham phoo ri we'
thougtheung nyid boem.
3 Nyangnu" gi ?Nyangnu" vhoeb ci: da" akhoug: mo
nyangnu" gung du: nyang: yo" loid loo" baja".
Nyangnu" myheug zei: ci: jang" mo
nyhang" byeig lhei" pyam, boem shang? ga: wigi tid nyid boem.
4 Mougkhung: tho' moo: nyid da" nyangnu" Aseing gi
nya: da" zhungtang mo wigi
ci: anghoid da" nyangnu" soin' khyoo: ri yu" juang" yi nyid.
5 Hougsu" nyang: gi nyangnu" ri nheug yo: ziyo'
zid" nhang: lho: nya: nheug yo: ziyo' nyangnu" ri kyug nhain' nyid.
6 Nyang: gi ?nga" gyeung" shang: Ziun boem tho moo
nga" khokham phoo ri myonhoo: ngilang:
ngoo ab byid: bye:? ga: tid? ga: tid nyid.
7 Khokham phoo ri ?Aseing khasu" ga: tid nyid da" khyoo: ri
ngoo tid fu" byid: wa zi nghoid? ga: tid.
Hau: lho: nyang: gi ngoo ri ?nang gi nga" zoo: nghoid nyid da:.
Akhid" nyid" ngoo gi re" phoo bue" nyid bye:.
8 Mho' we' ngoo nang ri byumyu" yi yo'
nyangnu" da" mungdain: dangain" ri ab byid: wa zi nghoid.
Moug: gyab, goin" re" da" moug: bue" loo wa nghoid.
9 Nang gi nyangnu" ri jo, to' lhamdung: yo' baid sain" kaid wigi
nang nyangnu" ri myidzhoo" yam: daloem: ri yhang: ti"
ajab, amoin' bue" loo" sho' youg khyoeb sain" pyam wa nghoid.?
10 Khokham yi we"- hid: akhid" zid" nhang: da" khyoo: ri tam" gyo: yu" ge'.
Mougmyid da" zoug: ludaid yi we"- he: lhed zed" nhang: da" dang: ri jhau" yu ge'.
11 Aseing ri gyoug phau" myang: ziyo' noku coung" nghei nyid ge'.
12 Gyoug nain" ziyo' nyang: ri goeb pid nyid ge'.
Hougsu" akoid zigi nya: nheigloem: nge" loung ziyo'
myab" myab, to' lo" wigi nanu" gi
nyeigdain tung" shed: lo' boem wa zi nghoid.
Zung" lhoug byid: wa shid re"
nya: jhang ju" yhi: bang: gi ngilhoo' wa nghoid.