COUNG" NGHEI 150
Aseing ri coung" byid: ge'.
Nya: da" Noku Yhoem: Moo" moo:
Mangsoo ri coung" byid: ge'- Mougkhung: tho' moo:
nya: yoem: vhoo" ri coung" byid: we'.
Nyang: zei: shug bye: da" phung" yoeb bo da" moo" zoo" yoomo
nyang: ri coung" byid: ge'- atho' ke' yu" lo: da"
nya: gyi: sheung: reung: thang moo" zoo" ri coung" byid: we'.
Laboo" joem yo' nyang: ri moid coung" byid: we'.
Teing- khalhang- jangkung" thui: yo' nyang: ri coung" byid: we'.
Zeing baid mang" thoung" lho: go" nhoin' zoore
nyang: ri coung" nghei nyid ge'.
Teing yo' khalhang joem ri moid baid wigi nyang: ri coung" nghei nyid ge'.
Jhabceing baid lho: nyang: ri coung" byid: nyid ge'.
gye" myeung da" jhabceing moo" ri baid lho: nyang: ri coung" byid: ge'.
Kang: boo so, shi: dei noem dangain" bang: we"- Aseing ri coung" nghei nyid ge'.
Aseing ri coung" nghei byid: nyid ge' o".