COUNG" NGHEI 15
O" Aseing we" khayug gi re"
Noku Yhoem: Moo" khoug: khyoo: yo" vang ri" wa la".
Khayug gi re" da" gyeung" shang: Ziun boem
tho' moo yo" noku goo" wa la".
Ce ja: moo" zoo" we' Mangso dang: ri
tam" gyo: lho: wigi deungmain" khyo"
khanham we' koid su- ung: gyeung: lho:
deingmain" da" dang: ri tid su.
Subi" gooji ri anghoid akhuang atid su:-
nyang: gi nya: bidnoem yiri we'
age khyo" akoid su- yhoem: kyoo" cang" ri we'
gei sang: shang apyang: su: nghoid.
Nyang: gi Mangso she: pyam too" bang: ri bo co' nheug no lho:
Aseing da" mungdang: tam" gyo: cang loo" mo, ri
myonhoo: byid: phau" myang: se' nyid.
Nyang: gi nya: da" akyu" khayhi'
yoem" no gyo" loo" nghoid loug we'
nyang: byid: to" dang: theing khoin" zung" su: nghoid.
Nyang: gi atu" amyaid ri ayu" loo: za:
nya: ngei ri jhed" nghoo" byid: se' lho:
nyang: gi khougvhoid yu lho: ce: yooboo ayoo" mo, ri
noo nhang: wa shid re" thang" cab abo kham.
Hid: yhang: te" da" moo" zei: bang: gi
khanham ce: gyi we' athoung" shoug" loo za:
myen myen, shoug" nyid boem wa nghoid.