COUNG" NGHEI 142
1 Ngoo gi pang" thoug zi shoug" wa shid re" Aseing ri mho' yoid.
Ngoo gi nyang: ri mho' tung" pain bye:.
2 Nga" da" yau, nhoug khyoo: joem dangain"- nya: jang" moo: ci: lo lho:
Nga" yau: khe" khyoo: dangain" we' nyang: ri tid kyo.
3 Ngoo yoem: neung: lo" ri khasu" koid wa ziri nyang: se' nyid.
Ngoo so" lo" da" khyoo: moo nga" gyivoo joem
ngoo ri: myhi' yu wa shid re" gyoin: gau" du: to" boem bye:.
4 Nga" lo, qei: lo, yoo khyoo: yu" kaid ri
ngoo ri pang" thoug wa su:- dayug we' amyang.
Ngoo ri goem loem byid: wa su: dayug we' anyid: ziri: ngoo myang-
ngoo ri yu" coung: su: dayug we' anyid.
5 Aseing we"- pang" thoug wa shid re" ngoo nang ri mho' yoid ngau, nyid
Aseing nang gi nga" goem loem su: yo'
nang kyeing" za: he: pyaid goin" moo ngoo vho: yhouggyen: nyid su: nghoid.
6 Ngoo gi nheig koug nheig shu: joyoo khyoo: noeb vang loo" yoomo
ngoo ri pang" thoug wa shid re" yoid ngau thui: ri tam" gyoo: byid: we'.
Nga" gyivoo joem da" lo, mo khyoid yu byid: we'
nyangnu" gi nga" tho' mo yoem: je boo mo, nghoid ago".
7 Nga" yau: khe" kyi" khyeug khyoo: mo ngoo ri loid byoin loo" nhang: we'.
Houg: lang" re" byumyu" yi da" zeung: foem jang: moo ngoo gi
nang ri coung" nghei nyid wa Khasu" wim ga: ri nang gi: nga" tho' moo: ge lho' nyid.