COUNG" NGHEI 14
1 Soozoo: alheung: mo nyangnu" gung nyangnu" tid zigi
?Mangsoo anyid? ga: nyangnu" dangain" mo, gi
nheigloem: byo, yoin" mo, nghoid wigi
aco' ajhoid da" moo" zei: boem bye:.
Jo da" moo" se' zei: zigi dayug gyeing" we' aboo.
2 Aseing gi yeug mo, si mo, yo'
nyang: ri loem khoug: mo, nyid la". Anyid la".
Ziri si wa shid re" mougkhung: mo wigi
xang: su byu yiri: goeb yu" nyid.
3 Nghoid loug we' xangsu: byu yi dangain" mo, gi
khyoo: bain vhang" lo" byoug boem bye:.
Nyangnu" dangain" mo, dakhyoo" ti"
agi ashoeb bang: bue" lo" byoug boem bye:.
Nyangnu" moo: ge da" moo" se' zei su: dayug we' aboo-
gyeing" nyang: dayug we' aboo.
4 Nanu" asi, goo" la".
He: akhyeing" ashoeb da" byu yigi
soo" soo" akhyeung" mo, nyang: danghoid nhung: lha".
Nyangnu" gi nga" byumyu" phung: yi jang" mo
khyang toug: koid wigi kangso' khu: lho nyangnu"
gi nga" jang" moo kha nham we' akyu" amho' boem- ga: Aseing gi tid nyid.
5 Nghoid loug we' Mangsoo gi nya: dang:
tam" gyoo: mo, yo' dage" nyid wigi akhyeung" bang: gi gyoug dain lo" boem wa.
6 Akhyeing" ashoeb da" byu yigi
khyo' nyhoem: su: da" myid soin lo" da" khyoo: ri
byo, yoin" loo" nhang: nghoid loug we' Aseing gi nyang: ri
zung" lhoug goem coung: nyid.
7 Israela byumyu" yiri oung: doid lo" khyoo: gi
Ziun boem tho' mo thu loo wa shid re"
ngoo akyu" mho' nyid.
Aseing gi Israela byumyu" yiri
dalheing: doem nyid gi yab ge loo nhang: uri
atho' tid loo sho' gau yi ngei pyo: boem wa nghoid.