COUNG" NGHEI 129
1 Israela we" nang gi ngi shi" bidnyid mo wigi re" gyivoo joem gi
nang ri khasu" shen" yhen bye: da" khyoo: ngoonu" ri tid kyoo" we'.
2 Ngoo ngi shi" da" ayo, mo wigi nga" gyivoo joem gi
ngoo ri nheig khyeug shoo" amyen: loo- shen" yhen loo bye:.
Nghoid loug we' nyangnu" gi ngoo ri ayo" ung: nghoid boem ago".
3 Nyangnu" gi nga" da" seing" khung: moo
no, sho' dam khoo: tuang byid: boem wigi
hau: zigi phoug to" yoothung" pa: ti" du nyid.
4 Nghoid loug we' deingmain" su: Aseing gi
ngoo ri join mo loid byoin loo" nhang: bye:.
5 Ziun ri ngheing" mo, yugkhang" moo" gi soem" joem: lo" boem ziyo'
khaid thu pyam zi shoug goo" baja".
6 Nyangnu" dangain" bang: gi yhoemkhung: tho' moo:
youg jo, lho: ayo" youg gyi: loo shi" ri
kyoug shid: lo" da" vufu" myo, joem yhang: ti" bue" loo" goo" baja".
7 Houg: ziri hang we' cang shoem" deung: yu wa zi anghoid.
hau: ziri deung: vu, phang: loo" su" we' hang aboo.
8 Aseing gi nanu" ri mainkaid byid: nyid baja".
Aseing da" myeing: khyang" yo' ngoonu" gi
nanu" ri mainkaid byid: ga: wigi so" lid: loo" mo, hang we' tid wa zi anghoid.