COUNG" NGHEI 127
Aseing gi hau: yhoem: ri akoid to" nghoid rigi
yhoem: koid mo, da" moo" zoo" gi Akoem: za: danghoid nyid.
Aseing gi hau: voogung ri azung" lhoug nghoid rigi
voogung ri lhoug zung" bang: da" goem loem khyoo: gi
amyed aji za: danghoid.
Nab kyoo no" no, to' wigi bidvang moug: coid sho'
ayhoeb ayu: voem: doug: khu: moo" zo" shid mo
khayhi' myoung: dau zoore" dazei: nyid nghoid lug we' akoem: za: danghoid-
khasu" wim ga: ri Aseing gi- nyang: jheddab mo, ri
dayhoeb, jo, shi" re- nyangnu" moo: ca" nyid khyoo: ri byid: nyid bye:.
Zooshang: yigi Aseing jang" mo jeju" jhungshug nghoid.
Nyangnu" gi mainkaid jeju" agyeing" nyang: nghoid nyid.
Zooyam, yo, ri yo" da" yug gi zoo: yigi gyizoo: pho, da" lo, mo myoo: joem yo' du nyid.
Nyang: gi nya: da" gyivoo joem yo' tarha" yung" moo: shoug" go" uri
soem" lo" zi khanham we' shoug" wa anghoid.
Nya: myoo: thung moo: shab pyeung too" su: gi ngi: lho
nyid voogung khoem" moo" duang: moo: gyivoo joem yo'
theung shang" go" ri nyangnu" sho' shoug" gyoug shau" boem wa zi anghoid.