COUNG" NGHEI 124
1 Aseing gi ngoonu" shoid vhang: khyoo: ato' bo bi" nghoid rigi
Cito' bui" wa lha". Israela bi" we"- tid yu" we'.
2 Yha" da" gyivoo joem gi nyhang" ri zain: lo boem uri
Aseing gi ngoonu" jhang abo to' nyid zi nghoid rigi
3 Nyangnu" gi ngoonu" ri thougtheung nheig khoo" yo: ziyo'
ngoonu" ri adei phab phab myhau: pyam boem wa zi nghoid.
4 Hougsu" te" da" gyid khyoid zoo" gi ngoonu" ri shoem" she: lo" wigi
hau: gyid gi: ngoonu" ri khyoid nhe, pyam wa zi nghoid.
5 Hougsu" wigi gye" thain: da" mi, boug joem gi
ngoonu" ri khyoid she: loo" wa zi nghoid.
6 Ngoonu" ri ngoonu" gyivoo joem da" lo, moo ajoem: thang loo" nhang: da" Aseing ri
nyhang" nu" jeju" boin: nyid boem shang.
7 Shoo" kuang su: da" tei" mo loid lo" ngho' yhang: ti"
ngoonu" we' loid byoin lo boem bye:- tei" byed byoug lho:
nyangnu" gi loid byoin lo" boem bye:.
8 Mougkhung: moug: di yo' mougmyid yoosoo" ri phain" so: too" su:-
Aseing jang" mo wigi ngoonu" ri pang" thoug da" khyoo: gi dathu' lo nyid.