COUNG" NGHEI 120
Ngoo yau: khe" kyi" khyeug zi shau" nyid uri Aseing ri ngoo yoid khe" wigi
ngoo ri nyang: tu" byid: bye:.
Aseing we"- mhoug mo, yo' fain" voo si' mo, da" lo, mo
ngoo ri khyoid yu byid: we'.
Mhoug mo, fain" mo, nanu" we"- Mangsoo gi nanu" ri cikoid loo wa lha".
Nyang: gi nanu" ri cite" da" yooboo dam, kaid loo wa la".
Gyizoo: pho, da" gye" tho' da" myoo: joem yo' we'
nghe' ne gyeung" to" da" myi: gyu: yo" we' shen" yhen wa zi nghoid.
Nanu" da" mo, gyoo: moo: nyid nyid zigi Mesheg meing: moo: nyid yhang: ti" we'
Kedara byumyu" yi da" agyoo: moo: nyid yhang: ti" we' yau: nyid.
Ngoo gi ngei pyo: myenjham" khyoo: ri avhoo: angei da" byu yi yo' dage"
myang" sho' soung nyid pyam bye:.
Ngoo gi ngei pyo: myenjham" da" khyoo: ri tid ri
nyangnu" gi meing: zain: wa khyoo: ri datid nyid boem.