COUNG" NGHEI 114
1 Yaku da" amyed ashen Israela byumyu" yigi
Egutu mung" mo thu lo da" ayo, moo
Yaku da" amyed ashen yi hau: tungbau myeing: mo thu' lo boem da" uri
2 Yuda byumyu" yigi Aseing da" gyeung" shang: byumyu" yi
bue" lo boem wigi Israela byumyu" yigi
nyang: seung: ci: da" byumyu" yi bue" lo boem bye:.
3 Gyid thoem" ni gi hau: ziri myang yoomo phang: lo" byug bye:.
Yodan gyung: we' yau, nyid jang" mo theung: byug bye:.
4 Boem joem gi coidbaid joem yhang: ti" thu' byam nyid wigi
bouggung joem gi yang joem yhang: ti" byam yen" ago".
5 Panglai: we" nang gi ciyoomo phang: lo" lha".
yodan gyung: we" nang gi ciyoomo-
yau nyid jang mo theung: jo, lha".
6 Boem joem we" ciyoomo
coidbaid joem yhang: ti" thu' byam yen" go" lha".
Boug gung joem we" ciyoomo nanu" gi
yang nu" joem yhang: ti" peig byam yen" go" lha".
7 Mougmyid yoosoo" we" Aseing shidkhoin" moo: we'
Yaku da" Mangsoo shidkhoin" moo: we' gyoug nain" nyid we'.
8 Nyang: gi lug pyung: yoin" ri gyid thoem joem bui" nhang: lho:
lug moo" boem joem ri yau, nyid da" gyid bug joyoo koid pyam bye:.