COUNG" NGHEI 110
Aseing gi re" gyivoo joem ri
re" da" khoovoo khoug: moo: kaid pyam da" ayo, ju" sho'
hid: nga" da" lo, yo shoid moo: zhoung: jo, we' ga: wigi:
nga" Aseing khokham pho ri tid bye:.
Ziun mo Aseing gi re" da" khokham yoem: so' ri
ce" lam: kaid wa zi nghoid-
re" da" gyivoo joem da" atho' moo vhoebkhang" nyid we' ga: Aseing tid nyid.
Re" da" gyivoo joem ri: nang khaid zain: da" bidnyid moo
re" da" byumyu" yigi yhoem: seung: myid khyo"
bo vang pang" lo boem wa nghoid.
Nab soin no' re khyo' da" nghain: jhu" yhang: ti"
re" da" zoolu yigi nang nyid da" gyeung" shang: boem tho' khyoo:
ju" lo boem wa zi nghoid.
Nang gi Melkhizedeg da" khainjung azuang zhoug yu da"
apyaid atoo: mo khainjung dayug bue" loo wa nghoid, ga: wigi
Aseing gi geung: teung da" dangsoo" byid: to" lho:
hau: ziri doem tau" yu loo wa zi anghoid.
Aseing gi re" da" lo, yo shoid moo: nyid nyid nyang: nheig yo: lo da" uri
nyang: gi khokham yiri: soem" joem: loo" nhang: wa zi nghoid.
Nyang: gi byumyu" yiri tarha" dang: phyed wa ziyo'
meing: zain: pa: mo byu shid mang yo'
byeung" loo" nhang: wa zi nghoid.
Nyang: gi mougmyid gyab, goin" jang" mo khokham yiri
soem" joem: lo" nhang: wa zi nghoid.
Khokham phoo gi khyoo: yam, moo: yau, da"
gyid gyung: mo shug wa zi nghoid lho:
nyang: gi yoem bo lo wigi oung: lo" khyoo: joem moo to' yab loo wa zi nghoid.