COUNG" NGHEI 10
O" Aseing we" ciwim wigi
ve: jang" moo: nyid nyid lha". Ngoonu" gyoug dain'
zi shau" nyid uri ciwim wigi re" myonhoo: goo" khyoo: shoung: pyam, lha".
Akhyeung" bang: gi phau: khuang lho:
sho" jhen: mo, ri: shen" yhen nyid boem.
Nyangnu" du: to" da" gyoin: moo: gyoo" nhang: we' o".
Akhyeing" su: gi: nya: da" akhyeung" moo" zoo" mo phau: khuang nyid.
Myo, no, vhoo: boo su: gi Aseing ri
nheung" lho: she: pyam, nyid.
Akhyeing" ashoeb su: gi
Aseing ri cishu: anhang:.
Nya: da" nghoid boin: nheigloem: moo
Mangsoo gi ce: yhoug: agyen: ga: myid nyid.
Akhyeing" ashoeb su: gi nyang: koid da"
moo" zoo" dangain" jang" moo oung: loo" wa zi anghoid.
Mangsoo dang: phyed khyoo: ri: nyang: gi atho' oung: gyoo-
nya: gyivoo joem ri: juang" pyam nyid.
?Ngoo gi khanham we' joem: loo" wa zi anghoid-
ngoo gi khanham we' gyoug dain' zi shoug" wa
anghoid? ga: wigi: nyang: gung nyang: tid go" nyid.
Nya: da" nhoid moo: gi nheing" myeing" joem mhau.
Da" khyoo: kyug nhain' khyoo: joem yo' byeung" jo.
Nyang: gi ngheung" da" dang: akhyeung" da" dang: tid wa zi myab, nyid.
Nyang: gi voogung moo: gau" jo, lho:
ce" yooboo we' abo mo, re: said pyam wa shid mo lang" nyid.
Nyang: gi nghe: khoug: jang: ayoo" lo: mo, ri kuang nyid.
Nyang: gi khangkhyi yhang: ti" nyang: gau" joyoo moo: lang" nyid.
Nyang: gi sho" jhen: mo, ri gau" lang" nyid wigi
nya: gyoin: moo: myhi' yu lho: nyangnu" ri she: phang: lo.
10 Pang" thoug zi ayoo" mo, gi mhoin'
pyam zi shoug" nyid ago".
Nyangnu" ri yoem: joem: khyo" oung: pyam, zi shau" boem abye:.
11 Akhyeing" ashoeb su: nya: gung nyang: tid nyid zigi
?Mangsoo gi ce: yhoug: agyen-
nyang: gi myo, coem" ci: lho: ngoo ri khanham we'
myang loo: wa zi anghoid? ga: tid nyid.
12 O" Aseing we" hau: akhyeing" ashoeb mo,
ri yooboo dam kaid byid: we'.
Phu" zoo: shoug" nyid mo, ri: myid soin: we'.
13 Akhyeing" ashoeb su: khasu" wim lho:
Mangsoo ri yo" she: lhei" wa ?Ngoo ri: nyang: khasu" yooboo dam
yo" kaid wa zi anghoid? khasu" wim yo" tid nyid.
14 Nghoid loug we' nang ri gyoug nain" khyoo: yo' phu" zo: khyoo: ri myang se' lho:
pang" thoug yu wa shid re" khanham we'
nyheung soin, too" gu nghoid.
Pang" thug wa zi ayoo" su: gi nyang: gung nyang: nang moo: ab lang- nang gi: ca" yo nyid mo, ri khanham we' pang" thoug nyid.
15 Akhyeing" ashoeb mo, yo' byugang: yi da" yoem: so' ri khyau" pyam byid: we'.
Nyangnu" da" shoid vhang: moo" zoo" yoomo
hau: moo" ri: adoem yo" koid lo bidnyid ju" sho' yooboo dam, kaid byid we'.
16 Aseing gi apyaid atoo: mo
khokham" nghoid- gootu: phara joem ri no" mo, dangain" gi
he: mougmyid mo byoug shang loo" wa.
17 O" Aseing we" nang gi nheigloem: nyhoem: khyo' khyo" mho' da akyu"
mho' dang: thui: ri tam" gyo: nyid.
Nang gi nyangnu" ri: yoem: foin: byid wa zi nghoid.
18 Nang gi doin: zeig shoug" nyid bang: yo'
coug" zoo: yi da" mho' yoid thui: ri tam" gyo: nyid.
Nang gi nyangnu" shid mo dang: phyed byid: loo wa.
Houg: yoomo shid: loo" se' da" byu xang: su yigi
ayo" kyug nhain' boem loo: wa.