2
1 Aseing gi Moshe yo' Arun tang: ri vhoo: moo: tid to" da" pyeing: dang: joem ri byid: da:.
2 Israela byumyu" yi dab koid uri yugkhang" moo" gi nyang: yug nya: kho' to" da" phung: dungkhoin: yo' nyang: yug nya: byu kung: da" dungkhoin: yang: moo: dab koid wa zi nghoid. Dab ri zoem" lheing khab moo koid wa zi nghoid.
3-9 Yuda moo: kho' to" da" dab bang: gi bidthu shoid mo nyangnu" da" dungkhoin: yang: moo: vhoo: moo lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid.
Yuda moo: kho' to" da" dab bang: gi xang: shi" yhe: loo" wa zi nghoid.
10-16 Ruben moo: kho' to" da" dab bang: gi mougpyi: shoid mo nyangnu" da" dungkhoin: yang: moo: vhoo moo: lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid.
Ruben moo: kho' to" da" dab bang: gi asoo" eig moo: yhe: loo" wa zi nghoid.
17 Hau: thang: xang: shi" eig dab yo' thang: mo eig dab agyoo: moo: Levi dab bang: gi zoem" vu, wigi soo" wa zi nghoid. Dab khang" moo" gi nyheing to" ziyo' dakhyoo" ti" za: nyang: tu: nya: dung khoin: yang: moo: joyoo yu wigi so" yhe: wa zi nghoid.
18-24 Ephrim moo: kho' to" da" dab bang: gi bidvang shoid mo nyangnu" da" dung khoin: yang: moo: vhoo moo lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid.
Ephrim moo kho' to" da" dab bang: gi asoo" soem" moo yhe: loo" wa zi nghoid.
25-31 Dan moo kho' to" da" dab bang: gi mougzhung: shoid mo nyangnu" da" dungkhoin: yang: moo: vhoo moo lhid" to" ziyo' dakhyo" nyangnu" da" phung: joem ri nyangnu" da" vhujhung: yi vhoo: moo: dab koid wa zi nghoid.
Dan moo kho' to" da" dab bang: gi lo" thang moo yhe: loo" wa zi nghoid.
32 Israela byu yi phung: yo' phung: kho' wigi dab joem moo myeing kaid bang: dangain" gi 603,550 yug nghoid da:.
33 Aseing wigi Moshe ri amyeing" byid: ziyo' dakhyo" Levi byumyu" yigi deing da" Israela byumyu" yi yo' dage" myeing koid: yu zi ashau" goo" nghoid da:.
34 Houg: yoomo Israela byumyu" yigi Aseing wigi Moshe ri tid da" moo" ja: khang" moo" ri koid boem bye:. Nyangnu" gi nyangnu" nya: dungkhoin: yang: moo dab koid wigi nyangnu" nya: akung: yo' dage" gyung: soo" boem bye:.