12
Moshe gi Khusha myiyi: dayug yo' lo, xo' yu da:. Miriam yo' Arun tang: gi houg: yoomo nyang: ri yooboo foin: dang: tid ago". Nya: tang: gi ?Aseing gi Moshe khyo" za: dang: tid ga rhe". Nyang: gi nga" eig yug khyo" we' dang: atid ga: rhe"? ga: tid ago". Aseing gi nya: eig tang: tid zi shau" gyo: da:.( Moshe gi nheigloem: nyhoem: khyoo' su: nghoid da:. Mougmyid tho' moo: gootu: bang: tho' je wigi nheigloem: nyhoem: khyoo' su: nghoid da:.)
Aseing gi nyeigdain tung" Moshe- Arun yo' Miriam bang: ri ?Nanu" soem" yug nga" shidkhoin" Zoem" moo: ri" goo" wa zi ngoo vho: nyid? ga: tid da:. Nyangnu" we' yhe: bye:. Aseing gi jhoemmoug" thei" zeing bung: yo' gyoo" re" wigi Zoem" khoem" duang: moo re" yab jo, lho: ?Arun we"- Miriam we"? ga: khe: kaid da:. Nya: tang: gi shid khyoo: byi ce" yhe: lo" da:. Houg: lho: Aseing gi ?Akhid" ngoo tid wa da" dang: ri tam" gyoo: ge'. Nanu" phung: gung moo lapi: yi nyid uri ngoo gi nyangnu" ri myo, myang myang jang" moo: ngoonya: gung ri ci: shug byid: wa zi nghoid. Yhoebmo, moo: nyangnu" ri dang: tid wa. Nga" dei zoo: Moshe yo' ngoo dang: tid zigi gootu: yo' adu goo". Ngoo gi nyang: ri nga" byumyu" Israela dangain" bang: ri vhu" shi: wa vhujhung: koid nhang: to" zi nghoid. Houg: yoomo ngoo gi nyang: yo' myonhoo: shu: go" to" lho: bang bang za: dang: tid. Qei" shoem' khyoo: aboo. Nyang: gi nga" gung yoeb rilang" myang bye: su: nghoid. Re" eig tang: gi nga" dei zoo: Moshe ri thougtheung dang: voem" tid go" rhe"? ga: tid da:.
Aseing gi nya: tang: ri nheig yo: da:. Houg: yoomo nyang: to' lo" wigi 10 Jhoemmoug" thei" Zoem" mo to' lo" uri Miriam da" shooyid moo: houg: jang: manggam dab re" wigi gyu: yhang: ti" phyu: lo" byug da:. Arun gi nyang: ri yu" wigi nyang: gi noo dab ziri myang lang" 11 Arun gi Moshe ri ?Nheigboo phoo we" jeju" khyo" nga" eig yug da" koo" moo" zei: yooboo yoomo he: yooboo dam ri nga" eig yug ri ajen" zang" nhang:. 12 Nya: gung shoo" ri agung dayi" zo: pyam wigi ashid: khu: re" da" yug yhang: ti" nyang: ri abui" nhang:? ga: tid.
13 Houg: yoomo Moshe gi Aseing ri ?O" Mangsoo we"- nyang: ri gi nhang: la o"? ga: mho' yoid bye:.
14 Aseing gi ?Nya: phoo gi nya: myonhoo: moo: shakain" byi" gyoin: nghoid rigi nyang: gi nya: da" sho' phu" khyoo: ri nyhed nyid" kham zoo: ca" da:. Houg: yoomo nyang: ri dab tunggung khyoo: nyhed nyid" yhe: to" too" wa nghoid lho: hau: thang: ri doem yhe: yo" shu" tau" loo wa nghoid? ga: tid. 15 Miriam gi dab tunggung khyoo: nyhed nyid" yhe: nyhid: to" zi shoug" bye:. Miriam ri ayhe: shu" vang yu yu gi byumyu" yi ato' yhe: lo" goo" nghoid da:. 16 Hau: thang: nyangnu" gi Hazerod mo to' yhe: lo" wigi Paran dain" pyoid yoo moo dab doem koid boem ago".