3
1 Hau: yo, hau: boin: moo Babtisma sara: Yohan nyid thu' lo wigi
2 ?Mougkhung: mungdain: ju" lo nyid bye: yoomo nheigloem: thid' loo: ge'? ga: Yuda dain" pyoid yoo moo tarha" kho" nyid.
3 Lapi: Esaia tid da" dang: gi
?Dain" pyoid yoo moo nyho: da" thui: gi
hau: Aseing da" khyoo: ri soin' too" ge'
goid" da" khyoo: ri soin' koid ge'?? ga: wigi tid to" yug nyang: nghoid bye:.
4 Hau: Yohan koem gi gola-ug moug" yo' yo, da" byimi void lho: shooyid bicu" cu" ci:- nya: da" zoo: noem gi siyoo mo jhen" khyeig nyoug yo' byooyhid: nghoid nyid.
5 Hau: uri Yerusalem mo mo, Yuda mung" mo mo, yo' Yodan gyidlang thei: tab' he: tab' mo mo, Yohan jhangmoo zheung: ju re.
6 Nyang: nya: yau: noo yooboo ri thoid shed boem wigi Yohan da" lo, moo Yodan gyid lang mo babtisma ri zheung: kham: yu boem.
7 Akhid" Pharishe" yo' Saduke myoo" sho' mo, babtisma kham: yu wa ga: ju" re" boem zi Yohan lhoem: myang lang" nya: bang: ri Yohan tid zigi ?Akhyeing" da" myuno, byumyu" yi we"- Mangso dang: kho' da" zi thung" shau" zoo: wa da" yooboo shid: gyoin noogyoin mo yo" phang: thu' loo" goo" baja" ga: nanu" ri hang" tid poin" go" lha".
8 Houg: yoomo nheigloem: thid da" ashi" zei: ge'
9 Abraham gi ngoonu" da" nya: phoo' nghoid ga: wigi ajho: nyid goo". Nanu" ri ngoo tid kyoo" ba:- Mangsoo gi he: da" lugloem: mo Abraham nya: zoo: yo" phain" thu' byid: wa.
10 Akhid" nyang: hau: da" voozung: gi agam poem: moo zhung: too" bye:. Ge da" ashi" azei: da" agam jo, moojo, ri thug lheung: pyam lho: myikhyoem moo du" zei pyam wa.
11 Ngoo gi nheigloem: thid' goo" baja" ein: nanu" ri gyid moo babtisma ri byid: bye:. Nghoid loug we' nga" thang: moo ju" ri" wa su: gi nga" tho' mo yoem: je boo su: nghoid wigi nya: da" khyidbaid voin byid: wa zilang" ngoo amoin: yi". Hau: yug gi gyeungshang: Venyi: moo we' myi: moo we' nanu" ri babtisma byid: wa su: nghoid.
12 Nya: da" lo, moo gug khyoo' lhang" khang" dakhyam" ci: wigi nya: gug boem ri geig khyo' kyeing yu" lho: mo da" gug shi" rigi nya: da" gug jhi: moo kaid too" wa. Amo da" gug shi" rigi ayo" said da" myi: moo nghe' pyam wa? ga: tid.
(Mar 1.9-11; Luk 3.21, 22)
13 Hau: da" ayo, moo Yesu gi Yohan da" lo, mo babtisma yu wa ga: Galile mung" mo wigi Yodan gyid lang yam moo nyid da" Yohan jhangmoo ju" ri" bye:.
14 Nyang: koem gi ?Ngoo loem: she' re" jhang mo babtisma yu wa ca" nyid da:. Nang loem: she' nga" jhangmoo dare" rhe"? ga: nyang: ri lhoem: tid da.
15 Houg: ri Yesu gi ?Akhid" nyang: houg: zei: byid: we' deingmain" da" khyoo: ja: khang" moo" ri zei: byeung" wa zigi ge nyid bye:? ga: nyang: ri tid. Houg: lang" hau: moo" nyang: ri zei: byid: bye:.
16 Akhid" Yesu babtisma bain kham: yu lang" gyid thoem" mo to' thu' lo" da" uri yu" ge' mougkhung: khoem" duang: bang" lo" lho: Mangso da" Venyi: gi pheing" kyoug" su" dang: gyoo" lo wigi nya: tho' moo zhoung: jo, zi nyang: myang.
17 Hau: tho' moo gootu: ?he: yug gi ngoo vho: ngei da" nga" jheddab zooshang: nyang: nghoid bye:? ga: mougkhung: mo thui: myeing thu' lo.