25
1 ?Hau: ayo, moo mougkhung: Mungdain: gi xu: myibung: ri ci: lho: phoo seig ri tau yu wa ga: thu' lo" da" zoomyi: daxi: yug yo" du nyid.
2 Nyangnu" mo wim: yug gi phajhi boo bang: nghoid. Wim: yug gi nheig agyeung: bang: nghoid.
3 Nheig agyeung: bang: gi myibung: ci: ri" loug we' myi: xu: ajain" ri abo ci: ri" nghoid ago".
4 Phajhi" boo bang: koem gi nyang: nya: myibung: shid re". Myi: xu: byeung" zi ci: re"
5 Phooseig gi myab aju" ri" myang" nyid yoomo nyangnu" dangain" mo, yhoeb' nghui" nghue" lho: yhoeb' myhid jo, boem bye:.
6 ?Gamgung myen: rigi ?phoo seig ju" ri" bye: yhe: tau yu loo: ge'? ga: yoid phau: da" thui: ri zheung: shau" gyo: boem bye:.
7 Houg: lang" gi zoomyi: yi dangain" dain' to' lo boem lho: nyang: nya: da" myibung: ri zheung: tab boem.
8 Nheig agyeung: da" myiyi: yi gi ?ngoonu" da" myibung: shid: lo" nyid bye:. Nanu" da" myi: xu: dajhi' jhi gam byid: ge'? ga: nheig boo mo, ri zheung: mho' boem.
9 Phajhi" bo nheig gyeing: bang: anghoid ?nanu" shid re" we' ngoonu" shid re" we' ein: rigi tham: zi anghoid. Nanu" shid re" ung" jang: moo yhe: qei yu ge? ga: phoug tid kaid ago".
10 Nheig aboo mo, nheig agyeung: da" zoomyi: yigi myixu: qei wa ga thu' yhe: lo" boem da" uri phoo seig gi kho ga: ju" ri" bye:. Jen" jen" soin' nyheung to" da" myiyi: wim: yug gi phoo seig yo" dage" myi: fang pui" khyoo vang lo" boem lho: khoem" ri we' myhid" khare" boem bye:.
11 ?Hau: thang: ri gootu: wim: yug doem ju" lo lho: ?Aseing we"- Aseing we" ngoonu" ri akhoug: khyoo: vang nhang: we' o"? ga: lo ngau ago".
12 Nghoid loug we phoo seig gi ?Ngoo nanu" ri asi? ga: phoug tid.
13 Houg: su" nghoid yoomo nanu" we' hau: bidnyid hau: ayo, ri asi yoomo zid" lhid lho: lang" nyid, ge.
(Luk 19:11-27)
14 ?Mougkhung: mungdain: ein: da" zigi gyung: so" loo" su: dayug yo" du nyid. Nya: deizoo: yi ri we khe: yu lho: ziyoo jonu" zheung: ab byid: too" khare".
15 Dayug ri sheing: kyab wim: khyeing"- gootu: dayug ri sheing: kyab eig khyeing"- dayug ri sheing: kyab dakhyeing" koid: wigi nyang: nya: da" yoem: ri yu" lho: zheung: ab byid: to". Hau: thang: ri nyang: gi gyung: so" loo" bye:.
16 Sheing: kyab wim: khyeing" yoo" su: we' dalheung: dam- phaga: yhe: cang koid: lho: amyaid sheing: kyab wim: khyeing" yo" yu too" bye:.
17 Houg: yo' dakhyoo" ti" sheing: kyab eig khyeing" yoo" su: we' amyaid sheing: kyab eig khyeing" shoug" sho: too" bye:.
18 Nghoid loug we' sheing: kyab dakhyeing" yoo" su: gi nya: yhoem: seing: da" sheing: ri myidjang moo duang: du: lho: yhe: myhoeb to".
19 ?Akhyeing: ayo, shang" yhen" zoo: myang" lo" thang: ri hau: deizoo: yi da" yhoem: seing: gi doem ju" lo wigi nyangnu" yo" zhayen" sho' go" boem.
20 Sheing: kyab wim: khyeing" yoo" su: gi amyaid wim: khyeing" kyab ci: ju" re" lho: ?Aseing we"- ngoo ri Aseing sheing: wim: khyeing" kyab byid:. Yu" we' hid: moo ngoo amyaid wim: khyeing" kyab yoo" bye:? ga: re" tid.
21 Nya: yhoem: seing: gi gi bye: loem: lug da" nga" deizoo: gi we"- nang gi nge da" moo" moo loem gi" su: nghoid yoomo gyi: da" moo" zeing moo we ngoo ab byid: wa ri" we' ngoo yo' dage" gau yi ngei pyo: nyid loo: shang? ga: tid.
22 Sheing: kyab eig khyeing" yoo" su: we ju" re" lho: ?Aseing we"- Aseing ngoo ri sheing: kyab eig khyeing" ab byid: to". Yu" we' ngoo sheing: kyab eig khyeing" amyaid yo" yu bye:? ga: re" tid.
23 Nya: yhoem: seing: gi ?gi bye:. Loem: loug da" nga" deizoo: gi we" nang gi nge da" moo" moo loem: lug su: nghoid yoomo gyi: da" moo" zeing ri ngoo ab byid: wa. ri" we' ngoo yo' dage" gau yi ngei pyo: nyid loo: shang? ga: tid.
24 Hau thang sheing: kyab da" khyeing" yoo" su: ju" re" lho: ?Aseing we"- ngoo gi Aseing da" khyoo: ri se'- Aseing gi cen" su: nghoid yoomo atei: asho" to" jangmo doem shab yu su: asain" akaid to" jangmo doem shoem" yu su: nang nghoid nhung: lha".
25 Ngoo gi gyoug wigi re" sheing: ri myidjang moo du: myhoeb to"- nyho- re" zi hid: nghoid? ga: re" tid.
26 Yhoem: seing: tid zigi ?Nang gi akhyeing" da" nei" da" deizoo: gang: nghoid da:- ngoo atei: asho" jangmo doem shab yu zi asain" akaid jangmo doem shoem" yu zi nang se' rigi
27 Nga" da" sheing: ri ngei jhi: moo ab too" eung:- houg: su" nghoid rigi ngoo doem lo ri amyaid yo" dage" yo" yu wa nghoid.
28 Houg: lang" hau: yug jhang mo ngei: ri doem yu lho: damoin yoo" su: ri byid: pyam.
29 Yoo" mo, jo, mo, rigi pug lung: byid: lho: nyang: gi athang agoin yo" loo jo, loo wa zi nghoid. Nghoid loug we' ci" ayoo" su: jhang mo gi nyang: yo" da" dajhi kyeing" ziri lang" lhoid pyam byid: wa zi nghoid.
30 Hau: thang: ri akyu" abo he: da" deizoo: ri nghe: shoid mo mougcoid khoug: khyoo du" pyam kaid ge' hau: da" joyoo moo nyang: gi ngougmyeing" ngoug thui: yo' zei yang: kyeig ga: ngaid nyid wa zi nghoid? ga: tid.
31 ?Byu nya: zoo: gi khokham khyo" moug: lagyoo: dangain" yo' dage" ju" gyoo" lo da" uri nya: da" khokham zhungtang tho' moo zhoung: jo, wa nghoid.
32 Houg: lang" mungdain: khang" moo" mo byumyu" bain sho mo gi- nya: shidkhoin" moo zheung too" wa. Yang phung: yo" coid phung: ri gootu: tu: kho' to" yhangti"- nyangnu" ri eig phung: kho' pyam wa zi nghoid.
33 Nyang: gi deingbyeing" da" byu yi rigi lo, yo shoid khyoo: gootu: byu yi rigi lo, koung" shoid khyoo kho' too" wa zi nghoid.
34 Hau: thang: ri khokham gi lo, yo shoid moo nyid mo, ri ri" ge' nga" phoo da" mainkaid Jeju" ri shau" kham: zo: mo we"- Moug: aphain" soo: myid aphain" soo: shi" re, nanu" da" shid re" nyheung to" da" Mungdain: ri re" seing: loo ge' ga: tid wa.
35 Khasu" wim gari Nanu" gi ngoo zooyoid da" uri zoo: noem byid: zho. Gyid shid da" uri shug gyid byid: jhoug ago". Ngoo being" voo bue" yen" uri nanu" yhoem: moo being" de" boem ago".
36 Ngoo gung cen: doem bue" nyid da" uri byimi gam foid. Ngoo no nyid da" uri yu" coung: ago". Ngoo thung: moo loung" jo, da" uri ngoo ri re" koem" yu" ago" ga: tid.
37 Houg: lang" deingbyeing" mo gi ?Aseing we" nang zooyoid yen" zi:- ngoonu" kha: nham' myang wigi nang ri voem: byid: zho" yu" lha". Gyid shid ziri khanham myang wigi gyid byid: jhoug yu" la".
38 Being" voo bue" yen" zi khanham myang wigi ngoonu" being" de" yu" la". Gung cen: nyid yen" yoo, khanham nyang wigi nang ri byimi foid yu boem la".
39 No nyid ziri we' thung: loung" nyid ziri we' ngoonu" khanham myang wigi re" koem" yu" lha"? ga: tid boem.
40 Khokham" gi nanu" ri ngoo deing" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoo ri yu coung: zi nghoid bye:? ga: tid.
41 ?Hau: da" thang: ri khokham gi lo, koung" shoid khyoo nyid mo, ri ?joem: so: zhung" da" byu yi we"- nga" jhang mo gang: loo" ge. Yu satan yo' nya: lagyoo: yi shid re" ein: soin' to" da" moomyi: apyaid atoo: thoem" khyoo vang loo" ge'? ga: tid.
42 ?Khasu" wim ga: ri ngoo zooyoid nyid uri nanu" ngoo ri voem: azhoo". Ngoo gyid shid uri gyid abyid: boem.
43 Ngoo being" voo bue" yen" uri nanu" ngoo ri being" adi" boem. Gung cen: nyid da" uri nanu" ngoo ri byimi afoid boem. Ngoo no, nyid ziyo' thung: loung" jo da" uri nanu" nga" jhang are" koem boem? ga: tid.
44 Houg: lang" houg: bang: gi ?Aseing we"- Aseing zooyoid nyid zi gyid shid yen" ziri being" voo bue" yen" ziyo' byimi avoid loo: nyid yen" ziri no nyid da" ziyo' thung: loung" nyid da" khyoo: ri ngoonu" khanham myang lho: Aseing ri acung: agoin loo: nyid boem lha"? ga: phougtu" boem.
45 Khokham" gi ngoo nanu" ri deing" deing tid ba. Nge thang da" hid bang: mo dayug yug ri ?nanu" agoin acung: da" zigi ngoo ri agoin acung: zi nghoid? ga: tid wa.
46 Houg: yoomo houg: bang: gi apyaid ato: da" yooboo dam shau" kham: zo: wa jang moo ju" lo" boem wa. Nghoid loug we deingbyeing" mo, koem gi apyaid ato: da" kangso khyoo shau" vang lo" boem wa".?