14
(Mar 6:14-29: Luk 9:7-9)
Hau: uri Galile mung" ri vhoeb ci: su: Herod khokham gi Aseing Yesu da" khyoo: ri shau" gyoo: lang" ?He: yug gi babtisma sara: Yohan danghoid. Gyeing" nyang: shid: da" jangmo doem dei to' loo eung: bye:. Houg: yoomo mau" pho" alhoo: again yo" toin" shid? ga: nya: vhoo: mo moo" voin mo ri tid kyo".
Ciwim gari he: shid mo Herod gi nya: nhung" Philib da" yhoem: seing: myhi' Herodi yoomo Yohan ri myheig lho: thung: tei" lhung nhang: too" bye:. Khasu" wim gari Yohan gi Herod khokham ri ?hau: myiyi: ri re" yhoem: seing: myhi' koid: wa zigi atarha"? ga: tid byid: nyid yoomo nghoid. Herod gi Yohan ri said pyam noug nghoid loug we' Yuda byumyu" yi ri gyug yoomo avoem" said, pyam. Khasu" wim gari houg: bang: gi Yohan ri Lapi: dayug ga: zheung: loem yoomo nghoid.
Hau: thang: ri Herod da" khu: lo pui" koid: da" bidnyid moo Herodi da" zoomyi: zoo: gi mungbyu yi da" shed moo go" shug lang" Herod gi soo" soo" nheigloem: pyo: wigi Hau: zoomyi: zoo: ri ?Ce: noem nghoid loug we' nang mho' zi byid: wa? ga: dang: byid: to".
Hau: da" myiyi: zoo: gi nya: myhi' joug jhoin" ziyo' dakhyoo" ti" babtisma sara: da" vhuloem ri he: da" bain moo akhid" kaid byid: we' ga: lo" mho'.
Khokham" gi myid apyoo: loo: nghoid loug we' being" voo yi da" shidkhoin" moo nheung" too" bye: yoomo hau: myiyi: zoo: mho' ziri byid: wa shid re" amyeung" khyo kaid bye:. 10 Houg: yoomo byu nhang: kaid lho: Yohan da" vhuloem ri thung: khoug: moo kho" pyam bye:. 11 vhuloem ri bain moo kaid ci: lho: myiyi: nu" ri byid: bye:. Nyang: we hau: vhuloem ri nya: myhi' jhang khyoo ci: lo. 12 Yohan da" cangzoo: yi gi Yohan da" mang ri re" yu myhoeb shoung: pyam boem. Hau: thang: ri Yesu jhang lo" tid kyo" ago".
(Mar 6:30-44: Luk 9:10-17: Yoh 6:1-14)
13 Yesu gi Yohan da" khyoo: shau" gyoo: lang" nyang: kyeing" lhid zhoung: lho: ci: sam: aso" da" joyoo khyoo thu' yhe: lo" da" khyoo: byu phung: yi shau" gyoo: lang" voo mo, thu' lho: tung khyoo khyo" nya: jhang moo cang yhe: lo" boem. 14 Yesu gi lhid mo tung gung khyoo lo" ri byu phung: moo" ri nyang: myang lang" nyangnu" ri nheig yu khyeig yoomo noo da" byu dangain" ri ge loo" nhang: bye:.
15 Myenthang: ju" loo lang" nya: cangzoo: yi zheung: lo boem wigi ?he: joyoo gi ci: we ajo, da" joyoo nghoid. Moug: we coid loo bye:. Byu phung: moo" yi ri voogung khyoo zoo: noem zheung: qei zoo: nhang: kaid we'? ga: re" tid boem.
16 Yesu gi ?hid: bang: voogung khyoo loo" aca"- nanu" nyang: nyangnu" ri zoo: noem byid: ge'? ga: tid.
17 Nya: cangzoo: yi we' ngoonu" zooyho' wim: loem: yo' wimdo, eig du: date: yo" the, ga: doem tid boem.
18 Houg: lang" Yesu gi ?Nga" jhang ci: loo ge'? ga: wigi doem tid. 19 Houg: lang" byu phung: moo" ri vufu" yoo moo zheung: zhoung: jo, nhang. Hau: thang: ri zooyho' wim: loem: yo' wimdo, eig du: ri yu lho: wigi Moug: khyoo yu" lho: Mangso jeju" ri coung" byid:. Hau: thang: ri zooyho' ri lang: phe' yu wigi nya: cangzoo: yi ri byid. Nya: cangzoo: yi gi byu phung: moo" yi ri gam, byid: ago". 20 Byu dangain" mo, gi gye" gyi: shau" zo: boem thang: ri zo: teing da" adu atoem- doem koid: zheung" boem ri daxe: eig kyang daceung byeung" shi". 21 Zo: da" byu- myiyi: yi yo" zooshang: bang: ri abo soin: ri zooyho' zo: da" byu yuggi za: wim: khyeing" koo: su" bo.
(Mar 6:45-52: Yoh 6:15-21)
22 Yesu gi byu phung: moo" ri nhang: kaid da" uri nya: cangzoo: yi rigi lhid zhung: nhang: lho: gyid nung" goo" tab nya: shid khyoo: gu: loo" lang" nhang. 23 Byu phung: moo" yi ri nhang: kaid thang: ri Akyu" mho' wa shid re" boug tho' khyoo do, lo. Myenthang: coid shoem zoo" ri houg: moo Aseing nyang: kyeing" nyid nyid. 24 Hau: uri lhid gi gyid yam: yo' gye" ve: da" thoem" gung moo ju" lo" nyid uri lid hau lo wigi being: moid gi hau: lhid moo lo baid nyid yoomo lhid gi moug lo" nyid.
25 Nabsoin: myo, myang yid ri Aseing Yesu gi gyid thoem" tho' khyo" cangzoo: yi jhang khyoo so" lo. 26 Gyid dang moo so" lo zi nya: cangzoo: yi lhoem: myang lang" dain ziyo' ?thei: zigi soobyoo danghoid? ga: gyug ziyo' lhoem: nyho: boem.
27 Yesu dalheung: dam tid zigi ?Seing" yang" ge'- agyug goo" ngoo danghoid? ga: tid.
28 Houg: lang" Petru gi ?Aseing nang nghoid deing rigi ngoo ri gyid dang khyo" re" jhang khyoo so" ri" wa amyeung" byid: we'? ga: tid.
29 ?ri" we'? ga: Yesu tid. Houg: lang" Petru gi lhid tho' mo gyo" lho: Yesu jhang khyoo gyid tho' khyo" so" yhe: lo". 30 Nghoid loug we' uglid ri myang lang" gi nyang: gyug lo wigi gyid khoug: moo noeb vang lo" nyid da" uri ?Aseing we"- khyoid yu shi" we' o"? ga: yoid nyho.
31 Houg: lang" Yesu gi nya: lo, ri Petru jhang myab myab yhoin" kaid lho: zei: wigi tid zigi ?loem" jeing" da" yoem: neing: su: we" ciwim wigi loem shoid nyid lha"? ga: tid.
32 Nya: eig yug gi lhid khoug: moo ju" vang loo" lang" uglid we' noem: lo" byug bye:. 33 Houg: lang" lhid khoug: moo nyid da" cangzoo: yigi ?Nang gi Mangso da" nya: zoo: gyeing" nyang: nghoid bye:? ga: Nyang: ri noku boem ago".
(Mar 6:53-55)
34 Nyangnu" gyid thei: tab' gu: dab lo" boem lho: Genesared moug: moo ju" vang lo" boem. 35 Houg: mo da" byu yi gi Yesu ri se' yu" boem yoomo:- noo mo, ri zheung: shu" nhang: kaid lho: noo phyoo" shau" mo, dangain" ri zheung: khe: shu" re" boem ago". 36 Nya: da" byi: thang: mo da" bain: byug moo khyalhang"- shau" tain" sho' ga: re" mho' boem. Shau" tain" mo, dangain" we' noo phyoo" mo ge lo" boem.