7
(Mat.15:1-9)
1 Houg: lang" Pharishe" yo' Yerusalem mo re" lo da" tarha" sara yi dayham" gi Yesu jhang lheungkhoem: zeung: foem: lo boem.
2 Nyangnu" gi nya: da" cangzoo: yi dayham" lo, acid" pyam loo: alho' da" lo, wigi vhoem: zo: nyid ziri zang" myang ago". Houg: yoo mo Pharishe"" gi hau: khyoo: byu mungbyu yi ri tid kyo".
3 Khasu" wim ga: ri Pharishe" yo' Yuda byumyu" dangain" mo, gi goolheung: mo da" phoug" phyid" thug" ri: ri cang lho: lo, shi" acid" sain pyam lhoo: zoo: noem azo: yu" boem nghoid da.
4 Hau: lho: kid" mo qei ci: lo da" zi dangain" ri we' cid" shi" acid" lho' pyam zi nyangnu" azo: yu" boem nghoid da. Hau: tho' moo gootu: goem- oug" yo' gyid goem- yhoeb' joyoo: ri cid" sain da" thung" ri myoo" sho' ja: ri we' nyang nung yo" yu ziyo' dakhyo" lhoung, cang nyid boem zi nghoid.
5 Pharishe" yo' tarha" sara yigi Yesu ri myid: zigi ?Re" cangzoo: yigi ciwim ngoonu" phoug" phyed" thung" ri acang loo: ayung" alho' da" lo, wigi lab, zo: nyid goo" lha"?.
6 Yesu nyangnu" ri ?Nanu" da" khyoo: ri Lapi: Esaia tid to" zi gi khayhi' deung nyid lha". Nanu" gi akug void mo, nghoid boem da:. Esaia gi nya: Lapi: dang: moo
?He: byumyu" gi nyangnu" da" nhoid yid mo za: ngoo ri phau" myang: ago".
Nyangnu" nheigloem: gi gyeing" nyang ngoo yo' ve: gang: nyid.
7 Nyangnu" gi byu yi da" jhoug" dang: gi
nga" tarha" nghoid khyo" jhau" byid: nyid boem wigi
Nyangnu" gi akoem: moo za: goeb pid nyid boem" ga:
lhid to" ziyo' dakhyoo" ti" nghoid nyid.
8 ?Nanu" gi Mangso da" amyeung" dang: ri to" pyam kho' lho: byu yi jhau" byid: thung" ri joem ri phau" cang nyid ago"? ga: tid.
9 Xo' lho: Yesu gi ?Nanu" gi nanu" nya: da" thung" ri: ri yo" phau" cang wa shid re" Mangso da" amyeung" joem rigi gye" ngeug she: pyam boem abye:.
10 Moshe gi re" myhi' re" phoo ri phau" myang: we'? ga: tid to". nya: myhi' nya: phoo ri nheing" dang: tid mo, hang" we' deing" deing nyang: shid: ca" ga: amyeung" byid: to".
11 Nghoid loug we nanu" gi byu dayug yug da" nya: myhi' anghoid lang" nya: phoo' ri pang" thoug wa daja: ja: yoo" nghoid loug we' hau: zigi Koban nghoid (Mangsoo ri byid: too" bye: da" jhungshug nghoid ga: tid wigi)
12 Nyang: gi nya: phoo- anghoid lang" nya: myhi' ri apang" ca" loo: ga: nanu" jhau" byid: ago".
13 Hidsu" nanu" da" phoug" phyid" thung" ri nanu" lo, lid" jhau" byid: ziyo' Mangso mungdang: ri gi jang" pyam boem bye:- hid: yhang: te" zi gootu: myoo" sho' ja: we' nanu" koid shi" ago".
(Mat.15:10-20)
14 Houg: lang" Yesu gi mungbyu yiri nya: jhang khyoo: doem khe: yu lho: nyangnu" ri ?Nanu" dangain" mo, nga" dang: ri tam" gyo: yu" lho: se' gyo: yu ge'.
15 Tunggung khyo" byu dayug gung khoug: khyoo: vang lo ja: ce" noem nghoid loug we' nyang: ri aco' ajhoid ayo" bui" nhang: byu dayug dagung mo thu' lo zigi nyang: ri aco' ajhoid' yo" bui" nhang..
16 Shoug" gyo: ja: nakhyab dab mo, gi tam" gyoo: ge.?
17 Yesu gi mungbyu yiri nyhid: too" khare" lho: yhoem: khoug: khyoo: ju" vang loo" lang" nya: cangzoo: yi gi houg su" tid nyid zi ri phoid: kyoo" wa shid re" mho' ago".
18 Yesu nyangnu" ri ?Nanu" we' gootu: byu joem ti" ase' gyoo: shi" goo" nhung: lha". Tunggung khyo" nanu" voemdoug: khyoo: vang lo ja: ce" noem nghoid loug we' nanu" ri aco' ajhoid ayo" koid ziri nanu" ase gyoo: goo" la".
19 Khasu" wim ga: ri hau zigi nanu" nheigloem: khoug: khyoo: vang lo" zi anghoid. Nghoid loug we' voemdoug: khoug: khyoo: vang lo" wigi gung mo doem thu' lo"? (hid: su: tid nyid zigi zoo: shug dangain" zoo: wa ge nyid ga: Yesu tid fu".)
20 Nyang: xo' lho: ?Byu dayug da" ung: khoug: mo thu' re" ja: gi byu ri aco' ajhoid yo" bui" nhang:? ga: tid.
21 ?Khasu" wim ga: ri byu dayug da" ung: khoug: nheigloem: mo akhyeung" ashoeb da" moo" zei: wa zi myid thu' lo da:- soem" lid sho: zi lhoid zi byu said zi
22 Myi: lhoid lang lhoid go" zi myono, khyoo: akhyeing" ashoeb khyoo: aja: ja: jhuphyo' khyoo: mhau' pyam: khyoo: athau" akhyau: khyoo: gei sang: khyoo: nghoidboin: khyoo: nheigloem: age khyoo: myoo" sho' thu' lo.
23 Hid: te" akhyeung" ashoeb ja: dangain" gi byu dayug da" ung: khoug: moo thu' re" lho: nyang ri aco' ajhoid yo" bui" nhang:? ga: tid.
(Mat.15:21-28)
24 Houg lang" Yesu gi hau: joyoo mo to' lo" lho: Turu moug: ayam, khyoo: yhe: lo". Nyang: gi yhoem: daloem: moo yhe: theung: nyid. Hau: zi hang" ri we' asi nhang: noug nghoid da:- nghoid loug we' nyang: ayo" gau" jo, nghoid da:.
25 Nya: myiyi: nu" ri yu vang jung" ci: da" myiyi: myhi' dayug gi Yesu re" ju" nyid ziri shoug" gyoo: yo' Yesu khyid: yang: moo re" goeb pid.
26 Hau: myiyi: myhi' gi tungbau byumyu" nghoid wigi Suri Phiniki mungbyu nghoid da:. Nyang: gi Yesu ri nya: myiyi: zo: da" khoug: mo hau: yu ri khaid thu' pyam byid: wa shid re" mho'.
27 Yesu gi ?Zooshang: yiri xangshid" byid: zhoo" ca:? ga: phoug tid. ?Zooshang: yi da" voem: ri yu lho: lakhuid" joem ri pyam byid: wa zigi agi nghoid da:? ga: tid.
28 Myiyi: myhi' gi ?Nghoid bye: sara we"- nghoid loug we' lakhuid" joem lang" zooshang: yi zo: khyo to" da" zoobui" gyid" mo voem cab, joem ri shau" zo: ago"? ga: nyang: ri phoug tid.
29 Yesu gi myiyi: myhi' ri ?Nang hougsu" tid yoomo yhoem: khyoo: tau" loo" re- hau: yu gi re" zoo: mo phang: thu' lo" ziri nang myang wa? ga: tid.
30 Nyang: yhoem: moo ju" lo" uri yu gi nya: zoo: mo phang: thu' lo" byug wigi nya: zoo: gi yhoeb cuang tho' moo yhoeb jo, lang" ziri lo" myang.
31 Houg: lang" Yesu gi Turu moug: mo doem tau" phang: lo uri Sidon moug: ri lid too kho' lho: Dekapoli moug: mo daxi: voo ri lid' kho' wigi Galile thoem" khyoo: ju" yhe: lo".
32 Byu dayham" gi noo phyoo" shau" ziyo' myeung" abue" da" nu" jed dayug we' Yesu jhang shu" re" wigi nya: tho' moo lo, ki" byid: wa shid re" Yesu ri mho' ago".
33 Houg: lang" Yesu gi mo, phung: mo nyang: ri za: gootu: dajhoin: khyoo: shu" thu lo" wigi hau: yug nookhyung: khoug: moo nya: lo, nyhoug: thau" kaid byid: lho: nya: yhoo: moo lo, nyhoug" moo shikain" teug wigi thoug" byid:.
34 Hau thang: ri Yesu gi Mougkhung: khyoo: nghang yu" lho: so' moo" she: wigi hau: yug ri ?Ephata? ga: tid da:. Hau dang: kang: gi hau: zigi ?Phang loo we'? ga: zi nghoid.
35 Houg: lang" nya: nookhyab bang" lo" ziyo' vhoo: tei" zi ge lo" byug wigi yau: khe" khyoo: aboo loo za: nyang: gi dang: bui" bui" za: tid lo shid" lo. .
36 Yesu gi hau: khyoo: hang" ri we' atid kyoo" wa shid re" mungbyu yi ri amyeung" byid: nghoid loug we' nyangnu" gi hau: khyoo: je tid lo" ago".
37 Hau: ludang: ri shau" gyo: mo, dangain" atho' tid loo sho' gyo: mau" pyam boem ?Nyang: gi ja: khang" moo" ri ge khyo" za: koid da:. Noojed mo, ri we' nu: gyoo: nhang: lho: nhoid jed mo, ri we' dang: tid nhang:? ga: tid ago".