5
(Mat.8:28-34,Luk.8:26-39)
1 Yesu yo' nya: cangzoo: gi Galile thoem" thei tab mo Gerase moug: moo ju" nyid boem ago".
2 Yesu lhid khoug: mo thu' loo lang" yu vang ci: da" byu dayug loeb boug mo thu' lo wigi nyang: ri re" shau.
3 Hau: yug gi loeb joem agyoo: moo nyid da:- nyang: ri gi hang" we' ayo" tei" too" nghoid ago". Jangcoo" tei: yo' lang" ri ayo" tei" too" nghoid ago".
4 Nyang ri myoo" sho' lheung: khyid: yo' lo, moo jang coo" yo' tei" to" yu" bye:- nghoid loug we' lheung: khang" moo" jang coo" tei" ri we' lang: phyed pyam wigi kyoem" thung" riwe, lang: kho' sain" pyam nyid. Nyang: yoem: sung boo yoomo nyang: ri gi hang" we' ayo" zei: ci: nghoid ago".
5 Nyang: gi nyid" ri myen" ri loeb joem da" agyoo: moo yo' boug cang moo: nyo: yoid so" yen" lho: lugboem wigi nya: gung ri thoung" coid ci: lho: nyid yen".
6 Nyang gi Yesu ri vi: mo, lhoem: myang lang" tang" yhe: lho:- nya shidkhoin" moo goeb pid da.
7 Houg: su" wigi nyang: thui: zeing yo' nyho: tid zigi ?myhang: thang da" Mangso nya: zoo: Yesu we"- nang yo" ngoo cisen: go" lha". Ngoo ri ashen" baja"- Mangsoo myeung lang: lho: ngoo mho' da:? ga: tid.
8 Nyang: houg: su" yoid tid zigi ?Akhyeung" da" yu we"- byu he: yug jhang mo thu' loo" we'? ga: Yesu tid kaid yoomo nghoid.
9 Yesu gi nyang ri ?Re" myeung ce: noem nghoid? ga: myid:. Houg: lang" nyang gi ?Ngoonu" phung: moo" zeing nghoid yoomo nga" myeung gi phung myoo" sho bang:? ga: zi nghoid? ga: tid.
10 Nyang: gi Yesu ri hau: moug: mo yu joem ri akhaid thu' pyam wa shid re" gye" nyang: mho' nyid.
11 Akhid" hau: boug gung khyid: cang vu, joem moo" dajoem boid zo: nyid ago".
12 Yu joem gi Yesu ri ?Ngoonu" vu, joem moo yhe: vang wa akhang" byid: kaid we'? ga: mho' ago". Yu joem gi nyhang" vu, joem jhang yhe lo" boem shang ga: sham go" nyid
13 Yesu gi nyangnu" ri loo" wa akhang" byid: kaid da:- akhyeung" da" yu joem gi hau: yug khau: mo thu' lo" wigi vu, joem moo vang da:. Houg: lang" eig khyeung" koo: bo da" vu, joem dangain" gi- dung" bung nhoid mo gyid thoem" khyoo: gei vang lo" boem wigi noeb se" shid: pyam.
14 Vu, zung" mo, gi tang" phang: lo" lho: hau: khyoo: ri voomoo" khoug: moo" we' khyam: yoo joem khyoo we lo" tid fu" kaid ago". Houg: lang" mungbyu yi gi bue" lid loo bye: da" khyoo: ri yu" wa shid mo hau: joyoo kyoo: thu' yhe: lo" boem ago".
15 Nyangnu" gi Yesu jhang moo ju" lang" yu phung myoo" sho' zhung: da" byu gi byimi goolhoo' za: void ci: lho: wigi nheug gyeing" gyeing: za: zhoung: jo, ziri yhe: myang boem yoomo nyangnu" gyoug nyid ago".
16 Hau: khyo: ri shau" myang mo, gi zhoung su: yo' vu, joem moo khasu" bue" lid lo da" khyoo: ri mung" byu yi ri tid kyo" ago".
17 Houg: lang" nyangnu" gi Yesu nyangnu" da" moug: mo thu' loo" wa shid re" mho' ago".
18 Yesu gi lhid khoug: khyo: vang lo" nyid uri shid phyang" yu joem zhung: su: gi ?Ngoo re" jhang moo cang wa? ga: mho' yoid nyid.
19 Nghoid loug we' Yesu nyang ri akhang" abyid: loo: ?re" yhoem: khyoo: doem lo" lho: yhoem: byu yi yo' bidnoem yi ri Aseing gi nang ri khayhi' nheug khyeug wigi pang" thoug bye: khyoo: ri lo" tid kyoo we'? ga: tid.
20 Houg: lang" nyang gi thu' lo" wigi Yesu nyang: ri khayhi' pang" thoug bye: da" khyoo: ri voo gung daxi: voo jang: sho' tid lo". Hau: dang: ri shau" gyoo: mo, dangain we' gyo: mau" ago".
(Mat, 9:18-26, Luk 8:40-56)
21 Thang: ri Yesu gi lhid mo wigi thoem" thei: tab khyoo: doem gu: dab lo". Houg: lang" byu phung: moo" zeing nya: jhang moo re" zeung: phoung nyid ago". Yesu gi thoem" yam moo nyid nyid.
22 Ya-iru ga: su: tarha" jung mo agyi phoo ju" re" lho: Yesu ri myang lang" nya: khyid: yang: moo goeb pid wigi
23 ?Nga" myiyi: nu" no shid: lo" nyid. Nya: noo ge lo lho: dei nyid wa shid re" nya: tho' moo re" lo, re" ki" byid: we'? ga: yoem: kaid re" mho' da.
24 Yesu gi Ya-iru yo' dage" cang yhe: lo" da" mung" byu myoo: sho' nya: thang: moo cang: yhe: boem yoomo Yesu ri nyangnu" lheungkhoem to".
25 Houg: moo daxe: eig zain suid" shoin: no da" myiyi: dayug we' bo da:
26 Moocid" sara: myoo" sho' wigi byang" yu" bye:. Nyang: yo" gu: bain sho' cid" phoug" byid pyam nghoid loug we' noo gi ge lo lid ajo,- daje no lo nyid.
27 Nyang gi Yesu da khyoo: ri shau" gyo: yu" bye: yoomo nya: nung thang byuphung: khyoo: re" lho:
28 ?Nya: byimi moo khyalhang"- nga" lo, wigi yo" shau" tain" kaid nghoid rigi nga" noo gi wa? ga: nyang: tid nyid.
29 Yesu da" byisheung: moo nya: lo, wigi yhe: tain" kaid- houg: lang" nyang: suid" shoin: nyid zi doem byug ziyo' nya: kham zo: nyid noo ge lo" byug bye:.
30 Houg lang: Yesu gi nya: khoug: mo yoemso thu' loo" bye: ziri se' yoomo mungbyu yi shoid khyoo: leung: yu" lho: ?nga" byimi moo hang" re" tain" go" la"? ga: myid.
31 Nya: cangzoo: yigi ?Mungbyu yi myoo" sho nang ri zang" jhen" tain" nyid ziri nang myang nyid gu- ngoo ri hang" re" tain: go" ein: cikoid myid:? ga: nyang: ri phoug tid ago".
32 Nghoid loug we Yesu gi nyang ri zang" tain" su: hang" nghoid ziri myang wa shid re" goem: sho' lheung: yu" nyid da:.
33 Hau: myiyi: koem gi nyang moo bue" lo khyoo: ri se' boin; yoomo gyoug nain" ziyo' Yesu shidkhoin" moo goeb lho" wigi nghoid deing da" khyoo: dangain: nyang ri tid kyo".
34 Yesu gi nyang: ri ?Nga" zoo: we" re" loem" jeing" zigi nang ri gi byid: bye:- yug yoo tung" loo" re- nang kham zo: nyid noo ge shang loo" baja"? ga: tid kaid.
35 Yesu hougsu" da tid nyid shi uri Ya-iru yhoem: mo lagyoo: yi ju" re" wigi ?Re" myiyi: zoo: shid: abye:- sara ri ce: ayoug akhi: koid nyid shi" lha"? ga: tid boem.
36 Nghoid loug we' nyangnu" tid ziri Yesu atam" gyoo: looza: Ya-iru ri ?Agung yau- loem" za: loem" jeing" we'? ga: tid.
37 Houg: lang" Petru Yaku yo' Yaku nya: no, Yohan mo jain" lho: gootu: hang" ri we' nyang yo' dage" acang nhang: nghoid da.
38 Nyangnu" Ya-iru da: yhoem: moo ju" lang" byu myo" sho' zeung: lho: koug ngoug lu: fu: go' nyid lang" ziri Yesu myang.
39 Houg: lang: nyang gi yhoem: khoug: khyoo: vang yhe: wigi ?Nanu" ciwim wigi mo, thei" mo, yug kyi: ngoug nyid go" lha". Zooshang gi shid: zi anghoid- yhoeb myhed jo, zi za: danghoid da:? ga: tid.
40 Nyangnu" gi nyang ri juang" yi pyam byid: boem. Houg: lang" Yesu gi nyangnu" ri tung: gung khyoo: nhang: thu' pyam lho: wigi zoo: myi zo: nya: myhi' yo' nya: phoo- nya: cangzoo: soem" yug ri shu" lho: hau: zoo: shang jhang" jo, da" yab khyoo: vang lo" ago".
41 Nyang: gi hau: zooshang: lo, moo zei: lho: ?Talithakumi? ga: tid. Hau: zigi ?Zoomyi: zoo: we" ngoo nang ri tid ba- too' we'? ga: tid da" dang: kang: nghoid.
42 Houg: lang" zoomyi: zoo: gi to' re: lho: so" loo"-( nya: apyaid gi daxe: eig zain nghoid da:) Hid su" bue" ziri nyangnu" koem gi gye" mau" byug boem abye:-
43 Nghoid loug we' Yesu gi ?He: khyoo: yo' sen: lho: nanu" hang" ri we' atid' kyoo" goo"? ga: nyangnu" ri zoug" nhang: lho: ?Zoomyi: zoo: ri zoo: noem daja: ja: byid: zhoo" goo" ge'? ga: tid.