2
(Mat 9:1-8, Luk, 5:17-26)
Dayo, zoo: kyo: lo" thang: ri Yesu gi Kapernaum voo moo doem tau: ju" lo wigi Yesu yhoem: khoug: moo nyid nyid ziri fu" loo" bye:. Houg yoomo Yab khoug: mo khoem duang: ayi" loo: sho' mungbyu yi zeung: re" boem ago". Houg: lang: Yesu gi nyangnu" ri mungdang: kho" kyo" nyid. Gung joem: shid: da byu dayug ri we' byu myid: yug wigi Yesu jhang moo dang ju" re" ago". Nghoid loug we' nyangnu" gi mo, phung: sung thu: yoomo Yesu jhang ayo" tain" yhi: lang" gi nya: vhuloem tho' mo da" mhang" moug: ri tu: shed' pyam lho: gung joem: shid: su: ri yhoeb joyoo yo' dage" yhoin" khyo' kaid ago". Nyangnu" da" loem" jeing" emyed ri Yesu shau" myang lang" nyang: gi gung joem: shid: su: ri ?nga" zoo: we"- re" yooboo ri khyoid pyam byid bye:? ga: tid da. Houg: moo zhoung: jo, da" tarha" sara yi dayham" da" nheigloem: khoug: moo soin: nyid. He: yug gi ?khasuwim he: dang: ri voem" tid lha". He: zigi Mangsoo ri juang" zi danghoid. Mangsoo dayug kyeing" yooboo dayo" khyoid byid: ga: myid: sho: nyid ago". Nyang nu" da" nheigloem: khoug: moo hidsu" myid: sho: nyid boem ziri Yesu si lang" ciwim hid su" myid soin: nyid go" la"? ga nyangnu" ri tid. Gung joem: shid: su: ri re" yooboo khyoid pyam byid: bye: ein: ziyo' too' we' re" da" thain: yoeb ci: wigi loo" we' ga tid. 10 Nghoid loug we' byu nya: zoo: gi mougmyid tho' mo yooboo yo" khyoid byid: da" a myeing akhang" bo ziri ngoo nanu" ri toin" shid wa"- ga: tid wigi gung joem: shid: su: ri 11 ?Nang ri ngoo tid ba- too' we' re" yhoeb yoo koid: vu, lho: yhoem: khyoo: loo" re,? ga: tid. 12 Houg: lang" jang: to' lho: wigi nya: yhoeb yoo koid: vu, lho: nyangnu" da" shidkhoin" mo myab phang: thu' loo" khare". Houg: lang" nyangnu" dangain" mo, mau" hang" to" boem wigi Mangsoo ri coung" nghei zoore ?ngoonu" gi hid: te" gyeing" moug" phau" khyoo: kha" nham we' amyang yu" shi"? ga: tid boem.
( Mat. 9:9-13, Luk.5:27-32)
13 Yesu gi Galile thoem" yam khyo" doem tau" yhe: lo". Byu phung: moo" yi dangain" nya: jhang zeung foem lang" gi nyang: gi nyangnu" ri jhau" byid: nyid. 14 Houg: mo nyang doem so" yhe: lo" ri Alphe nya: zoo: Levi gi nya: yung" moo kheing" khyu zung: jo, ziri myang lang" Yesu gi nyang: ri ?nga" thang: cang wa? ga: tid, Houg: lang" jang Levi gi to' lho: nya: thang: cang yhe: lo". 15 Hou: thang: ri Yesu gi Levi yhoem: moo voem: zo: nyid. Nya thang: cang da" kheing" khyu: zoo: mo, myoo" sho' we' yooboo yoo" mo, myoo: sho' mo dayham" gi Yesu yo' nya: cangzoo: yi yo" dage" voem: zoo: jang: moo bo zhoung: jo, ago". 16 Houg: lang: kheing" khyu: zoo: mo, yooboo yoo" mo, yo' dage" Yesu zo: shug nyid ziri Pharishe" yi mo tarha" sara yi dayham" myang lang" nyangnu" gi ?Ciwim wigi yooboo yoo" mo, kheing" khyu: zoo: mo, yo' dage" zo: shug nyid lha"? ga: nya: cangzoo: yi ri myid: nyid boem ago". 17 Hau: ziri Yesu shoug" gyoo: lang" nyang: gi nyangnu" ri ?yang" zain mo, gi macid" sara aca". Nghoid loug we' noo mo, gi ca" ago". Deingmain" mo, ri khi" wa shid re" ngoo re" zi anghoid. Yooboo yo" mo, ri khi: wa shid re" koem gi ngoo re" zi nghoid? ga: nyangnu" ri phoug tid..
18 ?babtisma byid: su: Yohan da" thang: cang mo, yo' Pharishe" gi joyoo daloem: moo zoo: noem zeing: akyu" mho' boem. Hougsu" byu yi dayham" gi Yesu jhang re" lho: nyang: ri babtisma byid: da" Yohan cangzoo: yi yo' Pharishe" yi da" cangzoo: yigi zoo: noem zeung: pyam ri re" cangzoo: yigi ciwim wigi zoo: noem ajang" pyam lha"? ga: nyang: ri myid:.
19 Yesu gi nyangnu" ri phoug tu" wigi ?myi: pheung" fang pui" loem mo, gi Phoo seig yo' nyid shi" uri zoo: noem ge jang" pyam wa la". Nyangnu" gi phoo' seig yo" dage" danyid nyid gi zoo: noem age jang" pyam. 20 Nghoid loug we phoo seig ri nyangnu" mo kang" shu" lo" da" bidnyid ju" loo wa- houg: lang" gi nyangnu" zoo: noem jang" boem wa zi nghoid. 21 Byixoug" moo pain" cu' aseig wigi hang" alhoung phoo- hougsu" pho nghoid rigi pain seigcu' wigi byixoug" ri lang: ceug wigi byi: je jeug loo" wa. 22 Hau: lho: zabyid yhid: aseig ri we' shooyid thung: axoug" moo hang" alhoung kaid. Hougsu" kaid rigi shooyid thung: bug, gyam: lo" wigi zabyid yhid: yau shoin: lo" ziyo' shooyid thung: we' byo, jeug lo" byug wa nghoid. Houg: yoomo zabyid yhid: aseig rigi shooyid thung: aseig moo kaid too" ca"? ga: tid.
23 Houg: thang: ri Yesu gi Dougno: Bidnyid moo sungsoo: gug, yoo khyo" so" lid loo" eung: nyid. Nya: cangzoo: yi gi nyang: yo' dage" nghoid uri nyangnu" gi sungsoo: gug, shi" ri shab yu ago". 24 Houg: lang" Pharishe" gi nyang: ri ?Yu" we' Dougno: Bidnyid ri re" cangzoo: yi gi ngoonu" tarha" ri thoug theung ago"? ga: tid. 25-26 Yesu phoug tu" wigi ?Khainjung moo" Abiatha pyaid moo David gi nya: thang: cang mo, zooyoid ca" nyid uri Khasu" Noku yhoem khoug: moo vang yhe: lho: Khainjung moo" yi mo lid lho"- hang" we' age zoo:- Mangso shidkhoin" moo shoug byid: to" da" zooyho' ri zo: wigi nya: byu yiri we' gam zho" da:- khyoo: ri nanu" khanham we anghab yu" goo" la"? ga: nyangnu" ri tid. 27 Houg: lang" Yesu gi nyangnu" ri ?Byu gi Labain nyid shid mo anghoid- Labain nyid" gi byu shid re" to" zi nghoid. 28 Hougsu" yoomo byu da" nya: zoo: gi labain nyid" da" Aseing we' nghoid.?