11
(Mat.21:1-11,Luk, 19:28-48, Yoh.12:12-19)
1 Yesu yo' nya: cangzoo: yi gi Yerusalem yo" zhainloin: boem khyid: mo Bedphagi yo' Bethani voo moo jhang loo lang". Yesu gi cangzoo: eig yug ri shid khyoo: nhang: kaid lho:
2 ?Re" eig yug shidvhu" mo voogung khyoo: yhe: loo" ge. Voogung khoug: moo ju" yhe: yo" ri hang" azhoung: yu" shi" da" loozei: nu" dadu: tei" to" ziri re eig yug yhe: myang goo" wa. Hau: ziri tei" phoid yu wigi she: loo ge.
3 Byu dayug yug ?Ciwim houg: su" koid go" la"? ga: re" myid: lang" re" eig yug gi Aseing he: ziri ci: ca" ga: akhid" nyang: hid: khyoo: doem tau" nhang: kaid wa ga: nyang: ri tid we'?.
4 Nya: eig yug gi yhe: lo" wigi yhoem: daloem: mo khoem" zeung khyo: shoid moo loozei: nu" dadu: tei" to" ziri yhe: myang lang" hau: ziri yhe: phoid: nyid ago".
5 Hau: khyi moo yab jo, mo, gi ?loozei: nu" ri cenoem koid phoid: la"? ga: myid: boem ago".
6 Nya: eig yug gi Yesu tid kaid ziyo' dakhyoo"- nyangnu" ri tid kyo" ago"- Houg: lang" nyangnu" gi nya: eig yug ri loozei: nu" ri phoid: she: loo" nhang: ago".
7 Nya: eig yug gi loozei: nu" ri Yesu jhang khyoo: she: lo wigi loozei: nu" da" tho' moo nyangnu" da" byimi nhi" byid: ago". Yesu we' loozei: nu" tho' moo do, zhoung,
8 Byu myoo" sho' we' nyangnu" byi sheing: ri khyoo gung moo myhu" byid boem ago". Gootu: dayham" gi pa: dam mo ci: lo da" seig deing" joem ri khyoo: gung moo myhu" byid: ago".
9 Yesu da" shidvhu" mo mungbyu yi yo' thang: moo cang lo da" mungbyu yi gi nyho: yoid boem wigi Hosana myeing yo' ju" ri" su: ri Mangso nyang: ri mainkaid byid: baja" o" Mangsoo: ri coung" boem.
10 Ju" loo wa ngoonu" nya: phoo David da" Mungdain: gi Mangso main kaid byid: ga: Mangsoo ri coung' boem.
11 Yerusalem moo ju" lang" Mangso da" yhoem: khoug: khyoo: vang lo" wigi ja: khang" moo" ri lheung: yu" lo nghoid loug we' bidvang, lo" nyid yoomo cangzoo: daxe: eig yug yo' dage" nyang gi Bethani voogung khyoo: thu' yhe: lo".
( Mat.21:18-19)
12 Hau: thang: nyid" ri Yesu yo' nya: cangzoo: yi gi Bethani mo doem tau" lo uri Yesu gi zooyoid nyid.
13 Houg: lang" Yesu gi afu' mung" jo, da" lafoem dagam ri vi" mo myang kaid. Nyang: gi ashi" zei: la' ga" lafoem zeing yang: khyoo: yhe: lo". Nghoid loug we' lafoem shi" zei: yo, anghoid yoomo afu' za: te: mung" jo, ziri yhe: myang.
14 Houg: lang" Yesu gi Lafoem gam ri thang: phyang" apyaid atoo: moo khanham we' re" da" ashi" ri hang" we' adoem shau" zoo: loo: goo" baja"- ga" tid. Nya: cangzoo: yi we' hau: dang: ri shau" gyo: boem.
(Mat.21:12-17, Luk.19:45-48)
15 Yesu yo' cangzoo: yi gi Yerusalem khyoo: ju" yhe: boem bye:. Houg: lang" Yesu gi Noku Yhoem: Moo" khoug: khyoo: vang yhe: wigi zi ung" zi qei mo, ri khaid thu' lho: ngei jag, zoo: mo, da" zoobui" joem ri we' pheing" khyoug" ung" zoo: mo, da" zhungtang joem ri tu: phoug sain" pyam byid.
16 Nyang: gi Noku Yhoem: Moo" khyoo: ce: ja: ziri nghoid loug we' aci: lid yen" nhang: nghoid da.
17 Hougsu" nyang: gi mungbyu yi ri nga" yhoem: ri byumyu" acang: joeb sho' mo da" akyu" mho' yhoem:- ga: myeing boem wa"- ga:Mangsoo tid jhoem: mougsoug" moo lhid" to"- nghoid loug we' nanu" gi hau: ziri khyangtoug: joem gau" to da" lug ug koid pyam boem bye:- ga: jhau" byid: da.
18 Hau: khyoo: ri khainjung agyi moo" yo' tarha" sara yi shoug" gyoo: lang" Yesu ri said pyam wa khyoo: sho: lo boem- Khasu" wim ga: ri mungbyu yi dangain" nyang jhau" byid: da" khyoo: ri mau" nyid boem yoomo nyang: ri gyoug ago".
19 Myenthang: ju" loo lang" gi Yesu yo' cangzoo: yi gi voomoo" mo zheung: thu' lo" ago".
(Mat.21:20-22)
20 Hau: thang: nab kyoo no" re- Yesu yo' cangzoo: yi so" lid: lo" nyid da" uri hau: lafoem gam gi gam, goin" nyang: kyoug, shid: jo, ziri myang ago".
21 Houg: lang" Petru gi myid: boin: lo wigi Yesu ri sara we"- yu" we' nang nheung" kho' da" lafoem gam gi kyoug shid: byug bye nhung:- ga: tid.
22 Yesu gi phoug tu" lho: nyangnu" ri Mangsoo ri loem" jeing" nyid ge'.
23 Ngoo nanu" ri deing" deing tid zigi nyang: nya: nheigloem: khoug: moo ug, vho" zi aboo loo: za: tid zigi bui" wa, ga: loem" jeing" mo, hang" nghoid loug we' he: da" boem ri ?boem nang yu: loo" we' hau: lho: panglai: khyoo: gyo" vang loo" we'? ga: tid nghoid rigi hau: zigi nang tid ziyo' dakhyoo: bue" loo wa nghoid.
24 Hougsu wigi ngoo nanu" loem" jeing" myid yo' daja: ja: mho' ri hau: zi yo" yu wa.
25 Nanu" akyu" mho' yab, jo, uri nanu" ri shoid too" mo, da" yooboo ri khyoid byid: ge' Houg: lang" za: mougkhung: tho' mo Phoo Mangsoo: gi nanu" shoid vhang: da" yooboo joem ri we' khyoid pyam byid wa nghoid.
26 \s Yesu Ci: Da" amyeung" Akhang" ri Myid: Yu" khyoo:
(Mat.21:23-27, Luk 20:1-8)
27 Yesu yo' cangzoo: yi gi Yerusalem voo moo dalheung: doem ju" lo ago"- Yesu gi Noku yhoem moo so" yen" uri Khainjung yi yo' tarha" sara yi zoug: sayen" yigi nya: jhang moo re" lho:
28 Nang hau: gu: ri hang" amyeung" akhang" khyo" koid lha"? ga: Yesu ri myid: boem ago".
29 Yesu gi nyangnu" ri ngoo nanu" ri dang: dakhoin" myid: yu" ba- nanu" hau: ziri yo" phoid: kyoo" lang" gi ngoo we hau: gu: hang" amyeung" akhang" khyo" koid ziri tid kyoo" wa.
30 Yohan byid: da" babtisma gi Mangso amyeung" akhang" khyo" nghoid la"- anghoid lang" gi byu da" amyeung" akhang" khyo" nghoid la". Ngoo ri tid kyoo" ge' ga: tid.
31 Houg: lang" nyangnu" gi Mangso amyeung" akhang" khyo" nghoid ein: tid ri gi houg: su" nghoid rigi nanu" ciwim wigi ngoo ri aloem" go" la"? ga: tid loo wa.
32 Houg su" wigi byu da" amyeung" akhang" khyo" nghoid- ein: ngoonu" tid boem wa la' ga: nyang: cang" nyang sham go" nyid boem (nyangnu" gi meingbyu yi ri gyoug boem ago"- khasu" wim ga: ri byu myoo" sho' mo, gi Yohan gi Lapi gyeing" nyang: nghoid ga: myid nyid ago".
33 Houg: lang" nyangnu' tid zigi ngoonu" asi ga: Yesu ri tid ago". Yesu we' nyangnu" ri hau: gu: ce: amyeung" akhang" yo' koid ziri ngoo we' nanu" ri atid kyoo" wa"- ga: tid.