1 Aseing gi Moshe ri 2 Israela byumyu" yiri tid wa shid re" ?Ngoo gi nanu" Aseing Mangso nghoid. 3 Nanu" nyid kho' da" Egutu mung" mo byumyu" yi da" avoid asam" joem ri we' anghoid lang" akhid" ngoo nanu" ri shu" yhe: lo" nyid da" Khanan mung" moo nyid byumyu" yi da" avoid asam" joem ri we' acang koid goo". 4 Nga" tarha" joem ri tam" gyo: wigi nga" amyeing" dang: ri cang koid we'. Ngoo gi nanu" Aseing Mangsoo nghoid. 5 Ref 18:5: Neh 9:29; Ezk 18:9; 20:11-13; Luk 10:28; Rom 10:5; Gal 3:12. Ngoo nanu" ri byid: to" da" moo" yo' tarha" joem ri cang koid nyid ge'. Hougsu" koid khyo" wigi nanu" gi nanu" da" kangso' ri khyoid yu wa zi nghoid. Ngoo gi Aseing nghoid? ga: tid.

6 Aseing gi vhoo: moo: tid to" da" thung" ri: joem ri byid: too" bye:. Nanu" da" bidnoem seing" cang" yi kha: yug yo" we' gung shoo" zoem" khoug: khyoo: akoid goo". 7 Nanu" nya: myhi' yo' gung shoo" zoem" khoug: khyo" wigi nanu" nya: phoo ri sho' aphu" nhang:- nanu" gi nanu" nya: myhi ri sho' ayo" phu" nhang: wa zi nghoid. 8 Ref 18:8: Xng 20:11; Tid 22:30; 27:20. Nanu" nya: pho da" myhi nhung" yi yo' nanu" gung shoo" zoem" khoug: khyo" wigi nanu" nya: phoo ri sho' aphu" nhang:. 9 Ref 18:9: Xng 20:17; Tid 27:22. Nanu" nhammoo" yo' anghoid lang" dayhoem mo kyeing" nyid gyi: lo su: nghoid nghoid goo" yhoem: yhoem: mo nyid gyi: re" da" pho shoid mo myiyi: zoo: anghoid lang" myhi' shoid mo myiyi: zoo: yo' gung shoo" azoem" khoug: goo". 10 Nanu" myid: zoo: myiyi: nu" yo' gung shoo" azoem" goo". Hau: zigi nanu" ri sho' phu" nhang: da" moo" nghoid da:. 11 Dakhoem" mo kyeing" anghoid da" nhammoo" yi yo' gung shoo" azoem" khoug: goo". Nyang: gi nanu" nhammoo" nghoid da:. 12-13 Ref 18:12-14: Xng 20:19,20. Nanu" nya: pho da" nya: nhung" nya: nid anghoid lang" nanu" nya: myhi' nya: nhung" yo' gung shoo" azoem" khoug: goo". 14 Nanu" nya: laid da" yhoem: seing myhi' yo' gung shoo" azoem" khoug: goo". Nyang: gi nanu" nya: laid nyang: nghoid nyid. 15 Ref 18:15: Xng 20:12. Nanu" nya: du moo" yo' 16 Ref 18:16: Xng 20:21. Anghoid lang" nanu" nya: mang: nya: myi: yo' gung shoo" azoem" khoug: goo". 17 Ref 18:17: Xng 20:14; Tid 27:23. Nanu" nya: zoo: myiyi: nu" yo' gung shoo" azoem" khoug: goo" anghoid lang" nanu" yo' gung shoo" zoem" goo" bye: da" myiyi: myhi' da" nya: myid: myiyi: nu" yo' gung shoo" azoem" goo". Nyangnu" gi nanu" yo' bidnoem du wigi hau: zigi khoem" boem khyu: da" moo" nghoid. 18 Nanu" nya: yhoem: seing myhi' dadei nyid nyid gi nanu" nya: yhoem: seing myhi' da" nya: bi nya: nhung" ri yhoem: seing myhi' dayug khyo" ayo" yu.

19 Ref 18:19: Xng 20:18. Mi ci: da" ayo, moo: myiyi: myhi' yo' gung shoo" ayo" zoem" khoug: wa. Ciwim gari: nyang: gi thung" khyo" ayung" alho' nghoid da:. 20 Ref 18:20: Xng 20:10. Gooyug da" yhoem: seing myhi yo' gung shoo" ayo" zoem" khoug: wa. Hau: zigi thung" khyo" nanu" ri ayung" alho' bui" nhang: da:. 21 Ref 18:21: Xng 20:1-5. Moleg yu phara" ri no' wa jang" moo: ci: wa shid re" nanu" zoo: yi mo dayug ri we' a ab byid: goo". Ciwim gari: hau: zigi Aseing Mangso da" myeing ri shoem: nhang: zi nghoid. 22 Ref 18:22: Xng 20:13. Yuggi nyang: cang" gung shoo" azoem" goo". Mangsoo gi hau: ziri ngheing" nyid. 23 Ref 18:23: Thu 22:19; Xng 20:15,16; Tid 27:21. Yuggi nghoid nghoid myiyi: nghoid nghoid gougnyhoug yo' gung shoo" azoem" goo". Hougsu" koid zigi nanu" ri thung" khyo" ayung" alho' bui" nhang: zi nghoid.

24 Hid: yhang: te" moo" zoo" khyo" wigi nanu" nya: gung ri ayung" alho' abui" nhang: goo". Ciwim gari: hid: su" khyo" soolhoo: no' bang: gi nyangnu" nya: gung ri ayung" alho' koid lid loo bye:. Hau: soolhoo: no' bang: gi nanu" aju" shi ri hau: mung" moo: nyid bang: nghoid wigi nanu" yo" vang loo" wa shid re" Aseing gi nyangnu" ri khaid thu nyid da:. 25 Nyangnu" koid da" moo" zoo" gi mung" ri ayung" alho' bui" nhang: yoomo Aseing gi hau: mung" ri dam byid: wigi hougmoo: nyid da" byumyu" yiri we' khaid thu' pyam wa. 26-27 Nyangnu" gi he: yu" co' yu" ngheing" tung" da" moo" dangain" ri koid wigi mungdain: ri ayung" alho' bui" nhang: da:. Nghoid loug we' nanu" gi nyangnu" yhang: ti" akoid goo". Israela byumyu" yi anghoid lang" nanu" yo' dage" nyid da" tungbau byumyu" yi dangain" gi Aseing da" tarha" yo' amyeing" dang: joem ri cang yhi: ca" da:. 28 Houg: lang" nanu" shid vhu" moo nyid lid lo" da" soolhoo: no' bang: ri ngeug pyam yhang: ti" hau: mungdain: gi nanu" ri ngeug pyam wa zi anghoid. 29 He: yu" co' yu" ngheing" tung" da" moo" zoo" daja: ja: ri koid da" yug hang" nghoid loug we' nyang: ri Mangso byu dayug khyo" amyid soin: loo: wa ziri nanu" si wa zi nghoid.

30 Aseing gi ?Ngoo byid: da" amyeing" dang: ri phau" myang: cang yhe: wigi he: mungdain: moo nanu" da" shid vhu" moo: nyid lid lo da" byumyu" yi yhang: ti" acang koid goo". He moo" zoo" daja: ja: ri koid khyo" wigi nanu" nya: gung ri ayung" alho' abui" nhang: goo". Ngoo gi nanu" da" Aseing Mangsoo nghoid? ga: tid.