4
(Mat 4:1-11: Mar 1:12-13)
1 Aseing Yesu gi gyeungshang: Venyi: yo" byeung" lho: Yodan gyidlang mo doem lo da" uri gyeungshang: Venyi: gi Yesu ri dain" pyoid yoo khyoo khe: shu" vang lo" byug. Hau: joyoo moo bidnyid myidxi: nyid" yu satan jhu phyo' zi shau" nyid.
2 Hau: da" bidnyid ayo, moo Ce ja: zoo: noem we' ashoug" zoo:- hau: bidnyid thang lo" da" uri Yesu gi zooyoid nyid.
3 Houg: lang" yu satan gi Yesu ri Nang Mangso da" nya: zoo: nghoid rigi he: luggo, ri zooyho' bui" we' ein: tid we' ga: tid.
4 Aseing Yesu gi byu gi zoo: yho yo" za: kangso yo" dei nyid zi anghoid ga: wigi jhoem: dang: moo bo ga: doem phoug tu".
5 Hau: uri yu satan gi Yesu ri boem tho' khyoo doem shu" do, lo" lho: Mougmyid Mungdain: jo, moojo, ri dalheung: dam toin" shid lho: wigi
6 He: da" myonhoo:- amyeung" akhang"- ziyoo jo, moojo, dangain" ri ngoo nang ri byid: pyam wa. He: ziyoo dangain" nga" lo, moo ab to" zi nghoid yoomo ngoo hang" ri byid: nau ri yo" byid.
7 Houg: yoomo Aseing gi ngoo ri vhu" pid pid: nghoid rigi He: da" myonhoo: ngilang: amyeung" akhang" bain" sho' nang ri byid: wa ga: tid.
8 Aseing Yesu gi Nang loem: re" Mangsoo ri za: no" ca" ga: Jhoem: dang: moo bo ga: doem tid.
9 Yu satan gi Yesu ri Yerusalem voo khyoo khe: shu" lo" lho: Noku yhoem: moo" tho' mo akhyoug: moo nyid nhang: wigi Nang Mangso da" nya: zoo: nghoid rigi hid: mo mhoo: khyoo: byam gyoo" lo" yu" we.
10 Jhoem: mungdang: moo nang ri zung" lhug wa shid re" Mangsoo gi moug: lagyoo: yi ri nhang: kaid wam bye: ga: tid.
11 ?Re" khyid: gi lug moo alo" zang" wa shid re" Moug: lagyoo: yi gi Nang ri lo, wigi lhoem: vu, yu goo" wim bye: ga:? ga: tid.
12 Aseing Yesu gi ?Re" da" Mangsoo ri nang yo" ca: yu" wa zi anghoid ga: jhoem: mungdang: moo bo? ga: doem phoid: kyo".
13 Yu satan gi hid: su" Yesu ri aja: ja: khyo" bain jhuphyo' yu" thang: ri Yesu jhang mo phang: thu' lo" thang: ri we' ge da" agoo ri lo" doem yu" nyid shi.
(Mat 4:12-17: Mar 1:14-15)
14 Yesu gi gyeungshang: da Venyi: yoem: vhoo" yo" byeung" lho: Galile mung" moo doem ju" lo. Yesu da" lu dang: gi hau: mung" goin" jangmoo fu" lo" boem bye:.
15 Yesu gi tarha" jung yi moo kho" kyo" lo" ri byu dangain" mo, gi nyang: ri coung" byid: boem ago".
(Mat 13:53-58: Mar 6:1-6)
16 Yesu gi Nazared voo moo doem ju" yhe:- Nazared voo gi Yesu nyid gyi: lo da" voo nghoid. Dougno: Bidnyid ri Yesu gi lhoung: yhe: main: ziyo' dakhyoo" ti" tarha" jung moo vang lo. Jhoem: mougsoug" nghab wa ga: to' yab lang"
17 tarha" jung vhoeb su: gi Lapi: Esaia da" Jhoem: dang: Yesu ri yhoin" byid: Yesu gi Jhoem: mougsoug" deing: pei: lho:
18 Mangso da" Venyi: gi nya: tho' moo ju" ri" bye:.
Sho" jhen: mo, ri lu dang: gi kho" kyoo" wa shid re" ngoo ri khyen: yu bye:.
Thung loung" jo, mo, ri pyoin kaid wa ziyo'
myo, amyang mo, ri myo, doem myang nhang: wa khyoo:
kho" kyoo" wa shid re" we' doin: zeig shen" yhen shau" nyid mo, ri
pyoin kaid byid: wa shid re" we'
19 Aseing gi nya: da" byu phung: ri khyoid yu wa da" ayo, ju" loo bye: da: khyoo: ri we' tid fu" kyoo" wa shid re"
ngoo ri nhang: kaid bye ga: da" jhoem: du ri phang nghab.
20 Hau: thang: ri Jhoem: mougsoug" ri doem deing: lho: tarha" jung vhoeb phoo ri byid: wigi doem zhoung. Tarha" jung khoug: moo nyid da" byu dangain" mo, gi Yesu ri soo" soo" yu" zhoug: to" ago".
21 Yesu gi He: jhoem: dang: moo bo da" akhyoo" again joem gi akhid" nyid" nanu" shau" gyo: ziyo' dakhyoo" ti" bue" nyid bye ga: tid.
22 Byu dangain" mo, gi Yesu ri coung" byid: dang: tid go" nyid boem. Yesu da" nhoid mo thu' da" dang: yi ri gyo: mau" boem lho: He: yug gi Yoseb da nya: zoo: anghoid la"? ga: myid: go" nyid boem.
23 Yesu gi- ?Nanu" gi- macid" sara nang we' nanya: noo shi" bain sho' ze: ge pyam we'? ga: da" dang: ri ci: lho: ngoo ri tid boem wa. Kapernaum voo moo Yesu koid: shug ga: zi:- ngoonu" shoug" gyoo: da" khyoo: joem ri nanya: moug: moo we' koid: shug we' ga: deing" deing tid boem wa.
24 Deing" deing ngoo nanu" ri tid zigi kha: Lapi: nghoid loug we' nyang: nya: moug: moo myonhoo: abo.
25 Elia da" pyaid moo Israela mung" goin" jangmoo- soem" zain lhammoo" khyug khyab nyang:- moug: phang" lho: zooyoid phang" khoug ju.
26 Israela byumyu" moo cougmoo" myoo" sho' nyid nghoid loug we' hang" jhang moo we' Mangsoo gi lapi: Elia ri anhang: kaid. Sidon mung" Zaredtha voo mo cougmoo" myhi' jhang moo za: date: nang: kaid.
27 Lapi: Elisha da" pyaid moo we' Israela byumyu" moo Manggam: yo" ga: dab mo myoo" sho' nyid nghoid loug we' hang" ri we' ayo" ge loo" nhang. Suri mungbyu Naman dayug ri za: ge loo" nhang: ga: tid.
28 tarha" jung moo nyid da" byu dangain" mo, gi hau: da" dang: ri shoug" gyoo: lang" nheig gye" gyo: yo: nyid boem.
29 Hau: thang: rigi Yesu ri myid byo, khyam" mo, doin: hpyid khyo pyam wa ga: voo tho' mo boem phyoo" khyoo: khe: shu" do, lo" boem.
30 Nghoid loug we' Yesu gi byu phung: gyoo: mo goo" khyoo: thu' lo.
(Mar 1:21-28)
31 Aseing Yesu gi Galile mung" Kapernaum voo khyoo doem ju" lo. Dougno: Bidnyid ri tarha" jung moo kho" kyo" nyid.
32 Aseing da" jhoug" myeing" moo gi yoemso bang yoeb boo yoomo byu yi gi gye" gyo: mau" boem ago".
33 tarha" jung khoug: moo agyeungshang: da" yu vang ci: da" byu dayug we' re" nyid.
34 Agyeungshang: da" yu gi ?Nazared phoo Yesu we"- Aseing gi ngoonu" yo" cisen: lha". Ngoonu" byo, wa shid re ju" re" la". Aseing gi hang" nghoid zi ngoo se'- Aseing gi Mangso jhang mo ju" re" da:- gyeungshang: myhang: thang su: nghoid ga: wigi thui: moo" yo nyho: tid.
35 Aseing Yesu gi sam" zoo: nyid we' Nya: ung: khoug: mo: thu' loo" re" ga: tid. Agyeungshang: da" yu gi hau: yug ri sube" mo, phung: gung moo theing lheung: kaid. Hau: thang: ri ce: yaukhi" abyid: loo:- nya: da" ung: khoug: mo thu' loo" bye:.
36 Byu dangain" mo, gi yu" mau" wigi He: yug da" amyeung" akhang" thui: gi ce: noem nghoid nyid lha". Nyang: gi agyeungshang: da" yu rilang" thu' loo" wa shid re" yoem: zeing so' moo" yo' amyeung" khyo lho: yu joem gi thu' loo" goo" nhung: lha!- ga: nyang: cang" nyang: tid go" nyid boem.
37 Aseing Yesu da" lu dang: gi- ayam aqei: mung" moo fu" nhoin: ju" lo" boem bye:.
(Mat 8:14-17: Mar 1:29-34)
38 Aseing Yesu gi tarha" jung mo thu' lho: Simun da" yhoem: moo vang lo. Simun da" yug myhi' gi gye" no nyid lang".
39 Houg: yoomo cangzoo: yi gi hau: khyoo: Yesu ri tid kyo" boem. Yesu gi hau: myiyi: myhi' da" ayam moo yab jo, lho: he: noophyoo" ge loo" re- ga: amyeung" byid: kaid. Hau: myiyi: myhi' gi noo ge lo" lho: houg: jang: to wigi Yesu yo" cangzoo: yi ri zoo: noem dei zho.
40 Bidvang zoo" ri noophyoo" aja: ja: shau" mo, gi Yesu jhang moo khe: shu" re" boem. Yesu gi hau: noophyoo" shau" mo yug khang" mo" da" tho' moo lo, ki" byid: lho: nyangnu" da" noophyoo" joem ri ge loo" nhang: kaid.
41 Yu joem gi Yesu ri ?Mangso nya: zoo: nghoid? ga: nyho: lho: nyangnu" nyang: vang jo, mo, jhang mo phang: thu' lo" boem.
Yesu gi yu joem houg: su" nyho: yoid da" ziri toem pyam lho: nyangnu" ri dang: tid wa akhang" byid. Khasu" wim gari Yesu gi Meshia nghoid ziri si' yoomo nghoid.
(Mar 1:35-39)
42 Myo, myang loo lang" Kapernaum voo mo thu' lo" lho: ci: sam: aso" da" joyoo daloem: moo ju" lo. Byu yi gi Yesu ri cang sho: yen" boem.
43 Nghoid loug we' Yesu gi ngoo gi gootu: voo moo we' Mangso da" Mungdain: khyoo: ri kho" kyoo" ca. Houg: su" kho" kyo" fu" loo" wa shid re" ngoo ri Mangsoo nhang: kaid da" zi nghoid ga tid.
44 Houg: yoomo Yesu gi Yuda mung" moo tarha" ri cang kho" kyo" yen.