20
(Esa 38:1-8, 21, 22: 2 km 32:24-26)
1 Hau: ayo, moo khokham Hezekia gi no re" lho: shid: lo" nyid da:. Amoz da" yuggi zoo: Lapi: Esaia gi nyang: ri yhe: yu" lho: ?Ja: khang" moo" ri nyheing" soin' too" wa shid re" Aseing nang ri amyeing" byid:. Ciwim gari nang noo agi wa. Shid: wa soin' we'? ga: nyang: ri tid da:.
2 Hezekia gi nya: myonhoo: ri pyiyam khyoo: shu: wigi
3 ?Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"? ga: akyu" mho' da:. Hau: thang: nyang: gi nheig khoo" sho' ngau lo da:.
4 Esaia gi khokham pho jang" mo thu loo" khari" da:. Nghoid loug we' khokham kho" vang" agung khyo" abain lid phyed loo" shi" ri Aseing gi nyang: ri
5 Aseing da" byumyu" yiri vhoeb yug- Hezekia jhang doem tau" yhe: lho: nyang: ri ?Re" phoug" phyid" David da" Aseing: Mangsoo ngoo gi re" akyu" mho' dang: ri gyo: lho: re" ngoug byid ri myang byid: bye:. Ngoo nang ri gi byid: wa- soem" nyid" lang" nang Noku Yhoem: Moo" khyoo: yo" yhe: wa.
6 Ngoo gi nang ri daxe: wim: zain nyid nhang: shi" wa. Ngoo gi nang ri yo' he: Yerusalem ri Asuri khosen lo, mo khyoid yu wa. Ngoonya: gung ri ngi: shab zi yoomo yo' nga" dei zoo: David ri ngoo byid: to" da" dangsoo" yoomo we' ngoo gi he: voomoo" ri goem: loem byid: wa ga: ein: lo" tid kyoo" we'? ga: Esaia ri tid da:.
7 Hau: thang: Esaia gi khokham phoo jhang re" nyid bang: ri lafoem' shikyug pyi" ri nya: byeing moo foeb byid: wigi nyang: ge loo wa ga: tid.
8 Khokham Hezekia gi ?Aseing gi ngoo ri gi nhang: lho: soem" nyid" thang: ngoo Noku Yhoem: Moo" khyoo: yhi: wa ga: ziri ci: shug wa sagse: ce: asoo" nghoid wa lha"? ga: myid: da:.
9 Esaia gi ?Aseing gi nya: dangsoo" zung" da" khyoo: ri sagse: ci: shug byid: wa asoo" nang ri byid: loo wa. Akhid" zoem" lhang: moo bid yoeb ri shid khyoo: daxi: khoem: yhe: lo" anghoid lang" thang: khyoo: daxi: khoem: tau" loo" wa zi nang vho: rhe"? ga: myid: da:.
10 Hezekia gi ?Shid vhoo" khyoo: daxi: khoem: yhe: loo" wa zigi lei da:. Thang: khyoo: daxi: khoem: tau" loo wa koid we'? ga: tid da:.
11 Esaia gi Aseing ri akyu" mho' lho: Aseing gi khokham Ahaza wigi koid to" da" zoem" lhang: dang moo bid yoeb daxi: khoem: thang: khyoo: tau" loo" nhang: da:.
(Esaia 39: 1-8)
12 Hau: ayo, moo Babelon khokham Merodag Baladan ga: da" Baladan nya: zoo: gi khokham Hezekia no da" khyoo: ri shoug" gyoo: lang" mougsoug" yo' jhungshug nyang: ri foin: byid: da:.
13 Hezekia gi lagyoo: yiri lhoem tau yu lho: nya: da" jonu"- ngei- sheing:- nya: zooxoin" yo' shoem: nam pyo: ja:- nya: da" gyizi gyikhoo: dangain" houg bang: ri ci: shug da:. Nya: jhi: joem moo yo' mungdain: khoug: gootu: joyoo moo we' houg bang: ri aci: shug zi dakhyi' we' adeing nghoid da:.
14 Hau: thang: Lapi: Esaia gi khokham Hezekia jhang yhe: lho: ?Hid bang: khamo ju" re" wigi nang ri cire" tid boem ago" la"? ga: myid: da:.
Hezekia gi ?Nyangnu" gi gye" ve: da" Babelon mung" mo ju" ri" bang: nghoid ago"? ga: tu" da:.
15 ?Nyangnu" khokham kho" moo cimyang ago" lha".?
?Nyangnu" ja: khang" moo" ri myang abye: go" da:. Jhi: moo jo, zi ngoo nyangnu" ri aci: shug zi ciwe' ajo, loo:.?
16 Hau: thang: Esaia gi khokham phoo ri ?Myhang: thang Aseing tid.
17 Re" khokham kho" moo jo, gu: ja: khang" moo" akhid" nyid" ju" sho' re" phoug" phyid" yi yung: to" boem da" zi ja: khang" moo" ri Babelon khyoo: yu lo" da" ayo, ju" re" nyid da:. Ciwe' adeing wa.
18 Re" amyed ashen seing: yi dayham" ri shu" lo" byug wigi Babelon khokham da" khokham kho" moo dei byid: wa da" unug koid pyam ri" goo" wa? ga: tid.
19 Khokham Hezekia gi nya: pyaid moo ngei pyo: yug yo lho: goem loem wa nghoid ga: da" he: dang: kang: ri se' gyoo: bye:. Houg: yoomo nyang: gi ?Nang ngoo ri re" byid: da" Aseing mo mungdang: gi ge da:? ga: phug tid da:.
(2 km 32: 32-33)
20 Khokham Hezekia koid da" gootu: moo" ja: khang" moo"- nya: sarhi' moo"- gyid yung: thoem" koid khyoo:- voomoo" khyoo: gyid she: zei da" gyid khyung: du: khyoo: dangain" ri Yuda khokham yi da" mhoomyid shen" dam pug moo lhid" xoem" to" ago".
21 Hezekia shid: lo" wigi nya: yuggi zoo: Manashe gi nya: khoo: moo khokham xo' koid da:.