3
1 Thang: nab soin: Yoshu yo' Israela byumyu" yi no' mo to' wigi Shug dab mo thu lo" boem ago". Yodan gyid lang khyoo: yhe: lo" wigi hau: ziri gu: wa yhe: lang" nyid uri hougmoo: dab koid wigi nyid boem ago".
2 Soem" nyid" thang: ri vhujhung: yigi dab goem: sho' yhe: wigi
3 Byumyu" yiri ?Nanu" Aseing Mangso da" Dang: Theing Kuid: ri khainjung yi vu, ci: ziri myang lang" dab ri phyo' wigi nyangnu" thang: moo: cang wa zi nghoid.
4 Nanu" hid: moo: khanham we' aju" yu" goo" nghoid yoomo nanu" yhe: loo" wa da" khyo: ri nyangnu" toin" shid byid: wa zi nghoid. Nghoid loug we' Dang: Theing Kuid: khyoo: atab yhi: goo". Hougmo zi khyoo: main: agung dayi" kyo: wigi nyid boem ge'? ga: tid.
5 Yoshu byumyu" yiri ?Nanu" nya: gung ri younglho' too" ge'. Ciwim gari: Aseing gi nab yo nyid" nanu" da" agung moo: mau" pho" alhoo: again koid shug ri" wa? ga: tid.
6 Hau: thang: nyang: gi Khainjung yiri Dang: Theing Kuid: ri koid: vu, wigi houg: yo' dage" byumyu" yi da" shid khyoo: yhe: loo" wa shid re" tid da:. Nyangnu" we' nyang: tid ziyo' dakhyoo" ti" koid bye:.
7 Aseing gi Yoshu ri ?Ngoo akhid" nyid" koid wa moo" zoo" gi Israela byumyu" dangain" bang: gi nang ri byu zeing dayug khyo" wigi ngi: shab shed" ri" goo" wa. Houg: lho: ngoo gi Moshe yo' dage" nyid lo yhang: ti" nang yo' we' dage" nyid ein: ziri nyangnu" se' ri" goo" wa.
8 Dang: Theing Kuid: vu, da" khainjung yiri nyangnu" gyid lang khyoo: ju" yhi: lang" nyangnu" gyid yam moo: yhe: neig wigi yab jo, ca" wa zi nghoid? ga: tid da:.
9 Hau: thang: Yoshu gi byumyu" yiri ?Hid: khyoo: re" wigi nanu" Aseing Mangsoo tid ziri tam" gyoo: ge'.
10-11 Nanu" shid khyoo: yhe: lo" uri nyang: gi Khanan- Hiti- Hivi- Perizi- Girgashi- Amori yo' Yebusi byumyu" yiri: gyeing" nyang: khaid thu pyam wa zi nghoid. Mougmyid dangain" da" Aseing Dang: Theing Kuid: nanu" shid moo Yodan gyid lang ri gu: dab yhe: uri kangso' dei Mangsoo nanu" phung: moo nyid nyid ziri nanu" si wa zi nghoid.
12 Akhid" Israela byumyu" kung: khang" moo" mo byu dayug yug khyo" daxe: eig yug ri khyen: yu ge'.
13 Mougmyid dangain" da" Aseing Dang: Theing Kuid: ri vu da" khainjung yi nyangnu" khyid: ri gyid lang moo yhe: nang: uri Yodan gyid lang gi yau jang" mo theing: lo" wigi gyid gi dajoyoo mo za theing: jo, wa zi nghoid? ga: tid.
14-15 Hau: ayo, gi shivoo yhoem" yo, nghoid wigi gyid lang gi je: nyid da:. Byumyu" yi Yodan gyid lang ri gu: dab wa khyo" dab mo thu lo uri khainjung yigi Dang: Theing Kuid: ri vu, ci: wigi nyangnu" shid khyoo: yhe: lo" ago". Khainjung yi gyid lang ri yhe: nang: kaid lang"
16 gyid yau zi theing: lo' wigi Zarethan nam mo Adan voomoo" ju" sho' doem tau" yau lo" da:. Thoem" shid: khyoo: yau gyoo" lo" da" gyid gi jhoid yau kain" pyam wigi byumyu" yigi Yerikho nam khyo" yo" lid phyed lo" da:.
17 Byumyu" yi myid kyug jang: khyo" so" lid: lo" nyid uri khainjung yigi Yodan gyid lang agung myid kyug jang: moo: byumyu" yi dangain" mo, bain so" lid: sho' yab jo, boem ago".