2
1 Eig nyid" myang" thang: ri Galile mung" mo Khana voo moo lo, xo' pui" daloem: jo. Hau: da" pui" moo Yesu da" nya: myhi' we bo.
2 Yesu yo' nya: cangzoo: yi ri we' hau: pui" moo khe: to".
3 Zabyid thang byug lang" Yesu da" nya: myhi' gi ?Hid: bang: zabyid thang boem bye:? ga: Yesu ri tid.
4 ?Yesu gi myi: yi myhi' we" ci: koid ca" zi nang ngoo ri atid noo"? nga" ayo, aju" shi" ga: wigi phougtu.
5 Hau: thang: ri nya: yhid gi dei dei mo ri nyang: ci: tid ci: koid ge' ga: tid.
6 Hau: joyoo moo galain: eig soem" xi: koo: vang da" yam: zeing: khyug loem: jo. Yuda byumyu" yi da" loemkhau: khyoo: yo' dakhyoo" ti" cid" sain wa shid re" to" da" yam: joem nghoid.
7 Yesu gi He: yam: joem moo gyid byeung" byeung" kham: kaid too" ge" ga: Deizoo: yi ri tid lang" nyangnu" gi yam: nhoid ju" sho' sho' gyid kham: kaid pyeing to" boem.
8 Hau: thang: ri nyangnu" ri gi ?He: yam: mo gyid dajhi' khu" yu lho: Pui" vhoeb jhang lo" byid: ge ga: tid ziyo' dakhyoo" ti" deizoo: yi gi khu" ci: lo" boem.
9 Pui" vhoeb gi zabyid agyeing" khyo" bue" lo da gyid ri shug ca: yu". Zabyid yeing ri khakhyo" yo" ziri gyid kham: kaid da" deizoo: yigi se'. Pui" vhoeb phoo gi asi (nghoid loug gyid kham: zei da" deizoo: yi gi se) yoomo pui: vhoeb gi phoo seig ri khe: yu wigi
10 tid zigi ?Byu hang" we' zabyid yeing je ge ziyo' xangshid" being" dalhoem: se. Hau: thang: ri she, ade: ngham" da" zabyid ri dalhoung jang- nghoid' loug we' nang gi je ngham" da" zabyid rigi akhid" ju" sho' da yhoem" too" nhung: lha"? ga: tid.
11 Yesu gi he: xang shid" mau" pho" alhoo: again ri Galile mung" Khana voo moo koid shug zoo" re" nya: myonhoo: phung" yoeb ri toin" shid. Houg: yoomo nya: da" cangzoo: yi gi nyang: ri loem" jeing" loem: khau lo boem.
12 Hau: thang: ri Yesu yo' nya: yhid nya: nhung"- nya: cangzoo: yi yo' dage" Kapernaum voo khyoo: lo" wigi hougmoo da eig nyid" theing: nyid boem.
(Mat 21:12-13 Mar 11:15-17 Luk 19:45-46)
13 Yuda byu yi da" lhid: kaid pui" jhang lo da" uri Aseing Yesu gi Yerusalem voo khyoo: yhe: lo".
14 Noku Yhoem: Moo" khoug: moo nu: jung- Yang- jidvhu: ung" mo, yo' ngei thid' nyid mo, zoobui" joem moo zhoung: jo, lang" ziri lo" myang.
15 Hau: uri tei" shoem, voosi" dakhaid koid yu lho: yang joem yo" nujung joem gougnyhoug dangain" ri Noku Yhoem: Moo" khoug: mo khaid thu' pyam. Ngei thid' mo, da" zoobui" joem yo' ngei joem ri we' tu: phug foid' sain" pyam byid.
16 Aseing Yesu gi ?Houg: bang: ri hid mo yu pyam ge' Nga" pho Yhoem: moo" ri kid" yhoem: akoid logoo"? ga: wigi jidvhu: ung" bang: ri amyeung" khyo.
17 Houg: lang" cangzoo: yi gi ?O"- Mangsoo we"- ngoo coung" nghei seing" gam avoem" da" nheig nhei: jang:- Re" yhoem: moo" ri" jheddab myid gi nheigloem: moo myi: su" nge" nyid bye:.? ga: wigi lhid" to" da" jhoem: dang: ri myid boin: boem ago".
18 Yuda zoug: yi gi ?Nang gi he: da" moozoo" yo" koid wa da" amyeung" yoo" su: nghoid ziri ngoonu" ri ce: da" alhoo: again yo" koid shug wa lha".? ga: wigi re" zheung: myid: boem.
19 Yesu phougtu" zigi ?He: Noku Yhoem: Moo" ri phyo' pyam ge'. Soem" nyid" agyoo: moo ngoo doem yo" koid too" wa.?
20 Yuda byu yi tid zi gi myid: xe: khyug zain ju" sho' koid ri dabain da" Noku Yhoem: Moo" ri nang gi soem" nyid agyoo: moo yo" koid wa la"? ga: myid nyid boem.
21 Nghoid loug we' Yesu tid da Noku Yhoem: Moo" ga: zigi nya: gungdu: ri tid nyid zi nghoid.
22 Houg: yoomo Nya: cangzoo: yi gi Yesu shid: jangmo doem dei to'' lo da" uri he: khyoo: ri doem myid boin: boem lho: Jhoem: mungdang: ri nghoid loug we' Yesu tid kyoo" khare" da" mungdang: ri nghoid loug we' loem" jeing" lo ago".
23 Yerusalem voo moo koid da" lhid: kaid pui" moo Yesu zei: shug da" mau" pho" moo" ri zheung: shau" myang boem yoomo byu myoo" sho' gi nyang: ri loem" jeing" vang lo boem.
24 Nghoid loug we' Yesu gi byu dangain" mo, da" nheigloem: ri si' yoomo houg: bang: ri aloem.
25 Yesu ri byu da" akhyoo" hang" wigi we' tid kyoo" anoo. Nyang: gi byu da" nheigloem: ung: khoug: moo ci: bo ziri dangain" si' gu nghoid bye:.