18
(Mat 26:47-56; Mar 14:43-50; Luk 22:47-53)
1 Hid: yhangti" akyu" bain mho' da" thang: ri Yesu gi nya: cangzoo: yi yo" dage" Kedron gyid nung" thei: tab' khyoo: gu: dab lo" boem.
2 Hau: joyoo moo khyam: daloem jo. Yesu yo" cangzoo: yi gi hau: khyam: khoug: khyoo: vang lo. Hau: joyoo moo Yesu yo' nya: cangzoo: yi gi atheing: loo: lhoung yhe: yu" yoomo nyang: ri ung" zo: pyam wa da" Yuda we' hau: joyoo ri se' to".
3 Roma gyizoo daphung: yo' khainjung agyi yi yo' Pharishe" nhang: kaid da" Noku Yhoem: Moo" zung" da" gyi zoo yi ri shu" wigi Yuda gi hau khyam moo re" lho: nyangnu" gi myibung: we' myidoem we gyizi gyikhoo: joem ri ci boem.
4 Aseing Yesu gi nyang: thoung" shau" wa da" moozoo" dangain" ri si' gu nghoid yoomo houg: bang: jhang khyoo: jhen" yhe: lho. Nanu" hang" ri shoo: go" ga: yhe: myid.
5 Houg: bang: gi Nazared mo Yesu ri sho:- ga: tid boem.
?Ngoo gi hau: yug nyang: nghoid bye:? ga: tid.
Aseing ri gyivoo yi da" lo, moo ab pyam wa da" Yuda gi houg: bang: yo' dage" yab jo.
6 Ngoo gi hau: yug nyang: nghoid bye: ga: Yesu tid lang" su- nyangnu" gi nung zoid zoid loo" khare" boem lho: dangain" mo, myidjang moo leung loo" khare" boem.
7 Houg: yoomo Aseing Yesu gi nanu" hang" ri shoo: go" ga: doem myid.
Houg: bang: we' ?Nazared mo Yesu? ri sho: ga: doem tid boem.
8 Yesu gi hau: yug gi ngoo nyang: nghoid bye: ein: nanu" ri ngoo tid bye:. Ngoo gi nanu" ngoo ri sho: yen" go" nghoid lang" gi hid: bang: ri loo" nhang: kaid ge" ga: doem tid.
9 (Hid: su" ga: tid da" khyoo: gi phoo we"- ngoo nang ngoo ri ab byid: too" mo, mo dayug we' byug loo" zi aboo baja" ga: da dang byeung" loo wa shid re" nyang: tid to" ziyo' dakhyoo" bue" loo wa shid re" tid zi nghoid.)
10 Simun Petru gi sham dacam" ci: re" nyang: gi sham ri she: yu lho: Khainjung agyi pho da" join dayug ri she: jab kaid uri hau: join pho da" lo, yo shoid mo nookhyab byid gyoo" loo" khare". Hau: join pho da" myeing gi Malkhu ga: su: nghoid.
11 Aseing Yesu Petru ri tid zigi sham: ri sham: byang' moo doem xang' too" we. Nga" Phoo gi ngoo ri shug nhang: da" kyikhyeug goem ri ngoo ashug wa ein: nang soin: rhe"
12 Hau: thang: ri Roma gyizoo: yi yo' Yuda byumyu" yi ri zung" lhug da" gyizoo: yi gi Yesu ri myheig, tei" ci: lho: wigi Anna zougpho' jhang khyoo: xang" shid" khe: shu" yhe: lo" boem.
13 Anna gi hau: zain re- khainjung agyi moo": Kayapha da" yug phoo nghoid nyid.
14 Kayapha gi byu myoo" sho' mo da" shid re" byu dayug za: te: shid: zigi je ge ga: Yuda zoug: myeing" ci: mo, ri phajhi" byid: su: nghoid.
(Mat 26:69-70; Mar 14:66-58; Luk 22:55-57)
15 Simun Petru yo" gootu: cangzoo: dayug gi Aseing Yesu da" thang: moo cang yhe: lo". Gootu: cangzoo: dayug gi Khainjung agyi pho yo" si' goo" yoomo Yesu yo" dage" Khainjung agyi phoo da" yhoem: vang" khoug: khyoo: yo" bo vang lo.
16 Hau uri Petru gi vang" khyam: nghe shoid moo nyid kho''. Khainjung agyi phoo yo" si' go" da" cangzoo: phoo gi thu' re" lho: khoem" zung" da" zayam myhi' ri akhang" mho' wigi Petru ri fang yu.
17 Khoem" zung" da" zooyam myhi' gi nang gi fo: yug da" cangzoo: dayug nghoid da: anghoid la"? ga: myid: ri
Petru gi ?ngoo anghoid? ga: tid.
18 Houg: lang" khainjung agyi yi ri zung" da" gyizoo: yi yo' dei: zoo: yi gi ngam" yoomo,- myi: gyu: nghe da" myikhyoem yam lheing moo yab jo, zoore myi: gang go" nyid boem. Petru we' houg: bang: yo" dage" myi: yab gang nyid.
(Mat 26:56-66; Mar 14:55-64; Luk 22:66-71)
19 khainjung agyi moo": gi Yesu ri nya cangzoo: yi da" khyoo: ri we' nya: jhoug" myeing" joem da" khyoo: ri we' myid: kyeing joeb" yu.
20 Yesu phougtu" da" zigi Ngoo gi byu myoo" sho' mo da" shidkhoin" moo khanham we bang bang kho" kyo" jhau" byid: loo bye:. Khanham we' azoug" afu' ngoo akho" yu.
21 Houg: su" nghoid ri ci: wim nang ngoo ri myid: nyid la". Ngoo kho" kyo" jhau" byid: da" khyoo: ri gyo: yu" mo ri myid: yu" we. Ngoo kho" kyo" da" khyoo: ri nyangnu" se' boem bye:.
22 Hid: su" ga: phougtu" lang" gung zung" gyizoo: dayug gi Yesu ri thoin: lho: khainjung agyi moo" gi ?Nang hid: su" aphoug" akhyoid ge phougtu" la"? ga: tid.
23 Aseing Yesu gi Nga" dang: amain" nghoid rigi amain" khyoo: ri" toin" shid we' deing da" khyoo: tid loug ciwim ngoo ri baid go" ga: tid.
24 Hau: thang: ri Anna: khokham gi Yesu ri myheig tei" lho: khainjung agyi moo": Kayapha jhang khyoo yhe: de" kaid bye:.
(Mat 26:71-75; Mar 14:69-72; Luk 22:58-62)
25 Simun Petru gi myi: yab gang nyid da" uri byu dayham" bang: gi ?Nang we' hau: yug da" byencang" anghoid la"? ga: myid: boem.
Petru gi Ngoo anghoid ga: ngeug pyam.
26 Petru wigi nakhyab' jab phyed byid: shau" da" join pho bidnoem Khainjung agyi dayug da" join phoo gi nang ri hau: yug yo" dage" khyam: moo ngoo myang- anghoid la"? ga: tid.
27 Petru gi ngoo anghoid ga: dalheung: doem ngeug pyam. Hau: uri nyang: gyo, toin: bye:.
(Mat 27:1-2,11-14; Mar 15:1-5; Luk 23:1-5)
28 Nabsoin: myo, hain" zoo" Yesu ri Kayapha jhang mo Pilaid khokham khoo" khyoo doem shu" yhe: lo" boem. Yuda zoug yi gi lhid: kaid pui" myen" xoin zoo: wa da" shid re" noku thung" tarha" yo' dakhyoo" ti" nyang: nya: da" gung ri cid" shang: nyid boem yoomo hau: khokham khoo" khyoo: abo cang yhe: boem.
29 Houg: yoomo Pilaid khokham gi houg: bang: yo" shau" goo" wa shid re" nghe: shoid khyoo: thu' re" lho: ?He: yug ri ce: ja: shoid vhang yoomo yooboo foin: go"? ga: myid.
30 ?Houg: bang: gi yooboo daja: ja: shoid su: anghoid rigi zougpho' jhang moo ngoonu" khe: shu" ri" wa zi anghoid? ga: tid boem.
31 ?Pilaid khokham we' nanu" nyang: he: yug ri shu" loo" ge. Nanu" nya: thung" tarha" khyo" dang: lo" phyed ge'? ga: tid.
?Nyangnu" koem gi ngoonu" gi byu hang" ri we' said pyam wa da" dang: ayo" phyed? ga: doem phougtu" boem.
32 (Nyangnu" doem phougtu" da" khyoo: gi Yesu khasu" shid: wa da" khyoo: ri nang: tid too" bye: ziyo' dakhyoo" ti" bue" lo khyoo nghoid nyid.)
33 Pilaid khokham gi yhoem: khoug: khyoo: doem vang lo" lho: wigi Aseing Yesu ri khe: yu lho: wigi ?Nang gi Yuda yi da" khokham nghoid la"? ga: myid.
34 Yesu gi ?He: dang: gyi khoin" ri zoug phoo khyo" myid: la". Houg: su" anghoid lang" gi nga" da" khyoo: ri dayug yug re" koug yoomo myid: la"? ga: tid.
35 Pilaid khokham gi ?Nang gi ngoo ri Yuda byumyu" dayug yug nghoid ein: jho: nyid la". Nang ri nga" jhang khyoo: shu" ri" mo, gi Re" da" byumyu" yi yo' khainjung agyi moo" yi za: danghoid' ago". Nang gi ce: moo" shoid to" lha"? ga: doem myid.
36 Aseing Yesu gi ?Nga" mungdain: gi he: mougmyid yo" asen: nghoid rigi ngoo gi Yuda byumyu" da" lo, moo avang loo" sho' nga" da" cangzoo: yi gi meing: zain wa zi nghoid. Nga" da" mungdain gyeing" gi he: mougmyid yo" asen:? ga: wigi tid.
37 Pilaid khokham gi houg: su" nghoid rigi ?Nang gi khokham nghoid la"? ga: myid.
Aseing Yesu gi Ngoo gi nang tid ziyo' dakhyoo" ti" khokham nghoid. Ngoo gi deingmain" da" tarha" ri kho" kyoo" baja" ga: khu: re" lho: he: mougmyid moo gyoo" lo zi nghoid. Deingmain" da" tarha" yo" sen: mo, dangain" gi nga" da" dang: ri tam" gyo: ago" ga: tid kyo".
38 Pilaid khokham gi deingmain" ga: zigi ce: noem nghoid lha"? ga: myid.
(Mat 27:15-31; Mar 15:6-20; Luk 23:13-25)
Hau: thang: ri Pilaid khokham gi byu yi jhang khyoo: thu' re" lho: wigi
?He: yug ri said pyam wa yi, da" yooboo gi ngoo ci: amyang? ga: tid.
39 ?Nanu" da" thung" boo ri jo ziyo' dakhyoo ti" lhid: kaid da" pui" nam" ri thung byu dayug yug ri ngoo lhoung nhang: thu' kaid. Nanu" da" Yuda khokham phoo ri nhang: kaid wa zi vhoo: go" la"? ga: myid.
40 Houg: bang: gi ?Nyang: ri anhang: thu' alhoid pyoin kaid. Baraba ri nhang: thu' kaid we'? ga: nyho: yoid lo boem. (Baraba gi khyangtoug: phoo nghoid nyid.)