YOHAN
NGEI BU: LU DANG:
(John)
Yesu gi apyaid ato: Mangso mungdang: yo' dakhyoo" ti" nyang: gi xangsu: byugung void yu lho: nyha" khoug: moo nyid khare" khyoo: ri lhid" pang shug to". Mungdang: moo tid to" ziyo' dakhyoo" ti" Yesu gi dang: theing: to" da" khyoid yu Aseing Mangso nya: zoo: yo' nyang: ri loem khoug mo, gi loem khoug: khyo" kangso' shau" yu khyoo: ri he: mougsoug" nghab' mo, yo" loem jeing" loo wa shid re" he: ngeibu: lu dang: moo lhid" to".(20:31)
Yesu gi apyaid ato: Mangso Mungdang: nghoid da" khyoo dang: phang thang: ri he: ngeibu: lu dang: da" xangshid" du mo mau" pho" alhoo: again myoo: sho' moo Yesu gi dangtheung to" khyoid yu Aseing Mangso nya: zoo: nghoid khyoo: ri pang shug to". Xo' wigi hau: da" mau" pho" alhoo: again joem da" dang: kang: ri phid kyo" khyoo: we' bo. He: du mo jhoem: dang: moo mungbyu dayham" Yesu ri khasu" loemkhau: lo lho: nya: cangzoo: yi bue" lo khyoo: riwe- dayham" gi nyang: ri ngeug se: thug theung lho: aloem khau: khyoo: ri we' tid to". Abeing: 13-17 moo Yesu ri myheig loo" wa da" myen" ri Aseing Yesu yo' cangzoo: yi gi jheddab tung" zoem" khau: da" khyoo:- pyang" zeing moo shid: kham jhang lo uri cangzoo: yi thoung" shau" wa da" moozoo" joem' ri yo" zei: loo" wa da" shid re" yoem: byid: da" mungdang: joem tid kyo" lo" da" khyoo: ri gyi: gyi: sheung: sheing: lhid" kaid to? Thang: thang abeing: moo gi Yesu da" myheig tei" lo" khyoo: yo' myid: ca joeb khyoo:- pyang: zeing tho' moo shid: kham khyoo: yo' doem dei to'' lo lho: nya: cangzoo: yi ri nya: gungdu: thu shug da" khyoo: joem bo.
Avoid avhu: koid myiyi: ri myheig she: lo da" mhoomyid: (8:1-11) ri we' khuang shid" khaung myid" khyo" bo kaid to"- khasu" wim ga ri hau: da" khyoo: ri xangshid" yo mo jhoem: phug, pug myoo" sho' moo gi abo lhid" kaid too"- gootu: joyoo moo gi lhid" kaid too" yoomo nghoid.
Lagyoo: Yohan gi Khristu jhang mo yo" yu wa da" apyaid ato: je" ju" jhungshug khyoo: ri ayang: koid lho: lhid" to" jang" moo Yesu gi khyoo: we' deing main" da" tarha" we' kangso we' nghoid da" khyoo: ri loem khoug: mo, dangain" hau: je" ju" ri akhid" nyang: yoo" wa. Yohan gooki" lid da" akhyoo" gi xangsu: byu yi nyid" khang" nyid" ci: yhung: nyid da" gyid yo" zoo: noem- bid bang- yang zoem: su: yo' yang- zabyid nei yo" zabyid shi" da" khyoo: joem ri dang: tu yu lhoo wigi no, thang da" dangkang: ri phid' jhau" byid: to".
1
1 He mougmyid yoo soo" ri aphain" soo: too" shi" mo Mungdang: gi jo, jo, gu nghoid bye:. Hau: mungdang: gi Mangsoo yo' dage" nyid. Mungdang: we Mangsoo nyang: nghoid bye:.
2 Hau: mungdang: gi apoem: ayang mo nyang:- Mangsoo yo' dage" nyid bye:.
3 Nyang: khyo" wigi Mangsoo gi- jo, moojo, ri phain" so: to". Phain" so: to" jang" moo nyang: aboo loo bue" lo zi gi daja we ajo.
4 Hau: mungdang: gi kangso ajhung: nghoid- hau: da" kangso gi byu yi da" bidbang nghoid.
5 Hau: bidbang gi mougcoid moo thoin" pang byid: nyid. Hau: mougcoid gi bidbang ri khanham we ayo" nghoeb too.
6 Mangsoo gi nya: lagyoo: Yohan ga: su: dayug ri nhang: kaid.
7 Mangso mungdang: ri byu dangain" shau" gyo: lho: loem" jeing" lo boem baja" ga: hau: Yohan gi bidbang da" khyoo: ri sagsi kham: byid: wa ga juri" bye:.
8 Nyang: gi bidbang anghoid. Bid bang da" khyoo: ri sagsi kham: wa ga: dare.
9 Hau: gyeing" da" bidbang gi mougmyid moo gyoo" lo lho: byumyu" bain sho' mo, da" tho' moo thoin" pang too" bye:.
10 Mungdang: gi mougmyid moo jo, jo, bye:. Mangsoo gi mougmyid ri Mungdang yo' phain" too" bye: nghoid loug we' mougmyid gi nyang: ri asi.
11 Nyang: gi nya: da" moug mo ju" ri" nghoid loug we' nya: da" byu yi gi nyang: ri alhoem: kham: yu boem.
12 Nghoid loug we' dayham" koem gi nyang ri lhoem: yu lho: loem" jeing" lo boem bye:- houg: su" nyang: ri loem" jeing" mo ri Mangso da" nya: zoo: yi yo" bue" loo wa akhang" byid: bye:.
13 Houg: bang: gi byu da" nya phoo mo khu: lo da" nya: zoo yi nghoid nyid wigi xangsu: suid shoo" khyo" Mangso nya: zoo: yi yo" bue" lo zi anghoid. Mangsoo nyang- nyangnu da nya: phoo' nghoid nyid.
14 Mungdang gi byu gung bue" lo lho: Jeju" yo" deingmain" khyoo: byeung" zoore ngoonu" jhang moo re" nyid bye:. Ngoonu" gi nya: da" Phung yoeb ri yo" myang boem bye:. Hau: da" phung" yoeb gi Nya: pho zooti" zoo: khyo" yo" kham: yu da" myonhoo: phung" yoeb nghoid.
15 Yohan gi nya: khyoo: ri tid bye nyang tid zigi Nga" thang: moo juri" wa su: gi nga" tho' je gyi: su nghoid. Khasu" wim gari nyang: gi ngoo: akhu: shi" mo nyid nyid bye: su: nghoid ein: ngoo lhoung tid nyid da" su: gi he: yug nyang nghoid bye" ga: nyho: tid.
16 Nyang: gi Jeju" yo" byeung" su: nghoid zi yo" dakhyoo" ti" Jeju" da loem: thang: moo daloem: nyhang" ri main kaid byid: nyid.
17 Mangsoo gi tarha" ri Moshe khyoo" wigi byid: kaid. Nghoid loug we' Jeju" yo" deingmain" zigi Yesu Khristu khyo" wigi ju" loo bye:.
18 Byu hang" we' Mangsoo ri amyang yu" nghoid loug we' nya: pho' da" shid khoin moo nyid da" Mangsoo: yo' dakhyoo" ti" da" zooti" zoo: gi Mangsoo ri thoin" pang shug nyid bye:.
(Mat 3:1-12; Mar 1:1-8; Luk 3:1-18)
19 Yerusalem voo moo nyid da" Yuda zoug: yi gi Khainjung agyi yi dayham" yo' Levi yi dayham" bang: ri Yohan jhang khyoo: nhang: kaid lho: nang gi hang" nghoid ga: myid: nhang: kaid boem.
20 Houg: lang" Yohan gi ?Ngoo gi Meshia anghoid? ga: wigi azoug" loo: bang bang lhoem: tid kyo". Houg: bang: gi Nang Meshia anghoid rigi hang" nghoid Elia nghoid la"? ga: doem myid: boem.
21 Houg rigi nang hang" nghoid- Elia nghoid la"? ga: myed: ?Yohan gi ngoo Elia anghoid ga: tid.?
Nyangnu" gi nang gi Lapi: nghoid la"? ga: doem myid: lang" Yohan gi
?Ngoo gi hau: da" lapi: we anghoid ga: tid.?
22 ?Houg: bang: gi Houg: ri nang hang" nghoid-? ngoonu" ri nhang: kaid mo, ri lo" tid kyoo" ca. Nang nya: gung ri nang hang" nghoid ein: myid nyid ga: doem tid.
23 Yohan gi lapi: Esaia tid kyo" to" zi dakhyoo" ti"
ngoo gi Aseing ri" wa da" khyoo: ri dain: dain: nyheung' ge' ga:
dain" pyoid yoo moo nyho: nyid su: da" thui: nghoid ga: tid.
24 Yohan jhang moo Pharishe" yi nhang: kaid da" lagyoo: yi doem myid: zigi
25 Nang Meshia we anghoid- Elia we anghoid- Mangso da" lapi: phoo we anghoid rigi Ce: noem koid wigi babtisma kham: byid: yen" lha"? ga: zheing: myid: boem.
26 Yohan gi ngoo gi gyid yo' babtisma ri kham: byid. Nanu" da" Phoung: moo nanu" asi su: dayug bo yab jo.
27 Hau: yug gi nga" thang: moo da ju" ri" nghoid loug we' Ngoo gi nya: khyidbaid tei" phid: byid: wa zi lang" amoin: yi" su: nghoid- ga: tid.
28 He khyoo: gi babtisma kham: byid: da" Yodan gyidlang bidthu shoid moo jo, da" Bethani voo moo bue" da" khyoo: nghoid.
29 Thang: nyid" ri nya: jhang moo Yesu jure" zi myang lang" Yohan tid zigi Mougmyid byu yi da" yooboo ri yu pyam byid: da:- Mangso yang nu" ri yu" yu" ge.
30 Nga" thang: moo juri" su: danghoid' loug- Nga" tho' mo je gyi: su: nghoid. Khasu" wim gari he: yug gi ngoo akhu: shi" mo nyid nyid su: nghoid- ngoo lhoung tid nyid su: gi he: yug nyang: nghoid bye:.
31 He: yug hang" su: nghoid zi xang: shi" ri ngoo asi. Nghoid loug we' Israela byumyu" yi nyang: ri zheing: se' boem wa shid re" Ngoo gi gyid yo babtisma ri kham: byid.
32 Hau: thang: Yohan sagsi kham: da" zi gi gyeungshang: Venyi: gi mougkhung: khyo" pheing" kyoug" yhangti"- gyoo" lo lho: nya: tho' moo zhoung: jo, ziri ngoo myang.
33 Nyang: gi hang" su: nghoid zi xangshid" ri ngoo asi- nghoid loug we' gyid yo" babtisma kham: byid: wa shid re" ngoo ri nhang: kaid da" Mangsoo: tid zigi gyeungshang: Venyi: gi gyoo" lo lho: dayug yug da" atho' moo zhoung: jo, ziri nang shau" myang wa. Hau: yug gi gyeungshang: da" Venyi: yo" babtisma byid: wa su: nghoid.
34 Houg: su" tid to" ziyo' dakhyoo" ti" ngoo shau" myang bye:. Houg: yoomo ngoo nanu" ri tid ba- nyang: gi Mangso da" nya: zoo: nghoid.
35 Thang: nyid" moo Yohan gi nya cangzoo: eig yug yo" dage" yab jo, da" uri
36 Aseing Yesu jure" zi myang lang" thei: yug gi Mangso yang nu" nghoid ga: tid.
37 Cangzoo: eig yug gi hau: dang: khoin" ri shoug" gyoo: lang" Yesu da" thang: moo cang lo" ago".
38 Aseing Yesu gi thang: khyoo: lheung: yu" kaid ri houg: bang: cang lo ziri myang lang" ?Nanu" ce: noem sho: yen" go" ga: wigi myid.
Houg: bang: gi ?Rabai we" nang khamoo: nyid la"?ga: myid: boem. (Rabai ga: da" dangkang: gi sara: we" ga: tid nau zi nghoid.)
39 Yesu gi hid: moo re" yu" ge" ga: phougtu. (hau: ayo, gi myenthang: myid nayi: koo nghoid bye:.) Houg: lang" nyangnu" gi nya: thang: cang yhe: ri nyang: nyid joyoo yhe: zheing: myang boem lho: nyangnu" gi Yohan yo' danyid" goin" nyid koin ago".
40 Hau: cangzoo: yi mo dayug gi Simun Petru da" nya: nhung"- Andre nghoid.
41 Nyang: gi nya: mang: Simun ri myang lang" tid zigi ?Ngoonu" koem Meshia ri myang bye:.? (Meshia ga: da" dangkang: gi)- Khristu ga: zi nghoid ga: tid.
42 Hau: thang: ri nyang: gi Simun ri Yesu jhang khyoo: khe: shu" yhe.
Yesu gi Simun ri yu" lho: tid zigi ?Nang gi Yohan nya: zoo: Simun nghoid. Nghoid loug we' nang rigi Kepha ein: myheing wa zi nghoid. (Hau: zigi Petru ga: ziyo' du: lho: lung: moo" boem ga: da" dangkang: bo.)
43 Thang: nyid" moo Yesu gi Galile mung" khyoo: loo" wa shid re" myid phyid to". Philib ri myang lang" nga" thang: cang we' ga: tid.
44 Philib gi Besaida voo mo nghoid. Besaida gi Andre yo" Petru eig yug nyid da" voogung nghoid.
45 Philib gi Nathanela ri myang lang" Moshe da" tarha" pug moo nghoid loug- Lapi: yi da" Jhoem: mungdang: moo nghoid loug- lhid" shed' too" su: ri ngoonu" myang bye:. Hau: yug gi Yoseb da" nya: zoo:- Nazared mo Yesu nghoid ga: tid.
46 Nathanela gi Nazared voo mo zi gi daja: ja: thu' yu" la"? ga: myid.
?Philib gi re" we' yu" we' ga: tid.?
47 Nathanela ri" nyid zi Yesu myang lang" nya: khyoo: Yesu tid zigi fain" da" nheigloem: abo da" Israela byu gyeing" dayug hid: moo ju" bye: ga: wigi tid.
48 Nathanela gi Yesu ri nang khasu" wim ngoo ri khayo se' lha"? ga: myid: yu".
Yesu phougtu" zigi ?Nang ri Philib are" khi: shi" re- lafoem gam gyid" moo danyid shi" mo nang ri ngoo myang bye:.?
49 Houg: lang" Nathanela gi Sara: we" nang gi ?Mangso da" nya: zoo: nghoid Israela byumyu" yi da" khokham nghoid.? ga: wigi Nathanela phougtu.
50 Aseing Yesu gi ?Lafoem gam gyid" moo ngoo nang ri myang bye: ga: tid yoomo za: nang loem" jeing" la". He: tho' moo je gyi: da" moozoo" joem ri nang myang shi" wa zi nghoid.
51 Ngoo deing" deing nanu" ri tid ba- mougkhung: khoem" phang lho: byu da" nya: zoo: tho' moo moug: lagyoo: yi gyoo" loo do, loo" koid nyid da" ziri nanu" shau" myang wa? ga: wigi nyangnu" ri Yesu tid.