3
Yona jang" moo Aseing mungdang: dalheing: doem ju" ri" bye:. ?Hau: gyi: sheung: da" voomoo" Nineve khyoo: yhi: we'-ngoo nang ri tid nhang: da" mungdang: ri tid fu" we? ga: tid. Hougsu" Yona gi Aseing da" dang: ri tam" gyo: lho: Nineve khyoo: yhe: loo" bye:. Nineve voomoo" gi soem" nyid" so" gyoem da" voomoo" zeing nghoid nyid. Houg: lang" Yona gi Nineve voomoo" khyoo: yhe: lo" wigi danyid" so" gyoem thang: ri nyang: gi bidnyid myid: xi: nyid" lang" Nineve voomoo" gi byo, yoin" loo" wa bye:? ga: tid fu" lo.
Nineve voobyu yigi Mangso mungdang: ri loem" jeung" boem bye:. Houg: yoomo nyangnu" yugkhang" moo" gi zoo: noem zeing: wa myid phyed to" boem ziyo' gyi: zoo: nge zoo: dangain" nheigloem: thid da" aved toin" shed wa shid re" jid: moo" byimi ri void ci: boem.
Hau: lu dang: ri Nineve khokham shoug" gyoo: lang" nyang: gi nya: zhungtang mo to' lho: khokham byimi ri khyoid pyam wigi jid: moo" byimi ri void ci: lho: myiyab boem" moo zhung: jo. Nyang: gi Nineve voomoo" khyoo: lu dang: fu" nhang: kaid zigi ?He: zigi khokham yo' nya: zoug: ludaid yi da" amyeing" dang: nghoid. Hang" dayug we' ci: we' azoo: goo". Meing: byu yi nu: kyung joem yo' yang joem dangain" ri ci: we' azhoo" ajhug goo"? ga: toem' to". Byu yi yo' gougnyhoug joem dangain" jid: moo" byimi void ci: ge'. yugkhang" moo" nyang: nya: akhyeing" ashoeb da" aved asam" yo' yooboo moo" zoo" ri to" pyam lho: ayoo" atho' Mangso jhang mho' nyid we'. Mangsoo gi nya: myid ri thid pyam abe. Nyang: nheig yo: nyid khyoo: ri theing: pyam shi" abe. Houg: lang" ngoonu" gi ashid: loo wa nghoid.
10 Nyangnu" koid nyid khyoo: ri Mangsoo myang bye:. Nyangnu" da" akhyeing" khyoo: joem ri jang" pyam da" moo" zoo" ri Mangsoo myang byid: bye:. Houg: yoomo Mangsoo gi nyangnu" ri yooboo dam kaid wa ga: myid soin' moo" zoo" ri thid lho: yooboo dam abyid: loo.