16
1 Danyid" ri Samson gi Philisti voomoo" Gaza khyoo: yhe: lho: houg: moo Shava myhi' dayug yo' yhe: shau" wigi nyang: yo' yhe: yhoeb da:.
2 Gaza voobyu yigi Samson houg: moo nyid ziri si' lang" nyangnu" gi hau: joyoo ri vang: to" lho: voomoo" vang khyam: khoem" moo damyen goin" Samson ri loem: nyid ago". Nyangnu" gi nyangnu" nyang: cang" ?Ngoonu" mau: boo" sho' loem: wigi nyang: ri said pyam wa? ga: myid boem yoomo nyangnu" damyen goin" sam: zoo: nyid nyid boem ago".
3 Nghoid loug we' Samson gi yhoeb yoo moo gam gung ju" sho' za: nyid nyid da:. Hau: thang: nyang: gi to' wigi voomoo" vang khyam: khoem" ri zei: lho: khoem"- khoem" bung- khoem" kyang joem dangain" ri nyang: lang: phoin' pyam da:. Nyang: gi hau: joem ri nya: koo" tho' moo koid: vu, lho: Hebron voomoo" nam bouggung ju" sho' vu, lo" da:.
4 Hau: thang: ri Samson gi Soreg janggyoin: moo nyid da" Delila ga: da" myiyi: dayug ri yu" vho: da:..
5 Philisti khokham wim: yug gi hau: myiyi: myhi' jhang yhe: lho: ?Nyang: ciwim yoem: houg: yhi' bo da" khyoo: ngoonu" nyang: ri khasu" yo" oung: pyam wa khyoo: nyang: ri khasu" yo" tei" wa khyoo: yoem: neing: sho' khasu" yo" koid wa khyoo: nyang: nang ri tid kyoo" sho' mhid" myid: we'. Ngoonu" yugkhang" moo" wigi nang ri ngei dakhyeing" dashoo: pyi" pyi" byid: wa? ga: tid ago".
6 Houg: yoomo Delila gi Samson ri ??Jeju" khyo" nang ri ciyo' wigi gye" yoem: boo nhang: da" khyoo: yo' dayug yug nang ri tei" lho: yoem: neing: nhang: nau nghoid ri nyang: khasu" yo" koid wa la"? ga: khyoo: ri ngoo ri tid kyoo" we'? ga: myid: da:.
7 Samson gi ?Nyangnu" ngoo ri lid: pyi' aseig nyhed khaid wigi tei" boem nghoid ri ngoo gi gootu: bang: yo' dakhyo" yoem: neing: khari" wa? ga: tid da:.
8 Houg: yoomo Philisti khokham yigi lid: pyi' aseig nyhed khaid ri Delila jhang ci: ri" byid: ago". Houg: lang" nyang: gi Samson ri tei" da:.
9 Nyang: gi gootu: dayab moo yuggi dayham" rilang" nhang: to" lho: nyang: gi ?Samson we"- Philisti byu yi re" nyid ago" ? ga: nyho: kaid da:. Nghoid loug we' Samson gi hau: lid: pyi' joem ri khyeing: ri myi: wigi tain" kaid ri byid lo" yhang: ti" lang: phyid pyam da:. Houg: yoomo nyangnu" gi Samson da" yoem: bo khyoo: ri zoug" to" ziri asi' shigoo" nghoid da:.
10 Delila gi Samson ri ?Yu" we' nang gi ngoo ri mhoug yoomo jo da" khyoo: ngoo ri atid kyoo" nghoid da:. Jeju" khyo" dayug yug nang ri khasu" yo" tei" wa khyoo: ngoo ri tid kyoo" la? ga: tid da:.
11 Nyang: gi Delila ri ?Nyangnu" ngoo ri aci: yu" shi" da" tei" seig joem yo' tei" boem nghoid rigi gootu: bang: yo' dakhyoo" yoem: neing: su: bui" wa? ga: tid da:.
12 Houg: yoomo Delila gi tei" seig joem shoug" yu lho: nyang: ri tei" da:. Houg: lho: ?Samson we"- Philisti byumyu" yi re" nyid ago"? ga: nyho: kaid da:. Yuggi yigi gootu: yab moo lang" nyid boem ago". Nghoid loug we' nya: lo, sain: mo tei" joem ri khyeing: joem yo' dayhang: ti" lang: phyed pyam da:.
13 Delila gi Samson ri ?Nang gi akhid" we' mhoug nyid ashi". Jo zi ngoo ri atid kyoo" nghoid da:. Dayug yug nang ri khasu" yo" tei" wa khyoo: ngoo ri tid kyoo" la? ga: myid: da:.
Nyang: gi Delila ri ?Nang nga" xam: nyhed khaid ri yo, gain: moo bo yo, lho: hau: ziri dung" zeing moo: teing za: tei" to" nghoid rigi ngoo gi gootu: bang: yo' dakhyoo" yoem: neing: yug nghoid wa? ga: tid da:.
14 Hau: thang: Delila gi Samson ri shu" yhoeb lho: nya: xam: nyhed khaid ri yu wigi yo, gain: moo bo kaid yo, ziyo' dung" zeing moo teing za: tei" to" da:. Houg: lho: ?Samson we"- Philisti byu yi re" nyid ago" o"? ga: nyho: da:. Nghoid loug we' nyang: boin: to' re" wigi nya: xam: joem ri yo, gain: mo lang: phoin' yu da:.
15 Houg: yoomo nyang: gi Samson ri ?Nang ngoo ri angei ajheddab ziri jheddab ein: khasu" yo" tid la". Nang ngoo ri mhoug zi soem" lheing: nghoid abye:. Nang ri gye" yoem: boo nhang: khyoo: gi ci: nghoid ziri nang ngoo ri akhid" ju" sho' atid kyoo" shi" nghoid da? ga: tid da:.
16 Nyang: gi hau: ziri danyid" thang: danyid" myid: nyid da:. Hougsu" yoomo nyang: gi hau: khyoo: yo' sen: wigi nyang: phibu phaxeig koid nyid yoomo gye" gyo: ngheing" re" wigi
17 Samson gi lo" thang moo hau: deingmain" da" khyoo: nyang: ri tid kyo" pyam da:. Nyang: gi ?Nga" xam: khanham we' aphyid yu"- ngoo khu: da" ayo, mo Naziri dayug khyo" Mangsoo ri shugbyid: to" da" su: nghoid. Nga" xam: joem ri phyid pyam nghoid rigi ngoo yoem: neing: lo" byug wigi gootu: bang: yo' dakhyoo" yoem: neing: byug wa? ga: tid da:.
18 Delila gi Samson deingmain" ziri tid da" khyoo: ri si' lang" nyang: gi Philisti khokham yi jhang lu dang: foin: kaid lho: ?Dalheing: doem ri" shi" ge'. Nyang: gi ngoo ri deingmain" ziri tid kyoo" bye:? ga: pyeung: kaid. Hau: thang: nyangnu" gi nyangnu" yo' dage" ngei voin re" boem ago".
19 Delila gi nya: shid khoin' moo Samson ri yhoeb sho' shu" shoeb thang: byu dayug ri khe: yu lho: hau: yug gi Samson da" xam: nyhed deing: ri phyid pyam byid: da:. Hau: thang: Delila gi Samson ri shen" yhen da:. Ciwim gari nyang: gi yoem: neing: byug abye:.
20 Hau: thang: nyang: gi ?Samson we"- Philisti byumyu" yi re" nyid boem ago" o"? ga: nyho: da:. Nyang: yhoeb to' re" lho: ?Ngoo gi shid phyang" yhang: ti" lu: khyoid pyam wigi phang: loo" wa? ga: myid da:. Aseing wigi nyang: ri du" pyam bye: ziri nyang: asi' nghoid da:.
21 Philisti byumyu" yigi nyang: ri myheig yu lho: nya: myojid" ri thoug" thoid pyam byid: ago". Nyangnu" gi nyang: ri Gaza khyoo: shu" lo" lho: gyid: mid" jangcoo" yo' tei" to" wigi thung: khoug: moo lug lheing: gyeig moo" ri koid nhang: ago".
22 Nghoid loug we' nya: xam: doem yug re" nyid bye:.
23 Philisti khokham yigi dage" pui: koid lho: nyangnu" yu phara" Dagon ri xoin" ngei" byid: ago". Nyangnu" gi ?Ngoonu" yu phara" gi ngoonu" gyivoo Samson ri oung: doid nhang: abye:? ga: jikhoin" khoin" ago".
24-25 Nyangnu" gi nyangnu" nyang: pyo: nyid boem wigi ?Samson ri yhe: khe: loo ge'. Ngoonu" ri lho: shug nhang: shang? ga: nyangnu" tid ago". Nyangnu" gi Samson ri thung: mo shu" thu lo boem lang" nyang: ri nyangnu" shid re" lho: shug nhang: lho: nyangnu" gi nyang: ri zeing bung: joem agyoo: moo yab jo, nhang: ago". Byu phung: yi nyang: ri myang boem lang" nyangnu" gi nyangnu" yu phara" ri ?Ngoonu" yu phara" gi ngoonu" byu myoo" sho' ri said pyam da" ngoonu" gyivoo phoo Samson ri oung: pyam nhang: abye:? ga: jikhoin" khoin" byid: bye:.
26 Samson gi nyang: ri lo, moo she: lho: vhu" she: re" da" zoolu: zoo: ri ?He: yhoem: ri voin ci: da" zeing bung: joem ri tain" nhang: la- ngoo houg: joem moo nghe: nyid wa? ga: tid da:.
27 Hau: yhoem: moo" moo yuggi myiyi: byeung" nyang: nyid boem ago". Philisti khokham wim: yug goin" we' houg: moo nyid boem ago". Hau: yhoemkhung: tho' moo yuggi myiyi: soem: khyeing" koo: Samson lho: shug nyid ziri yu" nyid boem ago".
28 Hau: thang: Samson gi ?Yoem: moo" bo thang da" Aseing we"- jeju" khyo" ngoo ri myid boin: la. Mangsoo we"- jeju" khyo" nga" yoem: ri he: dalheing: za: doem byid: la. Hougsu" lang" he: dalheing: yo' nga" myojid" ri thoug" thoid pyam byid: boem da" Philisti byu yiri latoo: yo" phug pyam wa zi nghoid? ga: akyu" mho' da:.
29 Houg: yoomo Samson gi yhoem: moo" ri voin ci: da" agung mo zeing boung: eig loem: ri zei: da:. Dazeing ri dalo, lo, zei: wigi doin: lho:
30 ?Philisti byu yi yo' dage" ngoo ri shid: nhang: la o"? ga: nyho: da:. Nyang: gi hau: yhoem: moo" ri nya: yoem: bo thang yhi' doin: khyau" lheing: kaid da:. Yhoem: moo" gi hau: khokham wim: yug yo' yugkhang" moo" adang moo gyo" nhe' lo" da:. Samson gi byu yiri nyang: dei nyid da" ayo, gyoo: mo tho' nyang: shid: da" uri je yo" said pyam da:.
31 Nya: nhung" bang: yo' deing da" yhoem: byu yi' gyoo" re" lho: nya: manggung ri yhe: koid: yu ago". Nyangnu" gi nyang: ri dang lo" wigi Zora yo' Eshtaola agyoo: moo jo, da" nya: pho Mano da" loeb moo myhoeb pyam ago". Nyang: gi Israela byumyu" yiri eig xi: zain vhu" she: loo bye:.