52
1 Yerusalem we"- yoem: bo wigi doem gyi: sheung: loo we'.
Mangso da" gyeung" shang: voomoo" we"- Reung: da" ziyo' nanya: gung ri byimi soin' void ci: we'.
Tarha" tungbau yigi re" khoem" moo khanham we' ayo" doem vang goo" wa.
2 Yerusalem we"- nanya: gung ri koo: we'.
Pheilhoug: boem" mo to' lho: nanya: zhungtang moo zhoung: we'
Ziun da" thung: byu yi we"- nanu" ri tei" to" da" jangcoo" joem ri khyoid we'.
3 Gyi: sheung: thang Aseing gi nya: byu yiri ?Nanu" join bue" lo" boem uri nanu" shid re" ngei abyid: nghoid ago". Houg: yo' dakhyoo" ti" nanu" ri lhoid pyoin' kaid wa shid re" we' abyid: ca" wa.
4 Tungbau byu yi khyo" nanu" Egutu moo yhe: nyid boem uri nanu" nya: myid khyo" yhe: lo" ago". Nghoid loug we' Asuri gi nanu" ri agyoo: atho' nyangnu" ri shu" lo" byug wigi nanu" shid re" ci: abyid: nghoid ago".
5 Akhid" Babelon moo we' dayhang: ti" za: bue" abye:. Nanu" gi thung: byu yi nghoid boem. Nanu" shid re" ciwe' abyid: nghoid ago". Nanu" ri vhoeb da" bang: gi phau: wigi byeing abyid ngoo ri aphoug" akhyoid koid ago".
6 Ngoo gi Mangsoo nghoid lho: nanu" ri ngoo dang: tid bye: su: nghoid ziri yhen: yu goo" wa da" ayo, ju" loo wa? ga: tid da:..
7 Lu dang: gi nghoid da" yug yoo myenjham" da" lu dang: voin wigi
boem joem ri lid: phyid lho: re" nyid da" lagyoo: dayug ri
Shau" myang zigi gye" mau" pho" zi nyang: nghoid.
Nyang: gi oung: doid khyoo: ri tid fu" wigi Ziun ri
?Re" Mangsoo gi khokham nghoid da o"? ga: tid.
8 Voomoo" zung" bang: gi nyho: yoid nyid ago".
Gau wigi dage" nyho: yoid nyid boem.
Ziun khyoo: Aseing tau" lo" ziri
Nyangnu" nya: myo, jhid" wigi nyang: myang boem bye:.
9 Byo, yoin" jo, da" Yerusalem nang we"
gau wigi nyho: kaid we'.
Aseing gi nya: voomoo" ri khyoid yu wigi
Nya: byu yiri nheig teing byid: loo wa.
10 Aseing gi nya: gyeung" shang: yoem: so' ri ci: wa.
Nyang: gi nya: byu yiri khyoid yu wigi
Mougmyid byu xangsu: dangain" gi hau: ziri myang boem wa.
11 Noku Yhoem: Moo" jonu" ri dang da" nanu" dangain" we"
Babelon mo gyeing" nyang: thu loo" ge'.
Toem' to" da" ziyoo joem ri age tain" wa.
Nanu" nya: gung ri gyeung" shang: sho' koid wigi thu loo" ge'.
12 He: lheing: gi nanu" ahain: adoin thu loo" aca" goo" wa.
Phang: loid wa asoin' ca" goo" wa.
Nanu" Aseing Mangsoo gi nanu" ri shu" vhu" she: wigi shoid khang" moo" khyo"
goem loem byid: loo wa.
13 Aseing tid zigi
?Nga" dei zoo: gi nya: moo" ri oung: myug sho' koid loo wa.
Nyang: gi gye" myhang: sho' ngi: shab byid: zi shoug" wa.
14 Nyang: ri shau" myang lang" byu myoo" sho' bang: gi dain mau" byug wa.
Nyang: gi byu yo' adu loo sho' gung khyang: myonhoo: thid byug wa.
15 Nghoid loug we' akhid" byumyu" myoo" sho' bang: we' yu" mau" loo goo" wa.
Khokham yigi atho' tid loo sho' mau" byug wa.
Nyangnu" gi nyangnu" khanham we' ase' da" ja: ri shau" myang wigi
Se' gyo: yu loo goo" wa? ga: tid.