38
(2kh 20.1-11; 2km 32.24-26)
Hau: ayo, moo khokham Hezekia gi no re" lho: shid: lo" nyid da:. Amoz da" yuggi zoo: Lapi: Esaia gi nyang: ri yhe: yu" lho: ?Ja: khang" moo" ri nyheing soin' too" wa shid re" Aseing nang ri amyeing" byid:. Ciwim gari nang noo agi wa. Shid: wa soin' we'? ga: nyang: ri tid da:.
Hezekia gi nya: myonhoo: ri xiyam khyoo: lheing: wigi ?Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"? ga: akyu" mho' da:. Hau: thang: nyang: gi nheig khoo" sho' ngau lo da:.
Hau: thang: Aseing gi Esaia ri Hezekia jhang David da" phoug" phyid" yi da" Aseing Mangsoo ngoo gi re" akyu" mho' dang: ri shau" gyo: wigi re" ngoug byid joem ri myang bye:. Nang ri ngoo daxe: wim: zain sheing: sho' nyid nhang: shi" wa. Ngoo gi nang yo' he: voomoo" Yerusalem ri Asuri khosen da" lo, mo khyoid yu wa. Ngoo gi xo' wigi hau: voomoo" ri goem loem byid: wa? ein: yhe: tid wa amyeing" byid: da:.
Esaia gi ?Aseing gi nya: dangsoo" ri bui" sho' koid wa ein: ziri sagse: ci: shug byid: da" avoid nyang: nang ri byid: wa. Khokham Ahaza wigi koid to" da" zoem" lhang: tho moo Aseing gi bidbang yoeb zoo" ri zoem" lhang: ki daxi: tau" loo" nhang: wa? ga: tid da:. Houg: yoomo zoem" lhang: daxi: ki doem tau" lo byug da:.
Hezekia no ge lo" thang: ri nyang: gi he: coung" nghei jihkoin" ri lhid" da:. 10 Hau: zigi
Nga" apyaid kung" kung" moo
nga" kangso khanham we' ayo" dei nyid loo wa.
Moovo moug: yhe: loo" wa bye: ein: jho: pyam bye:.
11 He: kangso' dei nyid da" mougmyid dang moo
ngoo khanham we' Aseing ri ashau" myang loo wa
anghoid lang" dei nyid da" byu yiri ashau" myang loo wa ein: jho: pyam bye:.
12 Nga" apyaid gi phyo' pyam da" zoem" yo' dakhyo"- yo, gain: mo phed: pyam da" pain" yo' dakhyo"
phyid pyam zi shoug" lho: thang byug da:.
Nga" apyaid ri Mangso wigi thang loo" nhang: nyid ein: ngoo jho: pyam bye:.
13 Nga" shooyoug: joem ri khangkhyi wigi baid khyau" nyid yhang: ti"
Myen goin" khe" no: wigi nyho: nyid da:.
Nga" apyaid ri Mangso wigi thang loo" nhang: nyid ein: ngoo jho: pyam bye:.
14 Nga" thui: gi noem: lo" wigi yoem neing: lo" byug da:.
Ngoo gi pheing" kyoug" yo' dakhyo" nookyeing" khyeing" nyid.
Nga" myojid" gi mougkhung: khyoo: yu" wigi myung: byug bye:.
Aseing we"- he: yau: khe" kyi" khyeug dangain" mo ngoo ri khyoid yu la.
15 Ngoo ciyo" tid wa". He: zi Aseing koid abye:.
Nga" nheigloem: kho" jo, wigi ngoo ayo" yhoeb.
16 Aseing we"- Ngoo gi re" shid mo za: nang dayug khyeing" shid mo za: kangso' dei wa.
Ngoo ri gi nhang: wigi ngoo ri kangso' dei nhang: la.
17 Nga" da" pyaid khoo" gi ngei pyo: yug yo zi bue" loo" wa.
Nya" apyaid ri gyoug ca" ja: dangain" mo nang khyoid yu lho:
Nga" yooboo joem dangain" ri nang khyoid byid: bye:.
18 Moovo moug: mo hang" we nang ri ayo" coung" nghoid ago"-
byushid: mang gi re" jhug zug ziri ayo" loem khoug: nghoid da:.
19 Akhid" nang ri ngoo coung" byid: ziyo' dakhyo"- dei nyid da" bang: gi nang ri coung" byid: nyid ago".
Nang khayhi' jhug zug da" khyoo: ri
nya: myhi' phoo yigi nya: zoo: yiri tid kyo" ago".
20 Aseing we"- nang ngoo ri noo gi byid: abye:.
Ngoonu" gi teing baid wigi nang ri coung" nghei jikhoin" khoin" wa.
Ngoonu" dei nyid myhang re" Noku Yhoem: Moo" moo coung" nghei jikhoin" khoin" nyid wa ga zi nghoid.
21 Esaia gi khokham phoo ri nya: da" byeing dam moo lafoem' shi" akyug tab nhang: wigi nyang: gi ge lo" byug wa ga: tid yu" bye:. 22 Hau: thang: khokham Hezekia gi ?Ngoo Noku Yhoem: Moo" khyoo: yo" yhi: wa nghoid ziri ce: ja: avoid wigi sagse: yo" ci shug wa la"? ga: myid: yu" bye:.