1 He: da" Melkhizedeg gi Salem voogung mo khokham yo' Myhang: thang da" Mangso khainjung agyi phoo' nghoid. Khokham" myid: yug ri zain: oung: lho: Abraham doem ju" lo da" uri Melkhizedeg gi nyang: ri lhoem: tau, yu lho: mainkaid byid. 2 Abraham we' nyang: ci: lo da" zi yoo joem mo xi: boem, mo daboem gi Melkhizedeg ri byid: da. (Melkhizedeg ein: da" myeing dangkang: gi Deing byeung" da" khokham nghoid wigi Salem Khokham" ga: zigi Ngei bu da" khokham ein: da" dangkang: nghoid.) 3 Melkhizedeg da" nya: myhi' nya: phoo'- byukung: byuko' byu jhung" ri we' Nyang: khu: lo ziyo' shid: lo" da" mhoomyid: ri we' agyo: yu" amyang yu" yoomo nyang: gi Mangso da" nya: zoo: yo' du, nyid wigi pyaid moo too: moo danyid nyid da" khainjung phoo' nghoid. 4 Nya: da" dain' thu nya: phoug" nya: phoo' Abraham gi Gyipui" mo yo" yu lo da" dangain" jangmo daxi: boem mo daboem- Melkhizedeg ri xoin" to' byid: nghoid rigi houg: yhang: te" xoin" to' byid: zi ri kham: yu su: gi khayhi' gyi: su: nghoid ein: ziri nanu" myid soin: yu" ge. 5 Khainjung aya: yo" yu da" Levi nya: myid: nya: zoo: yi gi Abraham da" akung: ako' mo byo gyo" loo bang: nghoid loug we' nyang: nya: da" mangnhung"- Israela byumyu" yi lang" gi daxi: boem, mo daboem: ri kuid: yu wa shid mo hau: toung: to" da" tarha" moo tid too" bye:. 6 Melkhizedeg gi Levi amyu" mo anghoid loug we' Abraham jhang mo daxi: boem, daboem, ri kham: yu lho: Mangsoo jhang mo dang: soo" khoin" yo" yu ci: da" Abraham ri mainkaid byid: bye:. 7 Main kaid byid: su: gi mainkaid byid: ziri kham: yu su: tho' mo je gyi: su: nghoid zigi ci: ngeug, goo" wa khyoo: ajo. 8 Khainjung agyi yi khyo" daxi: boem, mo daboem da" alu: ri kuid: yu zigi shid: loo" se' da" byu yi jhang mo nghoid nyid nghoid loug we' Melkhizedeg yu da" daxi: boem mo daboem gi jhoem: mungdang: moo tid to" ziyo' dakhyoo" ti" dadei nyid su: kuid: yu da" xi: boem mo daboem nghoid. 9 Xi: boem mo daboem: da" alu: ri kuid: yu da" Levi byumyu" yi gi Abraham da" lo, khyo" wigi daxi: boem mo daboem ri Melkhizedeg ri byid bye:- ein: we' yo" tid bye:. 10 Khasu" wim gari Melkhizedeg gi Abraham ri lhoem: tau yu da" uri Levi akhu: ri" shi"- nya: phoug" Abraham da" phyid" doem: moo dabo jo, shi ein: wigi yo" tid nyid. 11 Israela byumyu" yi ri hau: toung: to" da" tarha" byid: uri Levi da" akung: ako' mo khainjung aya: moo apoem: ayang: qei" lho: byid: too" bye:. Akhid" Levi da" byumyu" akung: mo khainjung aya: ri joeb byeung" sho' yo" voin vu, deing" deing nghoid rigi Arun da" gung thid' Melkhizedeg da" aya: ri kham: yu da" khainjung goo" tu dayug thu loo anoo" loo. 12 Khasu" wim gari hau" khainjung aya: ri dayo" thid pyam nghoid rigi hau: toung: to" da" tarha" we' yo" thid pyam wa zi nghoid. 13 Hid: akhid" tid nyid ziyo' sen: su: ngoonu" da" Aseing gi Amyu" gootu: yo' sen: su: nghoid wigi hau: amyu" mo hang" we' khainjung dayug khyo" wigi khanham we' phoin: tho' moo xoin" ri ngei" yu" zi anghoid. 14 Aseing gi Yuda byumyu" mo khu: thu' lo zigi bang bang nyang nghoid nyid Moshe gi khainjung yi yo' sen: lho: wigi tid uri Yuda byumyu" da" mhoomyid: ci" we' atid too. 15 \s Melkhizedeg Yo' Du Go" Da" Gootu: Khainjung

Melkhizedeg yo' du go" da" gootu: khainjung- dayug thu loo yoomo khainjung amyu" thid lo" byug bye: zigi je" bang thu' loo bye:. 16 Hau: yug gi Khainjung aya: moo byu wigi nyheung soin' to" da" akhyoo" again khyo" cang lho: aya: tang: too" shau" su: anghoid. Athang agoin da" kangso yoem: moo" khyo" tang: too" shau" su: nghoid. 17 Khasu" wim gari jhoem: mungdang: moo ( Nang gi Melkhizedeg da" aya: moo xo' lho: wigi apyaid atoo: mo khainjung dayug bue" loo wa ga: tid to". 18 Xang: shed" mo da" tarha" gi yoem: neung: lo" lho: akyu" aboo loo: yoomo dangain" shoem" shoung: pyam zi shau" nyid bye:. 19 Khasu" wim gari Moshe da" tarha" gi ce" ja: khyoo: moo we' joeb, byeung" sho' yo" koid bue" khyoo: ajo- akhid" koem gi hau" toung: to" da" tarha" da" gung thid'- je" ge da" nheig byu joyoo yo" byid: bye: yoomo ngoonu" gi Mangso jhang khyoo: yo" yu: tain" vang lo" boem bye:. 20 Hau: tho" moo gootu- Mangsoo thang" cab to" da" dang: jo, shi"- hau: lho: gootu: bang: gi jham tang: zi aboo loo: za: khainjung aya: moo tang: to" zi shau" ago". 21 Nghoid loug we' Yesu gi jham tang: to" dang: yo' khainjung bue" loo bye:. Mangsoo nyang: ri tid zigi( Nang gi apyaid atoo: mo khainjung bue" loo wa" ga: wigi hau: Aseing gi dang: thang" cab to" bye: yoomo nyang: tid to" dang: ri yoeb, yu loo: wa zi anghoid, ga: wigi tid. 22 Hid: yhang: ti" aya: kham: yu jang" moo adu goo" yoomo Aseing Yesu gi je" ge da" dang: khoin" ri kookham: kham: byid: su: bue" loo bye:. 23 Hau: lho: wigi adu go" khyoo: gootu: boo shi"- khainjung aya: ri kham: yu da" khainjung gootu: myoo" sho' yug boo shi"- nyangnu" gi shid: lo" da" khyoo: ri ayo" jang" pyam boem yoomo nyangnu" da" moozoo" ri ayo" xo' zei: loo" nghoid ago". 24 Nghoid loug we' Aseing Yesu gi apyaid atoo: mo kangso dei nyid su: nghoid wigi nya: da" khainjung aya: we' byu dayug yug da" lo, moo yo" thoid' vang loo" wa zi anghoid. 25 Hougsu" nghoid nyid yoomo nyhang" gi nyang: ri loem nghe: khau: lho: Mangsoo jhang khyoo: yu: tain" vang loo bang: ri khanham we' khyoid khyu: yu wa da" yoem: moo" bo nyid. Khasu" wim gari" nyang: gi nyangnu" nya: shid re"-Mangso jhang moo mho' yoid byid: wa shid mo khanham we' dadei nyid. 26 Hougsu" wigi Aseing Yesu gi ngoonu" moo bue" nyid da" ca" vho: khyoo: joem ri pang" byid: thug byid: wa ngoonu" shid re" gye" yhau: gyen: da" khainjung agyi moo" nyang nghoid bye:. Nyang: gi gyeungshang: su: nghoid nyid wigi- nyang: moo shoid vhang: zi yau: noo yooboo ci" we' aboo. Nyang: gi yooboo yoo" mo, phung: moo aboo- gooki" lid da" mougkhung: mougdi moo ju" sho' coung" nghei tu: to' kaid zi shau" su: nghoid. 27 Nyang: gi gootu: da" khainjung agyi yi yhangti"- xang shed" ri nyang: tu: nya: da" yau: noo yooboo shid re" nyid"khang" moo" xoin" nghei" byid: nyid wa ca" su: anghoid. Nyang: gi nya: da" gungdu: ri xoin" du: koid lho:- xoin" to' byid: uri dalheung: za: yo' bain sho' ngei" byid: pyam bye:. 28 Moshe da" tung: to" tarha" gi- yoem: neung: lo" lho: ajoeb, abyeung" da" byu yi ri- khainjung aya: moo tang: too" byid. Nghoid loug we' dang: soo" thu lo thang: ri apyaid atoo: moo joeb byeung" da" nya: zoo: ri Mangso dangtheung' yo' thang" cab byid: wigi khainjung agyi zeung da" aya: moo tang: byid: to" zi nghoid.